Apocalipsis 22:15 - Bible in Tzeltal de Oxchuc y Tenejapa

¹⁵ Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

Nuevo Testamento Tzeltal de Amatenango

¹⁵ Pero ya me xjilik ta fuera te machꞌatik ma lekuk yoꞌtanike, sok te machꞌatik ya snopik yakꞌel pox ta skuenta pukuje, sok te machꞌatik ya sꞌantsiwejike, sok te machꞌatik ya xmilawanike, sok te machꞌatik ya yichꞌik ta mukꞌ te lotil diosetike, y spisil te machꞌatik ya skꞌupinik spasel te lote.

Bible in Tzeltal Bachajón

¹⁵ Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.

Apocalipsis 22:15 Referans Kwoze

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Filipenses 3:2

Tsajtaya me abaic yu'un te mach'atic ts'i'etique, tsajtaya me abaic yu'un te j'at'eletic te amenique, soc tsajtaya me abaic yu'un te mach'atic yat'elinejic sbojel te baq'uete.

Apocalipsis 21:27

Ja'uc me to, ma xju' ya x'och xujt'uc tey a te bila ma lecuque, soc ma xju' ya x'och te mach'a ilaybil sba te bila ya spase, soc te mach'a ya spas lote. Ja' nax ya x'och tey a te mach'atic ts'ibubil sbiilic ta bay te lista yu'un cuxinel te yich'oj te Alalchije.

Colosenses 3:6

Ja' ta swenta in muliletic to te ya x'ac'bot yich'ic tulan castigo yu'un Dios te mach'atic te jch'ay-mandale.

Apocalipsis 18:23

Soc ma xchicnaj xan xojobil c'ajc' ta atojol, soc ma'yuc bi ora xch'inch'on nax q'uinal yu'un spasel q'uin swenta nujbinel ta atojol. Melel te jp'olmaletic awu'une, buen ich'bilic ta muc' ta neelal ta balumilal. Soc la alo'lay spisil nacionetic a ta swenta te j'ac'chameletic awu'une”, xi' te ch'ul abate.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Hechos 8:11

Jich yich'ojic ta muc', melel ayix bayal ja'wil te lo'laybilic yu'un ta swenta mágia te ya spase.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Isaías 57:3

Te Cajwaltic ya yal: —Noptsajanic tel, ja'ex te snich'nabex te jpic-c'abal, te ayinemex yu'un jtul mulawil winic soc mulawil ants.

San Mateo 8:12

Yan te mach'atic sc'oplal ya x'ochic ta banti ay ta ajwalinel te Dios te ay ta ch'ulchane, ya me yich'ic ch'ojel bael ta ijc' q'uinal. Tey me ya xc'o yoq'uetay sbaic a, soc tey me ya xc'o sjets'ulay yeic a —xi' te Jesuse.

Isaías 47:12

Pasulaya me quiltic te ya ana' spiquel c'abal soc te ya awac' chamele, jich bit'il la apasulay te c'alal jch'ielat to ae. Ya me awil teme ya xtuun awu'un jtebuque; ya me awil teme ya xi'at a te ants-winiquetique.

Isaías 47:9

Ajc' nax, ta jun nax c'aal ya me xc'ot xchebal te woclajel ta atojole: me'ba ants ya xjilat, soc ma'yuc awalatac, manchuc me bayal buelta ya apas ac'-chamel soc pic-c'abal.

1 Reyes 22:8

Te muc' ajwalil yu'un Israel jich la yalbey te Josafat: —Ay jtul xan te ya xju' ya sjojc'obotic ta stojol te Cajwaltique, ja' te Micaías te snich'an Imla. Mero ma jmulanbey sc'op, melel ma'yuc bi ora ya yalbon te bila leque, puro ma lecuc te bila ya yalbone —xi'. Pero jich albot yu'un te Josafat: —Ma xawal jich —xi' sc'oplal.

San Juan 8:46

¿Ay bal jtuluc ja'ex ya atabonic te jmule? Teme smelelil te bi ya cale, ¿bistuc ma xach'uunbonic jiche?

Deuteronomio 23:18

Ma me xawac' permiso teme winic o teme ants te ya yich' tel ta templo yu'un Cajwaltic Dios te taq'uin staoj ta swenta mulil ta stojel bila chapal yu'unic. Melel ilaybil me yu'un Cajwaltic stuquel.

Proverbios 7:27

Teme la at'unbey te sbelal sna, ja' me at'unojbey sbelal a te lajele.

Proverbios 12:22

Te Cajwaltic ya yilay te mach'atic ya spasic lot; pero bin nax yo'tan yu'un te mach'atic toj ya x'at'ejique.

San Mateo 7:6

“Te bila ch'ultesbile, ma me xawac'bey te ts'i'etique. Patil ya me sujt'ic tel, ya me stujt'anex ta ti'el uuc. Ma me xawac'bey yixlan perlaetic te chitametique. Patil ya me spech'anic ta teq'uel.

1 Timoteo 1:10

soc mach'atic ya xyalic ta mulile, soc te mach'atic sjoy sbaic nax ta winiquil te ya yuts'inbey sba sbaq'uetalique, soc te mach'atic ya sleic ants-winiquetic te ya yelc'anic baele, soc te jpas-lotetique, soc te mach'atic ya yac' sbaic ta yalel lotil testigo-c'op, soc xan te mach'atic ya scontroinic te lequil p'ijubtesele.