Apocalipsis 20:1 - Bible in Tzeltal de Oxchuc y Tenejapa

¹ Soc la quil jtul ch'ul abat te yac ta coel tel ta ch'ulchan. Yich'oj ta sc'ab te sllaveil te xaabe, soc yich'oj ta sc'ab jlijc' muc'ul cadena.

Nuevo Testamento Tzeltal de Amatenango

¹ La kil jtul ángel te yipal tal ta koel ta chꞌulchane. Yichꞌojbe syaweal te mam chꞌene y sok yichꞌoj jlijk mam kadena ta skꞌab.

Bible in Tzeltal Bachajón

¹ La jquil yac ta cohel tal ta ch'ulchan jtuhl ch'ul a'bat, yich'oj llave yu'un te xahab soc slicoj muc'ul cadena ta sc'ab.

Apocalipsis 20:1 Referans Kwoze

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

2 Pedro 2:4

Melel te Diose ma la spasbey perdón te ch'ul abatetic te la sta smulic ta stojole. La xch'oj coel ta bay infierno. Tey la yac' ta chuquel ta cadena ta bay te ijc' q'uinale, q'uejbilic tey a, ja' to teme la sta sc'aalelal te ich'el ta c'ope.

Judas 1:6

Soc te ch'ul abatetic te ma la yich' ta muc' te yat'elique, la yijq'uitayic te banti ayique. Ayic ta chuquel ta ijc' q'uinal ta ora to, swenta yu'un ya me yich' ich'el ta c'op te c'alal ya sta sc'aalelale.

Apocalipsis 18:1

Patil la quil yan ch'ul abat te yac ta coel tel ta ch'ulchane. Chican te tulan yat'el yich'oje. Sacub q'uinal ta balumilal yu'un te yutsil xojobile.

Apocalipsis 10:1

Soc la quil coj tel ta ch'ulchan yan ch'ul abat te bayal yipe. Potsol tel ta tocal soc ay arco iris joyol ta sjol. Te sit yelawe xlememet nax xojobil jich bit'il te c'aale. Te yacane jich yilel te bit'il muc'ul oy te tsajxojan nax sc'aale.

San Lucas 8:31

Te pucujetic la yalbeyic wocol te Jesuse, te manchuc ya x'ac'otic bael ta xaab yu'une.

Apocalipsis 20:3

Soc la xch'oj ochel ta xaab, la smac jilel ta llave, soc la smac jilel ta sello, swenta yu'un ma ba ya slo'layix a te chajbalchajp nacionetique, ja' to teme loc' te jmil (1,000) ja'wile. Te c'alal loq'uix a te jmil (1,000) ja'wile, ya me yich' coltayel loq'uel jun chebuc c'aal.