Apocalipsis 2:23 - Bible in Tzeltal de Oxchuc y Tenejapa

²³ Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

Nuevo Testamento Tzeltal de Amatenango

²³ Y ya me kakꞌ lajuk te yuntikile. Jich me ya snaꞌik spisil te juju-tijkꞌ hermanoetik te joꞌon jnaꞌoj asta ta yutil pensar y ta oꞌtanil. Y ta juju-tul te jaꞌexe ya kaꞌbeyex chikan te tutiꞌ apasojike.

Bible in Tzeltal Bachajón

²³ Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

Apocalipsis 2:23 Referans Kwoze

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

Salmos 7:9

Dios, te toj awo'tane, ja'at ya ana' te bitic ya snop te o'tanile soc te bitic ya yal te o'tanil c'alal ta yutil. Lajinbeya sc'oplal ta jc'axel te mach'atic amen yo'tanique; yan te mach'atic lec yo'tanique, junuc me yo'tanic awu'un.

Romanos 8:27

Te Diose ya sna' te bila ay ta co'tantique soc ya sna' uuc te bila ya yal te Espiritue. Melel te Espiritue, ja' ya sc'anbey te sc'anjel yo'tan te Dios ta stojol te mach'atic ch'ul lum yu'un te Diose.

Hechos 1:24

Jich la sc'oponic Dios yu'un: —Cajwaltic, ja'at awilojbey yo'tanic spisil te ants-winiquetique, jich yu'un ac'botic jna'tic stojol te mach'a tsabil awu'un jtuluc in chebic to,

1 Pedro 1:17

Teme ya awalic: “Jtat”, xaex ta stojol te Diose, te ja' ay ta swenta yalel te bi yilel cat'eltique soc te ma'yuc mach'a stsaoj nax ta yo'tane, jich yu'un ya sc'an te ya awaq'uic ta ilel te awich'ojic ta muc' te jayeb c'aal cuxulex ta balumilale.

Jeremías 11:20

Ja'uc me to, te ja'at Cajwal te Spisil ya xju' awu'une, ja'at tojat ta juecil atuquel; ja'at ya ana' c'alal to ta mero yutil co'tantic. Ac'bon quil te bit'il ya awac'bey castigo te winiquetique, melel cac'ojbatix ta ac'ab te c'op cu'une.

Jeremías 17:10

Jo'on Ajwalilon, ya jna' stsajtayel te o'tanile soc ya jna' c'alal ta yutil o'tanil te bila yac sna'ele. Jich yu'un ya cac'bey stoj juju-jtul, ja' chican te bit'il ay te yat'elique —xi' te Cajwaltique.

Jeremías 20:12

Cajwalat te Spisil ya xju' awu'une, ja'at te stojil ya atsajtay o'tanil atuquel, ja'at te ya awilbey c'alal ta yutil yo'tan te winique, ac'bon quil bit'il ya awac'bey castigo te ants-winiquetique. Melel cac'ojbat ta ac'ab te jwocole.

Salmos 44:21

Te jichuque la awilotic, melel te ja'ate ana'oj spisil te bila muquen yich'oj chapel.

1 Samuel 16:7

Pero albot yu'un te Cajwaltic: —Ma me ja'uc xbajt' ta awo'tan te bi yilele; te bi yilel snajt'il soc te bi yilel st'ujbilale, te jo'one ma ja'uc ay sc'oplal cu'un. Ma ja'uc ay ta wenta cu'un te bi ya yich' ta wenta te ants-winiquetique. Ja' ya xbajt' ta yo'tanic te bi yilel stec'lejal, yan te jo'one ja' ya quilbey te bi yilel te yo'tane —xi'.

Apocalipsis 20:12

Soc la quil spisilic te animaetic te muc' biq'uit tec'ajtic tey a ta stojol te Diose. Te libroetique la yich' jamel, soc ay yan libro te la yich' jamel te ja' te lista yu'un cuxinele. Dios la yalbey yat'elic juju-jtul te animaetique chican te bi yilel te bila spasojique. Ja' chican te bila ts'ibubil ta bay te libroetique.

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

2 Corintios 5:10

Melel jpisiltic ya me xc'o jtejc'an jbatic ta bay chajbajibal yu'un te Cristoe, swenta yu'un juju-jtul ya me yich' te bila ya xc'ot ta swentae, chican te bila spasoj te c'alal snainej to a te sbaq'uetale, chican teme leque o teme ma lecuque.

Salmos 26:2

tsajtaybon te co'tane, pasawon ta prueba. Pasbon ta prueba te bila ya jnop soc te bila ya yal te co'tane.

1 Crónicas 29:17

Dios cu'un, ya jna' te ya atsajtaybotic te co'tantique, te ja' ya amulan te toj ya cac' jbajtique. Ja' swentail te toj co'tan jnopoj te tal cac' ta atojol spisil. Ta ora yo'tic to bin nax co'tan yu'un te lum awu'un te stsoboj sbaique, c'ax to xan la yaq'uic te majt'anil yu'unic ta atojole.

1 Crónicas 28:9

Te ja'at Salomón, te jnich'anate, ma me xch'ay ta awo'tan te Dios yu'un te atate. Ac'a aba ta abatinel ta stojol ta spisil awo'tan. Junuc me awo'tan ta stojol, melel te Cajwaltic ya sna'botic ta lec te co'tantique, ya sna'botic bitic ya snop co'tantic soc bitic ay ta co'tantic. Jich yu'un teme jun awo'tan ya ale, jich me ya yac'bat te ya ata ta leele. Yan teme ya ach'ay ta awo'tane, ya me sloq'uesat ta jc'axel ta sbajt'el q'uinal.

Apocalipsis 2:11

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a jayeb ya xju' yu'un tsalawe, ma ba ya xc'ax swocol yu'un te xchebal buelta lajele —xi'.

Apocalipsis 2:7

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te jayeb mach'a ya xju' yu'un tsalawe, ya me cac'bey slo' te sit te' swenta cuxinel sbajt'el q'uinal, te ay ta bay yolil te yawal-sts'unub te Diose —xi'.

Romanos 14:12

Jich yu'un, juju-jtulotic ya me xc'o cac'tic ta stojol Dios te bila la jpastic ta q'uinale.

San Juan 21:17

Ta yoxebal buelta la yalbey xan: —Simón te snich'anat Jonase, ¿c'uxon bal ta awo'tan? —xi'. Te Pedro la smel yo'tan yu'un te yoxebalix buelta te albot te “C'uxon bal ta awo'tan?”, te xie. Jich la yal: —Cajwal, ay ta awo'tan spisil. Ana'oj stojol te c'uxat ta co'tane —xi'. Jesús la yalbey xan: —Mac'linbon jiche te chijetic cu'une.

Deuteronomio 19:20

Te c'alal ya yaiyic te ants-winiquetic, ya me x'och xiwel ta yo'tanic yu'un. Jich me ma'yuc mach'a ya snopix ta yo'tan ya spas xan te bila amen ta pasele.

Deuteronomio 17:13

Te c'alal ya yaiy te lume, ya me xtal xiwel ta yo'tanic yu'un, jich me ya yijq'uitay a te toybaile.

Deuteronomio 13:11

Teme jich ya yich' pasele, spisil me ya yilic te israeletique, ya me xtal xiwel ta yo'tanic, jich me ma ba ya spasiquix yan buelta te bila amen la spasique.

Apocalipsis 6:8

Jich la quil cojt' c'anal caballo. Te mach'a cajal ta spate, Lajel xi' te sbiile, soc ts'acal ta spat te Stsobjibal-animaetique. Ac'bot ta swenta jxejt' ta xchanxejt'el te balumilal te ya smil ta puñal, ta wi'nal, ta chamel soc ta ti'el ta jti'awal chambalametic ta balumilal.

Deuteronomio 21:21

Ja' yu'un, ta spisil te winiquetic yu'un te lume, ya me smilic ta ch'ojel ta ton. Jich me ya xlaj a te bila amen ta pasel ta yolil te alumalique. Melel te c'alal ya yaiyic te israeletic te jich c'ot ta pasele, ya me xiw yo'tanic yu'un.

Gálatas 6:5

Melel juju-jtul ay ta swenta xcuchel te bi yilel te yat'el ya spase.

Sofonías 1:11

Ajc'anajanic me te ja'exe, yajwal Barrio yu'un Mortero, melel spisil te jchonbajeletic ya me xlajic; spisilic te mach'atic ya yaiyic manbajel ta taq'uin ya me yich'ic lajinel.

Salmos 139:1

Cajwal, awilojbon co'tan ta lec, soc ana'ojbon jba;

San Lucas 16:15

Te Jesús la yal: —Te ja'ex ja' nax ya aleic te bila ya scuyex ta lec yu'un te ants-winiquetique. Yan te Diose ya sna'beyex te bila ay ta awo'tanique. Te bila lec nax ya yaiyic ta yo'tan te ants-winiquetique, ya yilay stuquel te Diose.

Apocalipsis 20:13

Te mare la yac' loc'uc tel te animaetic te tey lajemic a. Te lajele soc te stsobjibal animaetique la yaq'uic loq'uel tel uuc te mach'atic ay yu'unic tey a. Spisilic la yich' alel te yat'elique, chican te bi yilel te bila spasojic ta juju-jtule.

Apocalipsis 22:12

“Melel nopol ya xtalon. Ya me quich'bey tel smajt'an juju-jtul chican bi yilel te bila spasoje.

1 Crónicas 17:18

¿Bi xan yan ya calbat yu'un te ich'el ta muc' te la awac'bon te awabatone? Melel ya ana'bon jba jo'on te abaton awu'une.

Job 24:23

Dios ya yac' cuxinuc, pero yacalic ta ilel yu'un te bit'il ya xbeenique.

San Juan 4:16

Te Jesús jich la yalbey: —Baan, ic'a tel te amamlale. La' soc li'to —la yut.