Apocalipsis 21:23 - Bible in Tzeltal de Oxchuc y Tenejapa

²³ Ma xtuun xojobil c'aal soc xojobil u tey a. Melel ja' sacuben q'uinal yu'un te yutsil xojobil te Diose soc te xojobil te Alalchije.

Nuevo Testamento Tzeltal de Amatenango

²³ Te mukꞌul jtejklume ma puersaukix yuꞌun te kꞌajkꞌale ni te xojobil ue. Porke jaꞌ ya sakutes te xojob yuꞌun te Diose, y te sakil kꞌinal yuꞌune jaꞌ te Chꞌin Karnerae.

Bible in Tzeltal Bachajón

²³ Te muc'ul pueblo ma xtuhun yu'un te sts'anabul te c'ahc'al o te u, como ha sacuben q'uinal yu'un te yutsilal te Diose, soc ha jsacubtesej q'uinal te Jcolel Tuminchij.

Apocalipsis 21:23 Referans Kwoze

Apocalipsis 22:5

Ma'yuquix ajc'ubal tey a. Ma xtuunix yu'unic te xojobil c'ajq'ue soc te xojobil c'aale, melel ja' sacuben q'uinal ta stojolic yu'un te Cajwaltic Diose. Sbajt'el q'uinal ya sjoinic ta ajwalinel te Diose.

Apocalipsis 21:11

Te muc'ul lum, xlemet nax yutsil xojobil tey a te Diose. Te xojobile pajal yilel soc te bit'il xlemet nax t'ujbil saquil ton te jaspe sbiile, te ya xc'ax jsitic ta yilel q'uinal a jich bit'il te cristale.

San Juan 1:9

Te mach'a luz ta mero melele soc te ya yac' xojobil ta stojol ants-winiquetic, yaquix ta talel ta balumilal stuquel.

Isaías 24:23

Te Cajwaltic te Spisil ya xju' yu'une, ya me x'at'ej jichuc muc' ajwalil ta wits Sión, ta Jerusalén; te c'aal soc te u ya me xch'ay xojobilic, te jtsobwanejetic yu'un te lume, ya me yilbeyic yutsil xojobil te Cajwaltique.

Apocalipsis 18:1

Patil la quil yan ch'ul abat te yac ta coel tel ta ch'ulchane. Chican te tulan yat'el yich'oje. Sacub q'uinal ta balumilal yu'un te yutsil xojobile.

San Lucas 2:32

Ya me sacub q'uinal yu'un ta bay te jyanlumetique; soc ay me yutsilal ya xc'ot yu'un te lum Israel awu'une —xi' te Simeone.

Apocalipsis 21:25

Jujun c'aal jamal sti' spisil ora te muc'ul lume, soc ma'yuc ajc'ubal tey a.

San Juan 5:23

swenta yu'un ya me yich'ic ta muc' te Nich'anile, jich nix te bit'il ay ta ich'el ta muc' te Tatile. Te mach'a ma xyich' ta muc' te Nich'anile, ja' ma xyich' ta muc' uuc te Tatil te ticunwan tele.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

San Juan 1:4

Ja' ya yac' cuxlejal stuquel. In te cuxlejale, ja' te ay saquil q'uinal ta stojolic te ants-winiquetique.

Habacuc 3:3

Tey ya xtal Dios ta bay q'uinal ta Temán; ta bay wits Parán tey ya xtal a te Ch'ul Diose. Te yutsil xojobile ya xpujc' bael ta ch'ulchan; soc ta spamal te balumilal ya xnoj ta albeyel wocol.

Hechos 22:11

Te bit'il jc'axel tup' jsit yu'un te xojobil q'uinale, jich te mach'atic joinej ta beele, la snitonic ochel bael ta jc'ab ta bay lum Damasco.

San Marcos 8:38

Teme ya xq'uexawex cu'une soc teme ya xq'uexawex yu'un te jc'op ta stojol te mach'atic ayic ta q'uinal ta ora to te ma junuc yo'tanic ta stojol Dios soc te c'aemic ta mulile, ja' nix jich ya me xq'uexaw awu'unic uuc te Nich'anile, te c'alal ya xtal soc yutsilal te State soc te ch'ul abatetic yu'une —xi' te Jesuse.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

Isaías 2:21

Soc ya me sleic yan ch'entiquil soc nailch'entiquil, swenta yu'un jich me ya snac' sbaic ta stojol te Cajwaltique, te xiweltic nax sba ta scaj xojobil te yipe, te c'alal ya xjajch' te Cajwaltic soc te ya snojes ta xiwel te balumilale.

Isaías 2:19

C'alal ya xjajch' te Cajwaltic, te ya snojes xiwel ta balumilal, te ants-winiquetic ya me x'ochic bael ta nailch'entiquil, soc ta bay jamajtic te lumq'uinale; ya me snac' sbaic ta stojol te Cajwaltique, te xiweltic nax sba ta scaj xojobil te yipe.

Isaías 2:10

Te ants-winiquetic ya me x'ochic ta nailch'en, ta yet'al lumq'uinal; ya me snac' sbaic ta stojol te Cajwaltique, te xiweltic nax sba ta scaj xojobil te yipe.

Salmos 84:11

Melel te Diose, te Cajwaltique, ya yac'otic ta saquil q'uinal, soc ja' jmajq'uiltic stuquel. Te Cajwaltic c'ux ta yo'tan ya yaiy te mach'atic toj bitic ya spasic ta q'uinale, soc ya yich' ta wenta stuquel. Ma me ayuc bila ma x'ac'botic, melel spisil te bitic leque ya me x'ac'botic stuquelic.

Isaías 30:26

Te Cajwaltic ya xpoxtay soc ya spotsbey yejch'en te lum yu'une. Te u jich me ya yac' xojobil bit'il te c'aale. Te xojobil te c'aale juqueb xan buelta ya xtoy yip te xojobile, jich bit'il xojobil juqueb c'aaletic te jun nax ayique.

Apocalipsis 5:6

Jich la quil ta bay te muc'ul nactijibale soc ta banti ay te chancojt' bitic cuxajtic te ay ta yolilal te mamaletique. Tey cotol a te jcojt' Alalchij. Yich'oj milel yilel, te ay juqueb xulub soc juqueb sit, ja'ic te juqueb Espirituetic yu'un Dios te la yich'iquix ticunel bael ta spamal te balumilale.

Apocalipsis 7:17

Melel te Alalchij te ay ta bay yolilal te muc'ul nactijibale, ja' me jcanan yu'unic. Ya me x'ic'otic bael yu'un ta bay sloc'ja' te ya xcuxinic yu'une. Soc ya scusbot ya'lel sitic yu'un te Diose —xi' ta c'op.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.