Apocalipsis 21:12 - Bible in Tzeltal de Oxchuc y Tenejapa

¹² Joybil ta toyol ts'ajc' te lume. Ay lajchayjujt' sti' te ts'ajq'ue soc teq'uel jtul ch'ul abat ta bay jujun sti'. Soc ts'ibubil sbiilic tey a ta bay jujun sti' te lajchaychajp te israeletique.

Nuevo Testamento Tzeltal de Amatenango

¹² Te sjoylejal te mukꞌul jtejklume ay smam makteꞌal ton y lom toyol. Ay lajchayeb puertaetik y ta jujun te puertae ay jtul ángel a. Te ba ay te puertaetike teꞌ tsꞌibalanbil sbiilik a te lajchaytijkꞌ stsꞌumbal Israele.

Bible in Tzeltal Bachajón

¹² Joybil ta muc'ul toyol ts'ahc te ay lahchayeb ochibaletic yu'un, soc lahchaytuhl ch'ul a'batetic ta ochibaletic; soc ta jujun yochibal ts'ihbabil sbihil te lahchaychahp sts'umbal Israel.

Apocalipsis 21:12 Referans Kwoze

Apocalipsis 21:25

Jujun c'aal jamal sti' spisil ora te muc'ul lume, soc ma'yuc ajc'ubal tey a.

Isaías 54:12

Ya jpas ta tsajal ton te toyol balal sts'ajq'uetic ta sba te smuc'ul ts'ajc'ule, soc ta yaxal tonetic te jujun yochibal te lume, soc ta yantic t'ujbil tonetic ta spisil te ts'ajq'uetic ta sjoyobal te lume.

Salmos 122:7

Lamaluc me q'uinal ta yutil te ajoyob ts'ajc'ule; junuc me yo'tanic te mach'atic nainemic ta muc'ul naetic awu'un”, xaex me.

Isaías 60:18

Ta alumal ma me x'aiyotix stojol te uts'inele; ni ma me ayuc xan jinel soc lajinel ta aq'uinal. Ja'uc me to: “Colel”, me ya xc'ot sbiil awu'un te ats'ajc'ule; te yochibalic ats'ajc'ule: “Bin nax yutsil te Diose”, xi' me sbiilic awu'un.

Salmos 51:18

Pasbeya bila lec ta stojol te Sión ta swenta yutsil sc'anjel awo'tan; cha'pasbeya xan sjoyob sts'ajc'ul te lum Jerusalén.

Nehemías 12:27

Te c'alal la sta yorail te la yich' aq'uel ta stojol Dios te sjoyob ts'ajc'ul Jerusalén, la sleic te levitaetic ta spisil te banti nainemique. La yiq'uic ta Jerusalén, swenta yu'un ya spasic te q'uin yu'un yaq'uel ta stojol Dios te joyob ts'ajq'ue. Bayal me yutsil q'uinal la yaiyic a, la yalbeyic yutsilal Dios ta c'ayojetic soc at'ejibaletic yu'un música, ja'ic te platilloetic, arpaetic, soc liraetic.

Hechos 26:7

Ta jpisiltic te lajchaychajp sts'umbalotic Israel yacotic ta smaliyel te bi ora ya xc'ot ta pasel te bila yaloj te Diose. Ja' swentail te c'aal ajc'ubal ya jlajin jbatic ta stojol te Diose. Muc' ajwalil Agripa, ma'yuc yan swentail te sleojbonic jmul te judioetic ta Jerusalén, ja' nax te bit'il ay smuc'ul co'tan ta smaliyel te bila yaloj te Diose.

Esdras 9:9

Manchuc me ayotic ta mozoinel, ma ba la apijt'esotic ta banti ayotic ta mozoile. La awac' quiltic yutsil awo'tan ta stojol te muc' ajwaliletic yu'un Persia, la ana' yo'bolil jbatic, la awac' jcuxlejaltic yu'un xcha'pasel xan te templo awu'un te banti jineme. Ja'at la awac'botic coltayel ta sq'uinal Judá soc ta lum Jerusalén.

Hebreos 1:14

Melel te ch'ul abatetique, abat nax yu'un te Diose. Ya xticunotic yu'un Dios ta scanantayel te mach'atic ya yich'ic coltayel yu'une.

San Lucas 16:22

“Ja'uc me to, laj te winic te ay yo'bolil sbae. La yich' iq'uel bael yu'un ch'ul abatetic te ba yac'bey sjoin sba soc te Abrahame. Soc laj uuc te jc'ulej-winique. La yich' muquel te sbaq'uetale.

San Lucas 15:10

Ya calbeyex te jich nix bin nax yo'tanic te ch'ul abatetic yu'un Dios ta ch'ulchan teme ya sujt'es yo'tan yu'un smul te jtul jmulawile —xi' te Jesuse.

San Mateo 18:10

“Tsajtaya me abaic. Ma me ayuc jtuluc te ma'yuc sc'oplal ta awo'tanic te mach'atic peq'uel ayique. Ya calbeyex te spisil ora ayic ta canantayel yu'un ch'ul abatetic yu'un te Jtat te ay ta ch'ulchane. [

Éxodo 28:21

Lajchayeb me ta jp'ij te tonetic, melel lajchayeb ta jchajp sbiil te israeletique. Te juju-jp'ij ton ya me yich' najc'anel sbiil tey a te jchajp israele. Jich me ya yich' pasel te bit'il sello te ya yich' ch'ojtilayel ta bojel, te ya x'och sbiilic tey a te lajchaychajp israeletique.

Apocalipsis 21:13

Ay oxjujt' sti' ta stojol sloq'uib c'aal, soc oxjujt' ta stojol norte, soc oxjujt' ta stojol sur, soc oxjujt' ta stojol smalib c'aal.

Apocalipsis 21:15

Te ch'ul abat te yacon ta c'op soque, stsacoj ta sc'ab te bila pajal soc jalal yilel te pasbil ta oro te ya sp'is a te muc'ul lume soc te juju-jujt' sti' soc te sts'ajc'ule.

Apocalipsis 22:14

Bin nax me yutsilic te mach'atic ya sac' sc'u'-spaq'uic swenta yu'un jich ya xju' ya slo'beyic sit te te' ya yac' cuxinele, soc jich me ya xju' ya x'ochic bael tey a ta bay sti' sts'ajc'ul te muc'ul lume.

2 Crónicas 9:19

Ay xan lajchayeb sloc'omba león-chojetic tey a, juju-jcojt' ta juju-jejch' ta swaccajal moel. Ma'yuc bay jich pasbil nactijibal yu'un yantic ajwaliletic te ya spaj sba soc te bit'il pasbil yu'un Salomón.