Apocalipsis 22:10 - Bible in Tzeltal de Oxchuc y Tenejapa

¹⁰ Soc la yalbon: —Ma me xanac' te bila ts'ibubil jilel li' ta jun to. Melel nopol ya xc'otix ta pasel.

Nuevo Testamento Tzeltal de Amatenango

¹⁰ Sok la yalbon xan: —Ma me amuk ta awoꞌtan te skꞌoplal te tutiꞌ yalbelat te tsꞌibabil liꞌ ba libro to. Porke ya xtijilajix tal te tiempoe te ya xkꞌot ta pasele.

Bible in Tzeltal Bachajón

¹⁰ Soc la yalbon xan: Ma me xamac te sc'op-jalwanej te ay ta libro ini, como nopolix yorahil.

Apocalipsis 22:10 Referans Kwoze

Daniel 8:26

“Te bila la awil la awaiye, te smalel c'aal soc sloq'uel tel c'aale, la awich' ac'beyel ana'bey sc'oplal, soc mero melel me. Pero muca me ta awo'tan. Ya me xc'ot ta pasel te c'alal c'axix bayal c'aal a —xi'.

Apocalipsis 1:3

Bin nax me yutsil te mach'a ya sc'opon in jun to, soc te mach'a ya yaiybey stojol te sc'op te j'alwaneje, soc te ya yac' ta yo'tan te bila ts'ibubile, te melel nopol te ya xc'otix ta pasel.

1 Pedro 4:7

Nopol sta yorail te ya xlaj spisil. Jich yu'un, ya me sc'an te ya ana'ic q'uinal ta leque. Wiq'uiluc me asitic spisil ora soc c'oponaic me te Diose.

Apocalipsis 10:4

Te c'alal laj yo'tanic ta c'op te juqueb chawuque, c'an jts'ibuy te bila la yalique. Ja'uc me to, ay mach'a c'opoj tel ta ch'ulchan la caiy te jich la yalbone: —Muca me ta awo'tan te bila la yalic te juqueb chawuque. Ma me xats'ibuy ta jun —la yuton.

San Mateo 10:27

Te bila la calbeyex awaiyic ta ijc' q'uinale, ja' me ya awalic ta saquil q'uinal; soc te bila la awaiyic stojol ta achiquinique, ja' me ya acholic ta jamal ta aw ta sba te nae.

Daniel 12:9

La sjac', jich la yal: “Jun awo'tan xbeenat, Daniel, melel spisil in to, muquen me ya x'ain ja' to teme la sta yorail te slajibale.

Daniel 12:4

“Pero te ja'ate, Daniel, muca me ta awo'tan spisil te bitic la awile; maca, ac'beya selloil te libro, ja' to teme c'ot yorail te slajibale. Ay bayal ants-winiquetic ya xtalic ya xbajt'ic ta bayuc, yacalic me ta sleel te bitic yacuc sna'bey swentaile”, xi' te Gabriele.

Ezequiel 12:23

Pero albeya yaiyic: “Jich ya yal te Cajwaltique: ‘Jo'on ma ba ya cac' te ya yich' xan alel ta Israel te c'opetic la yich'ix alel. Mero nopolix ya sta sc'aalelal te ya xc'ot ta pasel spisil te bitic ac'botix yil te j'alwanej yu'un te Diose.

Romanos 13:12

Te ajc'ubale nopol xc'axix bael. Ja' nopol ya sacubix tel te q'uinale. Jich yu'un, ya sc'an ya quijq'uitaytic jilel ta pasel te bila swenta te ijc' q'uinale. Ya sc'an te ya c'u'intiquix te cat'ejibtic ta swenta te saquil q'uinale.

Apocalipsis 22:16

“Jo'on Jesuson te jticunej tel te ch'ul abat cu'une, tal yal ta testigo-c'op ta stojol te jch'uunjeletique. Jo'on smuc'ul yisimon te muc' ajwalil Davide soc sts'umbalon, soc jo'on te muc'ul ec' c'oemon te ya xloc' tel ta sacubel q'uinale”, xi' te Jesuse.

Apocalipsis 5:1

Soc la quil te ay balbil jun te stsacoj ta swa'el sc'ab te mach'a nacal ta muc'ul nactijibale. Ay bila ts'ibubil ta yutil soc ta spat te balbil june, soc yich'oj juqueb sello.

2 Tesalonicenses 2:3

Ma me ayuc mach'a ya awac' abaic ta lo'layel yu'un. Ma to xcha'tal te Cajwaltique. Ja' neel ya xc'ot ta pasel te ay tsobol ya xch'ay ta jc'axel te xch'uunjel yo'tanique, soc ya xchicnaj uuc te mach'a mero jmulawil winique te yu'un te ch'ayele.

Isaías 13:6

Awunanic me ta apisilic yu'un xc'uxul te woclajel, melel nopolix sc'aalelal yu'un te Cajwaltique, xlumlej nax me ya xjul te Mach'a spisil ya xju' yu'une.

Isaías 8:16

Canantaya ta awo'tanic te jc'op la calbeyexe; nac'a ta awo'tanic te bitic la cac'beyex anopique, ja' te p'ijubtesel cu'un ta awentaic.

Apocalipsis 22:20

Te mach'a ya yal ta testigo spisil in to, jich ya yal: “Melel xcal, nopol ya xtalon”, xi'. Jichuc, Cajwal Jesús, la' me ta ora.

Romanos 13:11

Spisil in to ja' me ya apasic, yu'un ana'ojic te bin ja'wil ayotic ta ora to. Ac'a wijc'uquix jsitic yu'un te jwayeltique, melel te jcoleltique nopol ayix tel. Ma jichuquix te bit'il najt' to xan sc'an a te c'alal la jch'uuntic te sc'op Diose.

Apocalipsis 1:11

Jich la yal: —Jo'on Alfaon, jo'on Omegaon, ayon ta xjajch'ibal soc ayon ta slajibal. Ts'ibuya ta jun te bila ya awile, soc ticuna bael ta bay te jucchajp jch'uunjeletic te ayic ta sq'uinal Asia: Ja'ic te lum Éfeso, te lum Esmirna, te lum Pérgamo, te lum Tiatira, te lum Sardis, te lum Filadelfia, soc te lum Laodicea —xi' la caiy.

Apocalipsis 22:7

“Aiya awaiyic stojol, nopol ya xtalon. Bin nax me yutsil te mach'atic ya yac' ta yo'tanic te sc'op Dios te ts'ibubil jilel li' ta bay in jun to”, xi' te Jesuse.

Apocalipsis 22:9

Ja'uc me to, la yalbon: —Ma me xapas jich. Melel te jo'one, yabaton uuc te Diose jich te bit'ilat soc spisil te awermanotac te j'alwanejetique soc spisil te mach'a ya yac' ta yo'tanic te bila ts'ibubil li' ta bay in jun to. Ja' me xalajin aba ta stojol te Diose —la yuton.

Apocalipsis 22:18

Tulan sc'oplal ya calbey ta jamal spisil te mach'atic ya yaiyic stojol te sc'op Dios ts'ibubil li' ta bay in jun to: Teme ay mach'a ya yac'bey sjoy in c'op to, ya me x'ac'bot yich' te jaycum castigo yu'un Dios te ts'ibubil sc'oplal ta bay in jun to.