Apocalipsis 20:13 - Bible in Tzeltal de Oxchuc y Tenejapa

¹³ Te mare la yac' loc'uc tel te animaetic te tey lajemic a. Te lajele soc te stsobjibal animaetique la yaq'uic loq'uel tel uuc te mach'atic ay yu'unic tey a. Spisilic la yich' alel te yat'elique, chican te bi yilel te bila spasojic ta juju-jtule.

Nuevo Testamento Tzeltal de Amatenango

¹³ Te mare la yakꞌ entregal te machꞌatik te chamenik aye. Te lajele y sok te yawil animaetike la yakꞌ entregal te machꞌatik teꞌeyik aye. Y spisilik a ichꞌtalanot jkuenta ta juju-tul, chikan te tut spasojike.

Bible in Tzeltal Bachajón

¹³ Te mar la yac' loc'uc tal te mach'atic lajemic tey a, soc te lajel soc te stsobojibal mach'atic chamenic la yaq'uic loq'uel tal te mach'atic ayic tey a. Tuhlutuhl ochic ta ich'el ta c'op, ha chican bin la spasic.

Apocalipsis 20:13 Referans Kwoze

Apocalipsis 6:8

Jich la quil cojt' c'anal caballo. Te mach'a cajal ta spate, Lajel xi' te sbiile, soc ts'acal ta spat te Stsobjibal-animaetique. Ac'bot ta swenta jxejt' ta xchanxejt'el te balumilal te ya smil ta puñal, ta wi'nal, ta chamel soc ta ti'el ta jti'awal chambalametic ta balumilal.

Oseas 13:14

¿Ya bal cac' ta libre yu'un yu'el te muquenale? ¿Ya bal jcoltay loq'uel yu'un a te lajele? ¿Banti ay awu'el, ja'at lajel, te jinwanejate? ¿Banti ayic, muquenal, te bila amen awu'une? Ma ba ya jna'beyix yo'bolil sba te ants-winiquetique —xi' te Cajwaltique.

Apocalipsis 20:14

Te lajel soc te stsobjibal animaetique la yich'ic ch'ojel ochel ta bay te muc' pamal c'ajq'ue. Te muc' pamal c'ajq'ue, ja' te xchebal buelta lajele.

Apocalipsis 20:12

Soc la quil spisilic te animaetic te muc' biq'uit tec'ajtic tey a ta stojol te Diose. Te libroetique la yich' jamel, soc ay yan libro te la yich' jamel te ja' te lista yu'un cuxinele. Dios la yalbey yat'elic juju-jtul te animaetique chican te bi yilel te bila spasojique. Ja' chican te bila ts'ibubil ta bay te libroetique.

Isaías 26:19

Ja'uc me to, te animaetic awu'une ya xcha'cuxic stuquelic; te sbaq'uetalique ya xcha'cuxic. Te mach'atic wayalic ta lumq'uinal, ya xtijotic jajch'el, soc ya me x'awunic yu'un sbujts' yo'tanic. Melel jich ya aticun tel te luz awu'un ta stojolic, te bit'il ts'ujul ya xyal ta ajc'ubale; jich te animaetic ya me xcha'chicnajic loq'uel ta lum.

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

San Mateo 11:23

Jichat uuc lum Capernaúm te atoyoj abaic c'alal ta ch'ulchan, ja'uc me to, c'alal ta infierno ya xch'ojotat coel. Melel te jichuc la yich' pasel jchajp at'eliletic ta banti lum Sodoma jich bit'il te la yich' pasel ta awolilique, chican to ta q'uinal ta ora to te jichuque.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

1 Corintios 15:26

Ta slajibal te jcontroinwaneje, ja' te lajele, ya me yich' jinel te yat'ele.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

Apocalipsis 21:4

Soc ya me scusbot ya'lel sitic yu'un te Diose. Soc ma'yuquix te lajele soc te oq'uele soc te mel-o'tane soc te bila ay xc'uxule. Yu'un te bila ay ta neelale, ch'ayix bael ta spisil”, xi' la caiy.