Apocalipsis 21:1 - Bible in Tzeltal de Oxchuc y Tenejapa

¹ Soc la quil yach'il ch'ulchan soc yach'il balumilal. Yu'un te sbabial ch'ulchane soc te sbabial balumilale ch'ayiquix bael soc ma'yuquix te mare.

Nuevo Testamento Tzeltal de Amatenango

¹ Ta patil la kil jun achꞌ chꞌulchan y jun achꞌ balmilal. Porke te primero chꞌulchan y te primero balmilale chꞌayikix bael, y jich ekꞌa te mare.

Bible in Tzeltal Bachajón

¹ La jquil yach'il ch'ulchan soc yach'il bahlumilal, como c'axix te ch'ulchan soc te bahlumilal te ay ta nahil to, soc mayuquix mar.

Apocalipsis 21:1 Referans Kwoze

2 Pedro 3:13

Yan te jo'otique, ja' ya jmaliytic te ach' ch'ulchan soc te ach' balumilal te ma'yuc xujt'uc mulil tey a te jich yalojix Dios te ya spase.

Isaías 66:22

Tulan ya yal xan te Cajwaltique: —Jich bit'il te ach' ch'ulchan soc ach' balumilal te ya jchicnantes, te ya xjalaj sbajt'el q'uinale, ja' ni me jich ya xjalaj te ats'umbal soc te abiile.

Apocalipsis 21:5

Soc jich la yal te mach'a nacal ta muc'ul nactijibale: “Ila me awilic, ya jpasix ta yach'il spisil te bitic aye”, xi' la caiy. Soc jich la yalbon: —Ts'ibuya ta jun te bila la cale. Ja' in to, ja' te smelelil c'op te ya xju' ya xch'uun awo'tane —la yuton.

2 Pedro 3:10

Ma na'biluc cu'untic te bi c'aalil ya xtal te Cajwaltique cu'untic, jich bit'il ma na'biluc cu'untic te ay ajc' nax ya xtal j'elec' ta ajc'ubale. Te bi c'aalil ya xtal te Cajwaltique, xnililet nax me ya xlaj bael te ch'ulchane. Soc ya me xlilaj ta c'ajq'uel spisil te c'aale, te ue, te eq'uetique. Soc te balumilale ya me xlaj ta chiq'uel soc spisil te bitic ay tey ae.

Apocalipsis 20:11

La quil ay mero muc'ul saquil nactijibal te ay mach'a nacal tey a. Loc' bael ta anel ta stojol te ch'ulchan balumilale, ma ba wejt' xan yawilic ta banti ya x'ainique.

Isaías 27:1

Te bi c'aalil ya cale, te Cajwaltic ya me yac'bey castigo te Leviatán, te chan te busul ta lume, ja' te Leviatán, te sbets'unaj ya xbeene; ya me smil ta spuñal te xiweltic nax sbae, te c'axem to xan smuc'ul te yu'ele, ya to sta ta milel a te muc'ul chan te ay ta mar.

Daniel 7:3

Ora nax loc' tel ta mar chaneb mero muc'ul chambalametic, ma pajaluc yilelic.

Apocalipsis 13:1

La stejc'an sba ta bay sji'al mar te muc'ul chane. La quil loc' tel ta mar muc'ul chambalam te xi'bantic sbae, ay juqueb sjol soc lajunch'ix xulub. Ta juju-jch'ix te xulube ay scorona, soc ta bay juju-jp'ij te sjole ts'ibubil sbiil swenta stoybac'optayel te Diose.

Isaías 57:20

Ja'uc me to, te mach'a amenique jich c'oemic te bit'il mar te xtal xbajt'e, te ma xju' ya scom sba, te ya xch'oj loq'uel ajch'al soc c'a'pal te sbule.

Isaías 51:11

Ja' nix jich ya sujt'ic tel te mach'atic la yich' loq'uesel tel yu'un te Cajwaltique, soc ya x'ochic bael ta lum Sión. Ya me x'awunic ochel yu'un yutsil yo'tanic; ya me staic yutsil yo'tanic soc bin nax yo'tanic tey a. Te bitic c'ux la yaiyic, soc mel-o'tan, ya me xch'ayic bael.

Romanos 8:21

melel spisil te bitic pasbile, ya me sta yorail te ya xcol ta mosoil yu'un te bit'il bolobene soc te bit'il jineme, swenta yu'un jelawen yutsilal te libre ya xc'ot spisil te yal-snich'an te Diose.

Apocalipsis 6:14

Te ch'ulchane ch'ay bael ta jsit jich bit'il ora nax ya yich' balel te june. Jeltaybot yawilic spisil te witstiquile soc te ch'in sejbelsejp q'uinaletic te joytaybilic ta mare.