Apocalipsis 20:10 - Bible in Tzeltal de Oxchuc y Tenejapa

¹⁰ Te pucuj te lo'layotic yu'une, la yich' ch'ojel ochel ta muc' pamal c'ajc' te yac ta tilel soc azufre, ta banti yich'ojix ch'ojel te muc'ul chambalam te xi'bantic sbae soc te lotil j'alwanej yu'une. Tey me ya xc'ax swocolic a ta c'aal ajc'ubal ta sbajt'el q'uinal.

Nuevo Testamento Tzeltal de Amatenango

¹⁰ Y te pukuje, te loꞌlaylanbil yuꞌune, chꞌojot ochel te ba yipal ta tilel kꞌajkꞌ sok asufree, teꞌ ba chꞌojtalanbil ochel euk te chanbalam te xiꞌbentik sbae y sok te palso jꞌalwanejetike. Teꞌ me ya yilik swokolik a kꞌajkꞌal ajkꞌubal ta sbajtel kꞌinal.

Bible in Tzeltal Bachajón

¹⁰ Soc te pucuj, te lo'loyotic yu'un, ch'ojot ochel ta banti yac ta tihlel pamal c'ahc' soc azufre, te banti ay te chambahlam te xiweltic sba soc te lotil jalwanej; c'ahc'al ahc'abal ya xc'ax swocolic sbahtel q'uinal tey a.

Apocalipsis 20:10 Referans Kwoze

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

Apocalipsis 20:8

Jich ya xjajch' slo'lay spisil ta chajbalchajp te nacionetic ta xchanjejch'eluc balumilal te ja' Gog soc Magog sbiilic te ants-winiquetique. Ya me stsob sbaic ta guerra te jich yajtalulic te bit'il sji'al te mare.

Apocalipsis 16:13

La quil chicnaj oxeb pucujetic te jich yilelic te bit'il xch'uch' te loc' tel ta ye te muc'ul chan te xi'bantic sba ta ilele soc ta ye te muc'ul chambalam te xi'bantic sbae, soc ta ye te lotil j'alwaneje.

Daniel 7:11

“Te jo'one yacon nax ta yilel. Tey baem co'tan a te bitic puro swenta toybail yacal yalel te ch'in xulubile. Te c'alal yacon ta yilel a, la yich' milel te muc'ul chambalam, la yich' sesenel scojt'ol, la yich' busanel ochel ta c'ajc'.

San Mateo 7:15

“Tsajtaya me abaic yu'un te mach'atic lotil j'alwanejetique. Scuyoj sbaic ta chijetic yilel, ja'uc me to, pajalic soc jti'awal ja'mal ts'i'etic.

Apocalipsis 9:17

Jich yilel te caballoetic soc te soldadoetic te cajajtic a te ac'boton quile. Te soldadoetique ay smajq'uilic te tsaj yilel jich bit'il c'ajc', soc yax jich bit'il zafiro, soc c'an jich bit'il azufre. Yan te caballoetique jich sjolic te bit'il león-chojetique. Ta yeic yac ta loq'uel c'ajc' soc ch'ail soc azufre.

San Marcos 9:44

ta banti ma xcham syaljaul te mach'atic la sle smulique, soc ta bay ma xtup' sbajt'el q'uinal te c'ajq'ue.]