Apocalipsis 22:19 - Bible in Tzeltal de Oxchuc y Tenejapa

¹⁹ Soc teme ay mach'a ya yac' ch'ayuc jtebuc te bila ts'ibubil li' ta bay in jun to, Dios me ya xtup'bot sbiil yu'un ta bay lista yu'un te cuxinele, soc ma x'ac'ot ainuc tey a ta bay te ch'ul muc'ul lume te ts'ibubilix sc'oplal ta bay in jun to.

Nuevo Testamento Tzeltal de Amatenango

¹⁹ Y teme ay machꞌa ya slokꞌes chꞌinuk te skꞌoplal albil te tsꞌibabil liꞌ ba libro to, Dios me ya slokꞌesbot yuꞌun te tut ay ta skuenta te teꞌ yuꞌun kuxuyinele y sok te chꞌul mukꞌul jtejklum te liꞌ tsꞌababil ba libro to.

Bible in Tzeltal Bachajón

¹⁹ Soc teme ay mach'a ay bin ya sloq'ues ta bin ts'ihbabil ta libro yu'un te sc'op-jalwanej ini, ha nix hich ya xloq'uesot yu'un Dios, ma ba ya x'a'bot slo'be sit te te' scuenta cuxlejal soc ma ba ya x'och ta muc'ul ch'ul pueblo, te ts'ihbabil sc'oblalic ta libro ini.

Apocalipsis 22:19 Referans Kwoze

Deuteronomio 4:2

Ma me xach'ayic soc ma me xawac'beyic sjoy jxujt'uc te bila mandalil ya calbeyexe. Pasaic me te mandaliletic yu'un te Cajwaltic te Dios cu'untic, te yacon ta yalel ta atojolique.

San Lucas 11:52

“Te ja'ex jts'ibojometique ¡ya me awil awocolic! Melel la apojbeyic syaweal te p'ijil-o'tanile. Ma ba ya x'ochex tey a te ja'exe, soc ma x'awaq'uic ochel te mach'atic yo'tan ya sc'an x'ochique —xi' te Jesuse.

Apocalipsis 22:2

soc oquin bael ta yolilal te smuc'ul calleil te lume. Ta juju-jejch' sti'il te ja'e tey ay a te te' te ya yac' cuxinele te lajchayeb buelta ya yac' sit ta sjunal ja'wil. Jujun u ya yac' sit. Te yabenal te te'e, ja' xpoxil spisil ta jchajp nacionetic ta swenta scolelic.

Apocalipsis 21:2

Jo'on Juanon la quil te ch'ul muc'ul lum te ja' te yach'il Jerusalén. La quil yac ta coel tel ta ch'ulchan te loc' tel ta stojol te Diose. Buen chapal jich te bit'il ya xch'al sba soc sc'u'-spac' te ach'ix ya xnujbine.

Apocalipsis 1:3

Bin nax me yutsil te mach'a ya sc'opon in jun to, soc te mach'a ya yaiybey stojol te sc'op te j'alwaneje, soc te ya yac' ta yo'tan te bila ts'ibubile, te melel nopol te ya xc'otix ta pasel.

Salmos 69:28

Tup'beya sbiilic ta slibroil cuxlejal; ma me xawaq'uic ta slistaul te mach'atic toj yo'tanique.

Apocalipsis 22:12

“Melel nopol ya xtalon. Ya me quich'bey tel smajt'an juju-jtul chican bi yilel te bila spasoje.

Apocalipsis 3:12

Te mach'atic ya xju' yu'unic tsalawe, ja' me yoyalic ya xc'ot cu'un ta templo yu'un te Dios cu'une. Xujt' ma xloq'uic sbajt'el q'uinal tey a. Soc ya me jts'ibubey ta bay spatic te sbiil te Dios cu'une soc te sbiil te muc'ul lum yu'un te Dios cu'une, ja' te yach'il Jerusalén te ya xcoj tel ta ch'ulchan ta bay stojol te Dios cu'une. Soc ya me jts'ibubey ta bay spatic uuc te yach'il jbiile.

Apocalipsis 14:13

Soc la caiy stojol te ay mach'a c'opoj tel ta ch'ulchane. Jich la yalbon: —Ts'ibuya ta jun in to: “Bin nax me yutsilic ta ora to soc ta sbajt'el q'uinal te animaetic te xch'uunejic Cajwaltic te lajique”, xi' me —la yuton. La yal te Espiritue: —Melel nix a. Ya me yich'ic lewa yu'un te yat'elique, soc ya me sjoinic tey a te yat'elique —xi'.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

Apocalipsis 3:21

Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.

Apocalipsis 2:26

Te mach'atic ya xju' yu'unic tsalawe soc te ya yat'elinic spasel ja' to c'alal ta slajibal c'aal te bila ya sc'an co'tane, ya me cac'bey yich' yat'elic ta stojol te nacionetique,

Apocalipsis 2:11

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a jayeb ya xju' yu'un tsalawe, ma ba ya xc'ax swocol yu'un te xchebal buelta lajele —xi'.

Apocalipsis 2:7

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te jayeb mach'a ya xju' yu'un tsalawe, ya me cac'bey slo' te sit te' swenta cuxinel sbajt'el q'uinal, te ay ta bay yolil te yawal-sts'unub te Diose —xi'.

Éxodo 32:33

Te Cajwaltic la sjac': —Ja' nax ya jtup'bey sbiil ta libro cu'un te mach'a ya sta smul ta jtojole.

Deuteronomio 12:32

“Pasaic me bael spisil ora ta spisil te bitic la calbeyex apasique. Ma me xawac'beyic xan sjoy, soc ma me xach'ayic ni junuc.

Proverbios 30:6

Ma me xawac'bey xan sjoy te bila ya yal stuquel; teme jich ya apase, ya me xju' ya scomat, soc jich me ya xc'oat yu'un te bit'il jpas-lot.

Apocalipsis 11:2

Ja'uc me to, ma me xap'is stuquel te yamac'ul te temploe, yu'un ac'botix ta swenta te jyanlumetique. Ya me xpajc'ub ta teq'uel yu'unic che'yoxwinic (42) u te muc'ul lume.

Apocalipsis 21:5

Soc jich la yal te mach'a nacal ta muc'ul nactijibale: “Ila me awilic, ya jpasix ta yach'il spisil te bitic aye”, xi' la caiy. Soc jich la yalbon: —Ts'ibuya ta jun te bila la cale. Ja' in to, ja' te smelelil c'op te ya xju' ya xch'uun awo'tane —la yuton.

Apocalipsis 22:7

“Aiya awaiyic stojol, nopol ya xtalon. Bin nax me yutsil te mach'atic ya yac' ta yo'tanic te sc'op Dios te ts'ibubil jilel li' ta bay in jun to”, xi' te Jesuse.