Apocalipsis 20:6 - Bible in Tzeltal de Oxchuc y Tenejapa

⁶ Bin nax me yutsil te mach'atic cha'cuxic ta sbabial buelta cha'cuxele, soc ja'ic te ch'ul lum yu'un Dios stuquelique. Te xchebal buelta lajele ma'yuquix yip ta stojolic. Sacerdoteetic yu'un Dios soc te Cristoe, soc ya me sjoinic ta ajwalil jmil (1,000) ja'wil te Cristoe.

Nuevo Testamento Tzeltal de Amatenango

⁶ Ben tsaꞌam slekilik te machꞌatik ay ta skuentaik te primero chaꞌkuxele, yuꞌun jaꞌik te yuꞌunik Dios stukelike. Te xchaꞌmelal lajele ma tut ya xꞌutotikix yuꞌun a. Sino ke jaꞌix saserdoteetik yuꞌun a te Diose y sok te Cristoe, y ya me sjoyinik ta ajwalil jmil jaꞌbil te Cristoe.

Bible in Tzeltal Bachajón

⁶ Bayel yutsilic soc ch'uhltesbilic te mach'atic ya xcha'cuxajic ta primera buelta cha'cuxajel; ma ba ya xcuentahinotic yu'un te schebal buelta lajel, sacerdotehetic yu'un Dios soc yu'un Cristo ya xc'ohtic soc ya sjoquinic ta cuentahinwanej lajunwinic yoxbahc' (1,000) ha'bil.

Apocalipsis 20:6 Referans Kwoze

Apocalipsis 1:6

soc la yac'otiquix ta ajwalil soc ta sacerdoteil te jich ya yabatinotic te Diose, ja' te Stat te Jesucristoe. Jelawenuc me yutsilal soc ayuc me tulan yat'el sbajt'el q'uinal stuquel. Jichuc.

Apocalipsis 2:11

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a jayeb ya xju' yu'un tsalawe, ma ba ya xc'ax swocol yu'un te xchebal buelta lajele —xi'.

Apocalipsis 20:14

Te lajel soc te stsobjibal animaetique la yich'ic ch'ojel ochel ta bay te muc' pamal c'ajq'ue. Te muc' pamal c'ajq'ue, ja' te xchebal buelta lajele.

Apocalipsis 5:10

La awac'beyix yat'elic ta ajwalil soc ta sacerdoteil ta stojol te Dios cu'untique, soc ya me xmandalajic ta balumilal”, xiic ta c'ayoj.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

2 Timoteo 2:12

Teme ts'ijc' cu'untic te jwocoltique, ya me join jbatic ta ajwalil soc. Teme la jmuc ta co'tantique, ya me smucotic ta yo'tan uuc.

Romanos 8:17

Teme yal-snich'anotic te Diose, ja' cu'untic uuc te bila ay yu'un te Diose. Pajal me ya quich'tic soc Cristo teme pajal ya xc'ax jwocoltic jich te bit'il c'ax swocol stuquele. Jich me pajal ya quich'tic cutsilaltic soc.

Daniel 12:12

Bin nax me yutsilic te mach'a jun yo'tan ya smaliyic te ya xc'ax te jmil soc jo'lajuneb sjuclajunwinic (1,335) c'aale.

Apocalipsis 22:7

“Aiya awaiyic stojol, nopol ya xtalon. Bin nax me yutsil te mach'atic ya yac' ta yo'tanic te sc'op Dios te ts'ibubil jilel li' ta bay in jun to”, xi' te Jesuse.

Apocalipsis 14:13

Soc la caiy stojol te ay mach'a c'opoj tel ta ch'ulchane. Jich la yalbon: —Ts'ibuya ta jun in to: “Bin nax me yutsilic ta ora to soc ta sbajt'el q'uinal te animaetic te xch'uunejic Cajwaltic te lajique”, xi' me —la yuton. La yal te Espiritue: —Melel nix a. Ya me yich'ic lewa yu'un te yat'elique, soc ya me sjoinic tey a te yat'elique —xi'.

Romanos 12:1

Jich yu'un, quermanotac, ya calbeyex wocol ta swenta bit'il bayal c'uxtaybilex yu'un te Diose, ac'a me abaic ta sc'ab Dios soc te abaq'uetalique. Ja'uc me cuxul smajt'an Dios ya xc'oex ta stojol, te ch'ultesbilex soc te lec yo'tan yu'un te Diose. Yu'un jich ya sc'an ch'uunel awu'unic te Diose.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

1 Pedro 2:5

In te ja'exe, jichex uuc te bit'il cuxul tonetique. Ac'a me abaic ta ts'ajc'uyel ta na ta swenta te Espiritue. Jich me ch'ul sacerdoteex yu'un Dios ya xc'oex te ya awac'beyic milbil majt'anil ta swenta Espíritu te lec yo'tan Dios yu'un ta swenta te Jesucristoe.

San Lucas 14:15

Ay jtul winic te pajal nacal ta mesa soc te Jesuse te c'alal la yaiy stojol te bila la yale, jich la yal: —Bin nax me yutsil te mach'a ya x'ic'ot ta we'el ta banti ay ta ajwalinel te Diose —xi'.

Isaías 61:6

Ya me yich' alel te sacerdoteex yu'un te Cajwaltique; soc ya me yich' alel te yabatex te Dios cu'untique. Ya me awaiybeyic lec yutsilal sc'ulejal te yantic nacionetique; ya me ach'al abaic soc te xojobil yutsilalique.

Isaías 4:3

Ja' te mach'atic cuxul ya xjilic ta lum Sión, ja' te mach'atic ayic to xan ta lum Jerusalén, te ya yich'ic xan permiso te ya x'ainic tey a, “Ch'ultesbilic yu'un te Cajwaltique”, xi' me sc'oplalic.

Apocalipsis 3:21

Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.

Apocalipsis 22:5

Ma'yuquix ajc'ubal tey a. Ma xtuunix yu'unic te xojobil c'ajq'ue soc te xojobil c'aale, melel ja' sacuben q'uinal ta stojolic yu'un te Cajwaltic Diose. Sbajt'el q'uinal ya sjoinic ta ajwalinel te Diose.