Apocalipsis 2:24 - Bible in Tzeltal de Oxchuc y Tenejapa

²⁴ Ja'uc me to, te ja'exe soc te mach'atic ayic ta Tiatira te ma ba ach'uunejic te bila ya yac' ta nopel te Jezabele soc te ma ba bajt' ta awo'tanic snopel te bila mero tulan p'ijubtesjibal ta sc'opic te ja' yu'un Satanás stuquele, ya calbeyex te ma'yuc yan mandal te ya cac'beyex acuchique.

Nuevo Testamento Tzeltal de Amatenango

²⁴ “Pero te jaꞌex te aylan ta Tiatirae te ma xꞌanaꞌik te tut ya yakꞌ ta nopele, sok te ma jaꞌuk bajt ta awoꞌtanik snopel te tutik mukul nax ya yalik te jaꞌ yuꞌun te pukuje, ya kalbeyex te maꞌyuk yan mantal ya kaꞌbeyex achꞌuunike.

Bible in Tzeltal Bachajón

²⁴ Yan te jayeb xan ayex ta Tiatira, te ma hichuc ay snopojibal awu'unic soc ma ba anopbeyejic te bin muquen ay yu'un te Satanás te ya yalic, hich ya calbeyex: Mayuc yan ihcatsil ya ca'beyex acuchic;

Apocalipsis 2:24 Referans Kwoze

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

2 Corintios 11:3

Ja'uc me to, ya xiw co'tan teme ay mach'a ya slo'layex, jich te bit'il laj ta lo'layel yu'un sp'ijil sc'op chan te Evae. Ya jxi' teme ay bit'il ya xyanaj awo'tanic, soc te jich ma junuquix awo'tanic ta stojol te Cristoe.

2 Corintios 2:11

Swenta yu'un jich ma ba ya stsalotic tey a te Satanase, melel quilojtic te bayal smaña stuquele.

Hechos 15:28

Melel ja' lec la yaiy te Ch'ul Espíritu soc jich co'tantic uuc te ma'yuc yan ijc'atsil te ya cac'beyex awich'ique, ja' nax ta bay tulan sc'oplal.

Apocalipsis 13:14

Soc ta swenta seña yu'el te ac'bot spas yu'un te sbabial muc'ul chambalam te xi'bantic sbae, la slo'lay te mach'atic nainemic ta balumilal. Jich la yal mandal te ya me spasbeyic sloc'omba te muc'ul chambalam te xi'bantic sba te la yich' ejch'entesel ta puñal te ju' yu'un te cuxine.

1 Corintios 2:10

Dios la yac'botiquix jna'tic stojol spisil in to, ta swenta te Espíritu yu'une. Melel te Ch'ul Espiritue, ya xju' yu'un te ya yac' ta na'el stojol spisile, manchuc teme ja' te bila muquen ay ta yo'tan stuquel te Diose.

Hechos 16:14

Ja'uc me to, ay jtul ants te tey ay a, Lidia te sbiile, te talem ta lum Tiatira. Ja' yat'elinej xchonel te t'ujbil tsaj'aman pac' te bayal stojole. In ants to, ja' yich'oj ta muc' te Diose, jich jambot yo'tan yu'un te Cajwaltique. La yaiy stojol te bila la yal te Pabloe.

Santiago 3:15

Te p'ijil-o'tanil to, ma ja'uc talem ta bay te Diose. Ja' p'ijil-o'tanil swenta balumilal, soc yu'un te ch'ich'-baq'uet, soc yu'un te pucuje.

Apocalipsis 1:11

Jich la yal: —Jo'on Alfaon, jo'on Omegaon, ayon ta xjajch'ibal soc ayon ta slajibal. Ts'ibuya ta jun te bila ya awile, soc ticuna bael ta bay te jucchajp jch'uunjeletic te ayic ta sq'uinal Asia: Ja'ic te lum Éfeso, te lum Esmirna, te lum Pérgamo, te lum Tiatira, te lum Sardis, te lum Filadelfia, soc te lum Laodicea —xi' la caiy.

Apocalipsis 2:9

Jo'on quilojbat spisil te awat'ele. Soc quiloj te bit'il ayat ta uts'inele, soc te ma'yuc bi ay awu'une. (Ja'uc me to, ay ac'ulejal.) Soc te ayat ta toybac'optayel yu'un te mach'atic scuyoj sbaic ta judioe, ja'uc me to, ma ja'uquic, melel ja' nainbil yo'tanic yu'un te Satanase.

Apocalipsis 2:13

Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Apocalipsis 2:18

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Tiatira: Te Snich'an Diose, te jich yac ta tilel sit te bit'il yat c'ajq'ue soc te xlememet nax yacan jich te bit'il xlememet nax te bronce, jich la yal: