Apocalipsis 2:3 - Bible in Tzeltal de Oxchuc y Tenejapa

³ C'axemix te awocole soc ts'ijq'uem awu'un, tulan at'ejemat ta jwenta, ma ba comen awo'tan.

Nuevo Testamento Tzeltal de Amatenango

³ Tsꞌijkem awuꞌun te awokole, y bayal kꞌaxem awokol ta jkaj, pero ma xlubat.

Bible in Tzeltal Bachajón

³ C'axem awocol soc cuhchem awu'un, tulan a'tejemat ta scuenta jbihil, soc ma ba luhbenat.

Apocalipsis 2:3 Referans Kwoze

Hebreos 10:36

Pasaic me tulan. Ts'ijc'uc me awu'unic te awocolique. Pasbeyaic sc'anjel yo'tan te Diose, jich me ya awich'ic te bila yaloj te ya yac'beyex awu'uninique.

Hebreos 12:1

Te bit'il joytaybilotic yu'un tsobol ta jtul testigoetic te la yaq'uiquix ta ilel te bit'il ay xch'uunjel yo'tanique, jich yu'un te jo'otique ac'a quijq'uitaytic jilel te bila ya smacotique soc te mulil te ya xchucbotic te cacantique. Junuc me co'tantic ac'a animajucotic bael te banti ya xc'ootic te ay ta jtojoltique.

Gálatas 6:9

Jich yu'un ma me xlubotic ta spasel te bila lec ta pasele. Melel ya me sta yorail ya jc'ajtic, teme ma xpejc'aj te co'tantique.

Colosenses 1:11

Soc ya jc'anbeytic te Diose te yacuc yac'beyex yip awo'tanic ta swenta te yutsil yu'ele, jich me ya xcujch' awu'unic soc ya sts'ijc' awu'unic spisil ta swenta yip awo'tanic.

San Juan 15:21

Spisil in to ya spasbeyex ta jo'on jwenta, melel ma sna'beyic sba te Mach'a la sticunon tele.

1 Corintios 13:7

Spisil ya xcujch' yu'un, spisil ya xch'uun, spisil ya smaliy, soc spisil ya sts'ijc' yu'un.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

Hebreos 6:15

Te Abrahame jun yo'tan la smaliy. Jich la yich' te bila albil yu'un te Diose.

Hebreos 6:12

Ma jc'antic te ya xch'ajubexe. Ja' ya jc'antic te ya anopbeyic yo'tan te mach'atic ay xch'uunjel yo'tanique soc te jun yo'tanic yacalic ta smaliyel te bila ya x'ac'bot ta swentaic te yaloj te Diose.

Hebreos 6:10

Melel te Diose, ma xch'ay ta yo'tan te awat'elique soc te xc'uxul awo'tan awac'ojic ta ilel ta stojol Cajwaltic te c'alal la acoltayic te mach'atic ch'ul lum yu'un te Diose, soc te ma ba acomoj abaic ta spasele.

1 Timoteo 4:10

Ja' swentail te cac'ojtic puersa ta at'el soc jts'icojtic ixtac'optayel. Yu'un ya jmaliytic te jcoleltic yu'un te cuxul Diose, te ja' Jcoltaywanej yu'un spisil te ants-winiquetique. Ja'uc me to, ja' mero Jcoltaywanej yu'un te jayeb mach'atic ya xch'uunique.

2 Tesalonicenses 3:13

Quermanotac, ma me xlubex ta spasel te bila leque.

2 Corintios 4:16

Ja' swentail te ma xpejc'aj te co'tantique. Manchuc teme yanyan ta lajel te jbaq'uetaltique, ja'uc me to, yanyan ta ach'ubel jujun c'aal te co'tantique.

2 Corintios 4:1

Ja' swentail te ma xpejc'aj co'tantic, te melel Dios la yac'botiquix cat'eltic ta swenta bit'il la quich'tic c'uxtayel yu'un.

Romanos 12:12

Bayaluc me sbujts' awo'tanic ta smaliyel te utsilale. Ts'ijc'uc me awu'unic te uts'inele. Ma me xawijq'uitayic sc'oponel te Diose.

Romanos 8:25

Yan teme ma to chicanuc te bila yacotic ta smaliyele, ya sc'an te jun co'tantic ya jts'ictic smaliyel, ja' to teme chicnaje.

San Lucas 14:27

Te mach'a ma sc'an ya xcuch scruz te ya sts'aclinone, ma xju' te jnopojel ya xc'ot cu'une.

Salmos 37:7

Ch'aban me ta stojol Cajwaltic; junuc me awo'tan ta smaliyel te ya scoltayat stuquele. Ma me x'ilin awo'tan yu'un te mach'a ay lec bitic ya sta ta q'uinale, te mach'a ay bila amen te ya xchape.

Apocalipsis 1:9

Jo'on Juanon te awermanoon te pajal ay ta jwentatic te woclajele soc te pajal ay ta jwentatic ya jointic ta ajwalil te Cristoe. Tey ac'bilon ta bay ch'in q'uinal te ay ta yolil mar te Patmos sbiile, ta scaj te sc'op Diose soc te jamal la cac' ta na'el te sc'oplal te Jesucristoe.

2 Pedro 1:6

Teme la ana'iquix te q'uinale, na'aic me amandaltesbel abaic atuquelic. Teme la amandaltes abaique, ac'a ts'ijc'uc awu'unic. Teme ts'ijc' awu'unique, na'aic me spisil ora te Diose.

1 Tesalonicenses 1:3

Ja' ya xjul ta co'tan te bit'il ay xch'uunjel awo'tanic ta stojol te Jtatic Diose, soc te bit'il awac'oj abaic ta abatinel soc te xc'uxul awo'tanique, soc te bit'il jun awo'tan yaquex ta smaliyel te bi ora ya xtal te Cajwaltic Jesucristoe.

2 Corintios 11:23

¿Abatetic bal yu'un te Cristoe? C'axem to xan jich ayon te jo'one, (manchuc teme tabilon ta jowejel te ya xc'opojone.) C'ax jich at'ejemon jtuquel a te bit'il at'ejemique. C'axem to xan la quich' majel ta nujc'ul. Soc c'axem to xan la quich'ix chuquel. Soc bayal buelta te c'an lajucone.

2 Corintios 5:9

Jich yu'un spisiluc ora toyoluc co'tantic yu'un spasel te bila ya sc'an yo'tan te Cajwaltique, chican teme jnainejtic to te jbaq'uetaltique, o teme la quijq'uitaytiquix jilele.

Romanos 2:7

Ya me yac'bey xcuxlejal sbajt'el q'uinal ta stojol te mach'a ya yat'elin spasel spisil ora te bila lec ta pasele, soc te ya sle yutsilal te ma xlaje.

San Lucas 18:1

Te Jesús la yalbey yaiyic yan seña-c'op, swenta yu'un jich me ya snopic te ma ba ya yijq'uitayic sc'oponel Dios spisil ora soc te ma xchebaj yo'tanic ta stojole.

San Lucas 8:15

Yan te awalil te c'ot ta bay lequil lume, ja' sc'oplal te mach'atic jun nax yo'tanic ta yaiyel stojol te Sc'op Diose, soc te jc'axel ya yac' yo'tanic ta xch'uunel soc ma xchebaj yo'tanic. Ya me sitin ta yo'tanic ta lec c'oem te sc'op Diose.

Hebreos 13:13

Ac'a loc'ucotic bael ta pat lum uuc ta banti ay te Jesuse. Ac'a me ts'ijc'uc cu'untic uuc teme ayotic ta labanele, jich te bit'il la yich' labanel stuquele.

1 Timoteo 5:17

Te ancianoetic te lec ya x'at'ejic ta stojol te Diose, ac'a me yich' ich'el ta muc' ta c'axem to xan. Ja' bayal sc'oplalic te mach'atic yat'elinejic xcholel te sc'op Diose soc ta p'ijubteswanej.

2 Tesalonicenses 3:8

soc ma jmajt'anticuc we'otic yu'un yan. Lubotic ta at'el ta c'aal ajc'ubal, yu'un ma la sc'an co'tantic te la cac'beyex awocolic jtuluc te ja'exe.

2 Tesalonicenses 3:5

Ac'a yac'beyex ta awo'tanic te Cajwaltic te bit'il ay xc'uxul yo'tan te Diose, soc te bit'il ts'ijc' yu'un Cristo te swocole.

1 Tesalonicenses 2:9

Quermanotac, na'aic me te bit'il lubon ta sleel te bila tuun cu'une. At'ejon ta c'aal ajc'ubal, yu'un ma la jc'an te la cac'beyex awocolic te c'alal yacon ta xcholel ta atojolic te lec yach'il c'op yu'un te Diose.

Filipenses 4:3

Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.

Filipenses 2:16

Jich yu'un q'ueja me ta awo'tan te sc'op Dios swenta cuxinele. Jich me bin nax co'tan awu'unic ta stojol Cristo te c'alal ya xtale, melel jna'oj te ma tojoluc te beenone soc ma tojoluc te la cac' jwocol ta at'el ta atojolique.

Gálatas 6:2

Juju-jtul jech cuchbeya abaic te awijc'atsique. Jich me ts'acal ya xc'ot ta ch'uunel awu'unic a te smandal te Cristoe.

2 Corintios 10:15

Ma jwentaticuc te toyol q'uinal ya caiytic yu'un te banti at'ejemic te yantique. Ma spas caltic te ja' cat'eltic te banti ma cat'elticuque. Ja' ya jmaliytic te ya x'esmaj xan te xch'uunjel awo'tanique. Jich me ya xju' te ya x'at'ejotic xan ta awolilic. Ja'uc me to, ma xjelawotic tey a te banti c'alal p'isbil te ya x'at'ejotique.

2 Corintios 6:5

Soc te majele, te chuquele, te awtayel ta controinel yu'un te ants-winiquetique, soc te tulan at'ele, soc te ma'yuc cux-o'tanil ta wayele, soc te ay wi'nal la caiytique.

Romanos 16:12

Albon spatjibal yo'tanic uuc te Trifena soc te Trifosa te yacalic ta at'el ta stojol te Cajwaltique, soc uuc te quermanatic Pérsida te bayal c'ux ta co'tane, ja' te bayal at'ejemix ta stojol te Cajwaltique.

San Lucas 21:19

Teme cujch' awu'unique, jich me ya xcol ach'ulelic.

San Marcos 15:21

Ay jtul winic te talem ta Cirene, Simón sbiil te ja' stat te Alejandro soc te Rufoe, te xc'otuc ta c'alc'altique. La sujic ta xcuchel bael scruz te Jesuse.

Miqueas 7:9

Jtaoj jmul ta stojol te Cajwale, jich yu'un ya me xc'ax cu'un te yilimbae. Ja'uc me to, ya me stabon te bi swentailuc soc toj me ya xchajbanon. Te Cajwaltic ya me yic'on bael ta saquil q'uinal, ya me yac'bon quil te tsalaw yu'une.

Salmos 69:7

Ja'at ta awenta c'axem cu'un uts'inel; la smacbon quelaw te q'uexlale.

1 Tesalonicenses 5:12

Quermanotac, ya calbeyex wocol, ich'aic ta muc' te mach'atic yacalic ta at'el ta awolilic te ya swolexe soc te ya stac'uyex ta swenta te Cajwaltique.

1 Corintios 16:16

Ya calbeyex wocol te yacuc awich'ic ta muc' te mach'atic pajal yo'tanic soque, soc spisil mach'atic ya xcoltaywanic, soc te ya yac' sbaic ta abatinele.

San Lucas 5:5

La yal te Simone: —Maestro, ma niwan, yu'un at'ejotiquix sjunal ajc'ubal. Ni cojt'uc chay la jtsactic. Yan te bit'il ja'at la awalixe, ya me cac' ochel jiche —xi'.