Apocalipsis 21:14 - Bible in Tzeltal de Oxchuc y Tenejapa

¹⁴ Ay lajchayeb ton yiptajib te sts'ajc'ul te lume ta bay ts'ibubil sbiilic te lajchaytul jpuc-c'opetic yu'un te Alalchije.

Nuevo Testamento Tzeltal de Amatenango

¹⁴ Te smakteꞌal ton te mukꞌul jtejklume ay yichꞌoj lajchayeb tonetik yuꞌun yiptajib, te teꞌ tsꞌibabil sbiilik a te lajchaytul apostoletik yuꞌun te Chꞌin Karnerae.

Bible in Tzeltal Bachajón

¹⁴ Ay lahchayeb yich'o-ip te ts'ahc yu'un te muc'ul pueblo, tey ts'ihbalambil sbihilic a te lahchaytuhl jpuc-c'opetic yu'un te Jcolel Tuminchije.

Apocalipsis 21:14 Referans Kwoze

Hebreos 11:10

Melel te Abrahame ja' la smaliy slumalin te muc'ul lum te ay tulan yiptajibe te ja' la xchajban stuquel te Diose soc te ja' nix la spase.

Efesios 2:20

Ts'ajc'ubilex moel ta muc'ul na. Ta sba te yiptajib la yotsesic te jpuc-c'opetic soc te j'alwanejetic yu'un te Diose. Ja' mero smuc'ul stonil chiquin-na te Jesucristoe.

Isaías 54:11

—Ja'at lum te ma'yuc yutsil q'uinal ya awaiy, te majbilat ta tulan iq'ue, ni ma'yuc mach'a ya smuc'tesbat q'uinal awaiy. Jo'on ya jpasat xan ta t'ujbil ijc'al ton, soc ya jpas te yiptajib sts'ajc'ul lum ta yaxal ton.

Apocalipsis 18:20

Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.

Judas 1:17

Quermanotac te c'uxex ta co'tane, ma me xch'ay ta awo'tanic te bila la yalic ta neelal to te jpuc-c'opetic yu'un te Cajwaltic Jesucristoe.

Efesios 3:5

Melel ta namey q'uinal tel jtul ma'yuc mach'a ac'bot sna' stojol te bila muquen aye. Yan ta ora to, ac'botix sna'ic ta swenta Espíritu te ch'ul jpuc-c'opetique soc te j'alwanejetique.

San Mateo 16:18

Jo'on ya cal te ja'at Pedroat, ta sba te ton in to ya cac' ipajuc ta stsojbol a te jch'uunjeletic cu'une. In te jch'uunjeletic cu'une ma stsalotic yu'un te lajele.

Efesios 4:11

Ja' nix Dios la yac'bey majt'aniletic ta stojol juju-jtul. Ay la yac'bey yich' yat'elic ta jpuc-c'op. Ay la yac'bey yich' yat'elic ta yalel sc'op Dios. Ay la yac'bey yich' yat'elic ta xcholel te lec yach'il c'ope. Ay la yac'bey yich' yat'elic ta pastoril. Soc ay la yac'bey yich' yat'elic ta p'ijubteswanej.

Gálatas 2:9

Te bit'il la sna'iquix stojol te bit'il Dios la yac'bonix ta jwenta in at'el to, jich la stsacbon jc'ab soc te Bernabé ta swa'el sc'abic te ja'ic te yiptajibic c'oem te jch'uunjeletique. Jich la spasic swenta seña te bit'il joy jbajtic ta at'el soque, swenta yu'un ya me xba at'ejucotic ta bay te jyanlumetique. Yan stuquelic, ya me xba at'ejuquic ta bay te mach'a yich'ojic te circuncisione.

Hechos 1:26

Jich la spasbeyic snumeroil ta na'el te mach'a tsabil ya xc'ote. Ja' c'ot ta swenta te Matiase. Jich la sjoin ta ajtayel te buluchtul jpuc-c'opetique.

Apocalipsis 21:13

Ay oxjujt' sti' ta stojol sloq'uib c'aal, soc oxjujt' ta stojol norte, soc oxjujt' ta stojol sur, soc oxjujt' ta stojol smalib c'aal.