Apocalipsis 21:27 - Bible in Tzeltal de Oxchuc y Tenejapa

²⁷ Ja'uc me to, ma xju' ya x'och xujt'uc tey a te bila ma lecuque, soc ma xju' ya x'och te mach'a ilaybil sba te bila ya spase, soc te mach'a ya spas lote. Ja' nax ya x'och tey a te mach'atic ts'ibubil sbiilic ta bay te lista yu'un cuxinel te yich'oj te Alalchije.

Nuevo Testamento Tzeltal de Amatenango

²⁷ Pero ma xjuꞌ ya xꞌoch teꞌa te tut ma lekuke, ni ma xjuꞌ ya xꞌoch teꞌa te machꞌatik ya spasik te tut ma tsaꞌamuke sok te jloꞌlawanejetike. Jaꞌ nax ya xꞌoch teꞌa te machꞌatik ay tsꞌibabil sbiilik te ba libro yuꞌun kuxlejal yuꞌun te Chin Karnerae.

Bible in Tzeltal Bachajón

²⁷ Ma x'och tey a te bin bohloben sc'oblal o te mach'a ya spas bin ilobtic sba o te mach'a ya ya'iy lot; ha nax te mach'atic ts'ihbabil sbihilic ta libro scuenta cuxlejal yu'un te Jcolel Tuminchij.

Apocalipsis 21:27 Referans Kwoze

Isaías 52:1

Wic'a asit, ja'at Sión, wic'a asit, chajbana aba soc awip; ja'at ch'ul lum, Jerusalén, lapa ac'u' te mero c'ax jelawen yutsile. Melel te ants-winiquetic te ma pocbiluc yo'tanic, te ma'yuquic ta stojol te Diose, ma ba ya xcha'ochic xan bael ta awolil.

Apocalipsis 20:15

Soc la yich' ch'ojel ochel ta bay muc' pamal c'ajc' spisilic te mach'atic ma ba ts'ibubil sbiilic ta bay lista yu'un te cuxinele.

Apocalipsis 3:5

Te mach'atic ya xju' yu'unic tsalawe, ya me x'ac'bot slapic saquil sc'u'-spaq'uic, soc ma ba ya jtup'bey sbiilic ta bay te libro swenta cuxinele. Soc ya me calbey ta jamal sbiilic ta stojol te Jtate soc ta stojol uuc te ch'ul abatetic yu'une.

Isaías 35:8

Soc ay me pamanbil be tey a, “Ch'ul be”, xi' me te sbiile. Te mach'atic ma ba pocbil yo'tanique, ma xju' ya xc'axic tey a; te mach'atic bol yo'tanique, ma xbeenic tey a.

San Mateo 13:41

Te Nich'anile, ya me sticun te ch'ul abatetic yu'une. Ya xba stsobic loq'uel te mach'atic ya syaleswanic ta mulile soc te mach'atic ya spasic bayal ta jten muliletique.

Joel 3:17

Jich ya yal te Cajwaltic: —Te ja'ex ya me ana'ic te Ajwalilon te Dioson awu'unique, nainemon ta Sión, ja' te ch'ul wits cu'une. Te Jerusalén ch'ul lum ya xc'ot; ma me ayuquix bi ora ya x'u'uninotix yu'un jyanlumetic.

Ezequiel 44:9

“Ja' yu'un jo'on te Ajwalilon ya cal: Ma xju' ya x'och jtuluc jyanlum ta templo cu'un, te ma'yuc yich'oj ta yo'tan ni ta sbaq'uetal te marca yu'un te trato cu'une. Ni ja'uc te nainemic ta yolil israeletic te jyanlumetique.

Efesios 5:5

Melel ana'ojic stojol te bit'il ya xc'ot te mach'a ya xyal ta mulile, soc spisil ta jchajp chijil-o'tanil soc te bic'tal-o'tanil yu'un taq'uin te ja' pajal soc te xch'uunel loc'ombaetique. Ma xju' te ya xc'o ainuquic tey a ta banti ay ta ajwalinel te Cristoe soc te Diose.

Salmos 101:8

Jujun c'aal yac ta ch'ayel bael cu'un ta spisilic te mach'atic amenic ta jlumale; ya me jch'oj loq'uel ta bay muc'ul lum yu'un Cajwaltic ta spisilic te mach'atic amen yat'elique.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

Hebreos 12:14

Leaic me te lamaluc nax q'uinal awu'unic soc spisil te yantique. Ch'ultesbiluquex me, melel teme ma jichuque, ma'yuc mach'a ya xc'o yilbey sit te Cajwaltique.

Apocalipsis 20:12

Soc la quil spisilic te animaetic te muc' biq'uit tec'ajtic tey a ta stojol te Diose. Te libroetique la yich' jamel, soc ay yan libro te la yich' jamel te ja' te lista yu'un cuxinele. Dios la yalbey yat'elic juju-jtul te animaetique chican te bi yilel te bila spasojique. Ja' chican te bila ts'ibubil ta bay te libroetique.

Isaías 60:21

“Spisil te alumale lec me yo'tanic ya xc'ot; ja' me yajwalic sbajt'el q'uinal te alumale. Ja' spulic te te' te jo'onix la jts'un jtuquele; ja' te at'el la jpas soc te jc'abe, yu'un jich ya cac' ta ilel te cutsilale.

Filipenses 4:3

Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.

Zacarías 14:21

Ta spisil te ollaetic ta Jerusalén soc ta Judá, yich'ojic ch'ultesel ta stojol te Cajwaltic te Spisil ya xju' yu'une. Te mach'atic ya xbajt'ic ta yaq'uel milbil smajt'an Dios, ya me xtuun yu'unic, ya stac'ajtesic tey a te sti'balul te chambalametic ya yaq'uic ta majt'anile. Te c'alal ya sta sc'aalelal ma'yuquix jmanbajeletic jchonbajeletic ta templo yu'un te Cajwaltic te Spisil ya xju' yu'une.

Números 12:15

Jich yu'un te María la yich' loq'uesel bael ta campamento juqueb c'aal. Te lume ma'yuc bay beenic xan bael.

Números 5:3

Ac'a sloq'uesic bael ta campamento teme winiquetic o teme antsetic. Jich me lec sc'oplal ya xjil a te campamento ta bay nainemon ta yolilique —xi' te Cajwaltique.

Levítico 13:46

Te jayeb c'aal yich'oj te chamele, “ma lecuc”, xi' me sc'oplal; soc stuquel me ya xnain ta spat campamento.

Éxodo 32:32

Ya me calbat wocol te ya apasbey perdone. Teme ma xapasbey perdone, tup'bon jbiil ta libro te la ats'ibuye —xi'.

San Marcos 7:2

La yilic te bit'il ma lecuc sc'oplal sc'abic te ochic ta we'el cha'oxtul te jnopojeletic yu'un te Jesuse, melel ma jichuc la spoc sc'abic te bit'il albil sc'oplale. Jich jajch' slebeyic smul yu'un.

San Lucas 10:20

Ja'uc me to, ma me ja'uc nax ay sbujts' awo'tanic yu'un te bit'il ya xch'uunbeyex amandalic te pucujetique. Ja'uc me ay bayal sbujts' awo'tanic yu'un te bit'il ts'ibubilix abiilic ta bay te ch'ulchane —xi' te Jesuse.

1 Timoteo 1:10

soc mach'atic ya xyalic ta mulile, soc te mach'atic sjoy sbaic nax ta winiquil te ya yuts'inbey sba sbaq'uetalique, soc te mach'atic ya sleic ants-winiquetic te ya yelc'anic baele, soc te jpas-lotetique, soc te mach'atic ya yac' sbaic ta yalel lotil testigo-c'op, soc xan te mach'atic ya scontroinic te lequil p'ijubtesele.

2 Pedro 3:13

Yan te jo'otique, ja' ya jmaliytic te ach' ch'ulchan soc te ach' balumilal te ma'yuc xujt'uc mulil tey a te jich yalojix Dios te ya spase.