Apocalipsis 22:4 - Bible in Tzeltal de Oxchuc y Tenejapa

⁴ Ya me yilbeyic sit Dios ta sitic, soc ta stibaic ts'ibubil te sbiile.

Nuevo Testamento Tzeltal de Amatenango

⁴ Ta sit ya yilbeyik sit te Diose, y yichꞌojbeyik sbiil ta stiꞌsbaik.

Bible in Tzeltal Bachajón

⁴ ya me yilbeyic sit yelaw, soc ay ta sti'bahic te sbihile.

Apocalipsis 22:4 Referans Kwoze

Apocalipsis 14:1

Patil ay yan la quil. Ja' te Alalchij teq'uel ta bay sba te wits Sione. Sjoinej tey a te waxaclajunwinic ta jbajc' (144,000) ta jtul te ts'ibubil ta stibaic sbiil te Alalchije soc sbiil te State.

San Mateo 5:8

“Bin nax me yutsil te mach'atic utstesbil te yo'tanique, te melel ya me yilbeyic sit te Diose.

Apocalipsis 3:12

Te mach'atic ya xju' yu'unic tsalawe, ja' me yoyalic ya xc'ot cu'un ta templo yu'un te Dios cu'une. Xujt' ma xloq'uic sbajt'el q'uinal tey a. Soc ya me jts'ibubey ta bay spatic te sbiil te Dios cu'une soc te sbiil te muc'ul lum yu'un te Dios cu'une, ja' te yach'il Jerusalén te ya xcoj tel ta ch'ulchan ta bay stojol te Dios cu'une. Soc ya me jts'ibubey ta bay spatic uuc te yach'il jbiile.

Job 33:26

Jich me ya yal wocol ta stojol Dios, jich me ya stsacbot sc'op yu'un; bayal me yutsil q'uinal ya yaiy a ya yilbey sit te Diose, ya me sc'ajintabey yaiy ants-winiquetic te yutsil yo'tan te Diose.

Hebreos 12:14

Leaic me te lamaluc nax q'uinal awu'unic soc spisil te yantique. Ch'ultesbiluquex me, melel teme ma jichuque, ma'yuc mach'a ya xc'o yilbey sit te Cajwaltique.

Apocalipsis 7:3

Jich la yal: “Ma to me x'alajinic te lum q'uinale soc te mare soc ni pejt'uc te te'etique. Ja' to teme la cac'beytic sello ta stibaic te abatetic yu'un te Dios cu'untique”, xiic.

1 Corintios 13:12

Ta ora to yacotic ta yilel ta espejo te ma chicanuc ta ilel ta leque. Ja'uc me to, ta patil ya me quilbeytic sit ta jsitic. Ta ora to olil nax jna'oj stojol, ja'uc me to, ta patil ts'acal me ya jna' stojol spisil, jich te bit'il Dios la sna'bon jbae.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

San Juan 12:26

Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

Isaías 33:17

Ya me awilic yan buelta te muc' ajwalil soc te yutsilale; te smojonil sq'uinal te lume, mero c'ubul me ya xc'otic bael.

Salmos 17:15

Yan te jo'one jamal ya cal ta melel: tic' a te bit'il ya quilbey jba jsitic, te ya quilat te c'alal ya xwijc' te jsite.

Isaías 40:5

Jich yu'un te Cajwaltic ya me yac' ta ilel te jelawen yutsilal, spisil ants-winiquetic pajal me ya yilic. Te Cajwaltic ja' nix la yal —xi' me ta yalel.

Salmos 4:6

Tsobol ya yalic: “¿Mach'a ya yac'botic quiltic te bila leque?” xiic. Cajwal, c'uxtayawotic atuquel.

Isaías 35:2

Ac'a me yac' bayal snich, jich bit'il t'ujbil nichimetic ta aquiltic; ac'a me nojuc smuc'ul yo'tan soc sbujts' yo'tan. Dios ya spasbey bayal yutsil, jich bit'il Líbano; buen utstesbil me, jich bit'il te Carmelo soc jich bit'il te spamlej Sarón. Spisilic ya me yilbeyic yutsilal xojobil te Cajwaltique, te smuc'ul yat'el te Dios cu'untique.

Ezequiel 33:23

La sc'oponon te Cajwaltique, jich la yalbon:

Salmos 42:2

Taquin co'tan ta stojol Dios, ja' te Dios yu'un te cuxlejale. ¿Bi wan ora ya xtalon xan te ya jtejc'an jba ta stojol te Diose?