Apocalipsis 21:6 - Bible in Tzeltal de Oxchuc y Tenejapa

⁶ Soc la yalbon xan: —Ju'ix cu'un. Jo'on Alfaon, jo'on Omegaon. Ayon ta xjajch'ibal soc ayon ta slajibal. Te mach'a taquin yo'tane, smajt'an me ya cac'bey yuch' te sloc'ja' te ya yac' cuxinele.

Nuevo Testamento Tzeltal de Amatenango

⁶ Ta patil la yalbon: —Juꞌix ta pasel joꞌon te ayon ta slijkibale y sok ta slajibale. Te machꞌa takin yoꞌtane, ta majtanil ya me kaꞌbe yuchꞌ te lokꞌi-jaꞌ yuꞌun te kuxlejale.

Bible in Tzeltal Bachajón

⁶ Soc hich la yalbon xan: Hu'ix. Ho'on te Alfa soc te Omega, te shahchibal soc te slajibal. Te mach'a taquin yo'tan, smahtan ya ca'be yuch' ha' ta sloq'uib-ha' scuenta cuxlejal.

Apocalipsis 21:6 Referans Kwoze

San Juan 4:10

Te Jesús la yalbey: —Te lajuc ana' stojol te majt'anil yu'un te Diose, soc te lajuc ana'bey sba te mach'a la sc'anbat ja'e, ja'at la ac'anbon te jichuque. Jich me ya cac'bat te ja' te cuxul stuquele —xi'.

Apocalipsis 7:17

Melel te Alalchij te ay ta bay yolilal te muc'ul nactijibale, ja' me jcanan yu'unic. Ya me x'ic'otic bael yu'un ta bay sloc'ja' te ya xcuxinic yu'une. Soc ya scusbot ya'lel sitic yu'un te Diose —xi' ta c'op.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

Salmos 36:9

melel te ja'ate ay ta awenta jichuc sloq'uibja' te cuxlejale. Ta swenta axojobil ya xtojobon.

Romanos 8:32

Melel ma la sna'bey yo'bolil sba te Snich'ane, spasemal yo'tan la yac' ta lajel ta jwentatic. ¿Ma bal spisiluc ya yac'botic ta majt'anil spisil te bit'il aye?

Apocalipsis 22:17

Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

Apocalipsis 1:8

“Jo'on Alfaon, jo'on Omegaon; ayon ta xjajch'ibal soc ta slajibal”, xi' te Cajwaltic te Spisil ya xju' yu'une. Ja' te mach'a stalel aye, soc te ay ta namey tele, soc te mach'a jtalelixe.

Romanos 3:24

Ja'uc me to, ta swenta yutsil yo'tan te Diose, ta majt'anil ya yac'otic ta libre yu'un jmultic, ta swenta bit'il la stojbotic jmultic te Cristo Jesuse.

Apocalipsis 22:13

Jo'on Alfaon, jo'on Omegaon. Ayon ta xjajch'ibal, ayon ta slajibal. Ayon ta neelal soc ta slajibal”, xi' te Jesuse.

Apocalipsis 16:17

Te sjuquebal ch'ul abate ba smal ta ic' ta bay sjamalul q'uinal te copa yich'oje. Ta bay templo ta ch'ulchan chicnaj tulan c'op te tey loc' tel a ta bay te muc'ul nactijibale, te jich la yale: “Ju'ix”, xi' la caiy.

Isaías 12:3

Ja' nix jich te ja'exe ya xju' ya xba awuch'ic soc sbujts' awo'tanic te sloq'uibja' yu'un colele.

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

1 Corintios 2:12

Te jo'otique, ma ja'uc quic'ojtic te espíritu yu'un te balumilale. Ja' quic'ojtic te Espíritu te talem ta bay te Diose, swenta yu'un jich me ya jna'tic stojol a te bila yac'ojbotic te Diose.

Jeremías 2:13

“Te lum cu'une cha'chajp mulil la spas: la yijq'uitayon ta yo'tanic, te cuxul sloq'uibja' c'oemone, soc la spasic pozoetic yu'un stuquelic, lomen pozoetic te ma xpamaj ya'lele.

Apocalipsis 10:6

Jich la yac' ta testigo te Mach'a stalel cuxul sbajt'el q'uinal te la spas te ch'ulchane soc spisil te bitic tey ae, te balumilale soc spisil te bitic tey ae, te mare soc spisil te bitic ay tey ae, jich la yal: “Ma ba jalix c'aal.

Joel 3:18

Te c'alal ya xc'ot sc'aalelal, te vino soc te leche ya me x'oquin c'oem ta tseletic soc ta witstiquil. Te beja'etic yu'un Judá ya me yich'ic bael bayal ja'. Ta templo cu'un ya xchicnaj sloq'uibja' te ya yajts'es te stenlej xatal q'uinal yu'un Sitim.

Oseas 14:4

Ya yal te Cajwaltique: —Ya jpoxtaybey te stoybaile; ya jc'uxtay manchuc me ma jichuc ya sc'an pasbeyel; la jq'uejix bael ta stojolic te quilimbae.

1 Corintios 3:12

Ja'uc me to, ya xju' ta ts'ajc'uyel moel soc oro, plata, t'ujbil tonetic, te', ac, o c'ajben.

Apocalipsis 1:11

Jich la yal: —Jo'on Alfaon, jo'on Omegaon, ayon ta xjajch'ibal soc ayon ta slajibal. Ts'ibuya ta jun te bila ya awile, soc ticuna bael ta bay te jucchajp jch'uunjeletic te ayic ta sq'uinal Asia: Ja'ic te lum Éfeso, te lum Esmirna, te lum Pérgamo, te lum Tiatira, te lum Sardis, te lum Filadelfia, soc te lum Laodicea —xi' la caiy.

1 Corintios 3:21

Jich yu'un, ma me toyoluc nax q'uinal ya awaiy yu'un te jtul winique, melel ya xtuun awu'unic ta spisil:

1 Corintios 3:5

¿Mach'a a te Pabloe? ¿Soc mach'a a te Apolose? Abatetic nax yu'un te Diose, te jich la ach'uunic Dios ta swentaique. Yu'un ja' nax ya spasic te bila ac'botic ta swentaic spasel juju-jtul yu'un te Cajwaltique.

San Juan 4:11

Jich la yal te antse: —Tatic, ma'yuc bila ya aloq'ues tel a te ja'e, soc mero najt' coel te pozoe. ¿Banti ya ata ya awal te ja' te cuxul ya awac'bone?

Apocalipsis 3:14

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Laodicea: Te Mach'a Jichuc, te xie, te stalel ma'yuc lot ta yo'tane, jun nax yo'tan ya yal ta testigo te bila smelelile, te ja' ta swenta te chicnantesbil yu'un Dios spisil te bitic aye, jich la yal: