Apocalipsis 21:22 - Bible in Tzeltal de Oxchuc y Tenejapa

²² Ma'yuc templo la quil tey a ta bay te muc'ul lume. Melel te Cajwaltic Dios te Spisil ya xju' yu'une soc te Alalchije, ja' templo yu'un te lume.

Nuevo Testamento Tzeltal de Amatenango

²² Maꞌyuk a kil templo a te ba mukꞌul jtejklume, porke jaꞌ templo yuꞌun te Kajwaltike, jaꞌ te Dios te spisil ya xjuꞌ yuꞌune, y sok te Chin Karnerae.

Bible in Tzeltal Bachajón

²² Mayuc templo la jquil tey a, como ha templo yu'un te Cajwaltic Dios te spisil ya xhu' yu'un, soc te Jcolel Tuminchij.

Apocalipsis 21:22 Referans Kwoze

San Juan 4:23

Ya me sta yorail, soc yorailix in to, te ay mach'atic soc yo'tanic ya slajin sbaic ta melel ta stojol te Jtatic Dios ta swenta te Espíritu yu'une. Melel ya sle te Jtatic Dios te mach'atic jich yo'tanic te ya slajin sbaic ta stojole.

2 Crónicas 2:6

Ja'uc me to, ¿mach'a c'an spasbey templo ya xnain a, melel ma x'och ta ch'ulchan soc spisil te smuc'ule? ¿Mach'aon a te jo'on te ya jpasbey templo te Diose, manchuc teme ja' nax te ya yich' chic'beyel pom tey a ta swenta yich'el ta muq'ue?

1 Reyes 8:27

“¿Melel bal te ya xnainat ta sba balumilal te Diosate? Melel te ch'ulchan te mero muq'ue, ma ba ya x'ochat a. ¿Ja'uc to balix a jiche te templo la jpasbate?

Apocalipsis 1:8

“Jo'on Alfaon, jo'on Omegaon; ayon ta xjajch'ibal soc ta slajibal”, xi' te Cajwaltic te Spisil ya xju' yu'une. Ja' te mach'a stalel aye, soc te ay ta namey tele, soc te mach'a jtalelixe.

Apocalipsis 16:7

Soc la caiy stojol te ay mach'a c'opoj tey a ta bay xchic'jibal milbil smajt'an te Diose, te jich la yale: “Melel nix a Cajwal, te Diosat te Spisil ya xju' awu'une, toj awo'tan la awaq'uix castigo ta swenta te bila smelelile”, xi' ta yalel.

Apocalipsis 5:6

Jich la quil ta bay te muc'ul nactijibale soc ta banti ay te chancojt' bitic cuxajtic te ay ta yolilal te mamaletique. Tey cotol a te jcojt' Alalchij. Yich'oj milel yilel, te ay juqueb xulub soc juqueb sit, ja'ic te juqueb Espirituetic yu'un Dios te la yich'iquix ticunel bael ta spamal te balumilale.

Colosenses 2:9

Melel te Cristoe ts'acal yich'ojbey stalel te Diose.

San Juan 4:21

Te Jesús jich la yalbey: —Ants, ch'uuna te bila ya calbate: Melel ya me sta yorail te ma ja'uc ta bay in wits to ni ta Jerusalén te ya alajin abaic ta stojol te Jtatic Diose.

Isaías 66:1

Te Cajwaltic ya yal: —Ja' jnactijib te ch'ulchane, te balumilal, ja' scajtijib cacan. ¿Banti ya xju' ya apasbon jna? ¿Banti ya xju' ya apasbon jun awilal yu'un ya jcux co'tan a?

Apocalipsis 15:3

Soc yacalic ta sc'ajintayel sc'ayoj Moisés te abat yu'un te Diose soc sc'ayoj te Alalchij te jich yacalic ta yalele: “Cajwaltic Dios te spisil ya xju' awu'un, c'ax muc' spisil te awat'ele soc jelawen yutsil spisil te bila ya apase. Ja'at Muc' Ajwalilat yu'un spisil ta jchajp te nacionetique. Toj awo'tan atuquel soc smelelil stuquel te be awu'une.

Apocalipsis 11:17

Jich la yalic: “Ya me caltic wocol ta atojol, Cajwal, Diosat te Spisil ya xju' awu'une. Atalel ayat ta namey, ta ora to soc te nopol ya xtalatixe. Melel la awaq'uix ta ilel te smuc'ul awu'ele. Jich ayatix ta ajwalinel atuquel.

Apocalipsis 4:8

Ta xchanebal te bitic cuxajtique ay waqueb xiq'uic te juju-jcojt'e. Nojel ta sitic te yutil xiq'uique soc te spat xiq'uique. C'aal ajc'ubal ma xquejch'ajic ta yalel: “Ch'ul Dios, ch'ul Dios, ch'ul Dios. Ja' te Cajwaltic Dios te Spisil ya xju' yu'une, ja' te mach'a ay ta namey tele, soc te mach'a stalel aye, soc te mach'a jtalelixe”, xiic.

Colosenses 1:19

Melel te Cristoe yich'ojbey spisil te yutsilal te Tatile, yu'un jich la sc'an te Diose.

San Juan 10:30

Te jo'one soc te Jtate jun nax ayon soc —xi'.

2 Crónicas 6:18

“Ja'uc me to, ¿melel bal te ya xju' te ya ajoin ta nainel ta balumilal te ants-winiquetique? Melel ma x'ochat ta ch'ulchan soc spisil te amuc'ule. ¿Ja'uc to bal c'an ochan a te templo jpasojbate?

Apocalipsis 19:15

Ta ye yac ta loq'uel puñal te ay ye te ya yejch'entes a te nacionetique, soc tulan me ya xmandalaj soc sbastón-taq'uin ta stojolic. Ya me stec' ta pits'el loq'uel te ya'lel ts'usube, te ja' seña te mero tulan yilimba te Dios te Spisil ya xju' yu'une.

Apocalipsis 16:14

Ja' te espíritu yu'un te pucujetic te ya yaq'uic ta ilel jchajp at'eliletic soc ya stsobic spisil te muc' ajwaliletic te ayic ta balumilale. Yu'un ya me xtalic ta guerra te c'alal ya sta sc'aalelal te jun c'aal te mero muc' sc'oplal yu'un Dios te Spisil ya xju' yu'une.

San Mateo 24:2

La yal te Jesuse: —¿Yacalex bal ta yilel spisil in to? Jamal ya calbeyex, spisil me ya yich' jinel. Ma me ayuc jp'ijuc ton te cajal ya xjil ta sba te yan tone —xi' te Jesuse.

Apocalipsis 7:15

Ja' swentail te tec'ajtic ta stojol smuc'ul snactijib te Diose. C'aal ajc'ubal ayic ta abatinel yu'un ta bay te templo yu'une. Te mach'a nacal ta muc'ul nactijibal, ya me scanantay soc ya me sjoin spisil ora.

Apocalipsis 7:17

Melel te Alalchij te ay ta bay yolilal te muc'ul nactijibale, ja' me jcanan yu'unic. Ya me x'ic'otic bael yu'un ta bay sloc'ja' te ya xcuxinic yu'une. Soc ya scusbot ya'lel sitic yu'un te Diose —xi' ta c'op.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.

San Juan 13:32

Teme ja' ta swenta te ya x'ac'ot ta ilel yutsilal te Diose, ja' nanix jich Dios ya yac' ta ilel yutsilal te Nich'anile. Ya me xc'ot ta pasel ta ora.