Apocalipsis 2:20 - Bible in Tzeltal de Oxchuc y Tenejapa

²⁰ Ja'uc me to, ay amul jtebuc ta jtojol, ja' te bit'il ma'yuc bi ya awalbey te ants te Jezabel sbiile, te j'alwanej yu'un Dios ta sc'ope, soc te ya yac'bey snopic te abatetic cu'un te ya spasic te mulweje soc te ya sti'ic te milbil smajt'an lotil diosetique.

Nuevo Testamento Tzeltal de Amatenango

²⁰ Pero ay tutiꞌ amulinej ta jtojol te maꞌyuk tut ya awalbey te ants Jezabele, te ya yal te jꞌalwanej yuꞌun Dios ta skꞌope, pero ya sloꞌlay te jꞌaꞌteletik kuꞌun yuꞌun te tut ya yakꞌ ta nopele. Sok te ya yakꞌtalanbe spas antsiwejel, y ta sweꞌel weꞌeliletik te milbil smajtanin te lotil diosetike.

Bible in Tzeltal Bachajón

²⁰ Pero ay bin ma lecuc co'tan awu'un: ha te mayuc bin yac awal yu'un te ants Jezabel, te scuyoj sba ta jalwanej-ants, te ya ya'be snopic soc ya smon te a'batetic cu'un te ya ya'iyic antsiwej soc te ya yac' sbahic ta antsinel, soc te ya swe'ic te we'elil a'bibil ta stojol loc'ombahetic.

Apocalipsis 2:20 Referans Kwoze

Apocalipsis 2:14

Ja'uc me to, ay nax amul jtebuc ta jtojol. Ja' te bit'il awic'oj ta atojolic te mach'atic xch'uunejic te nopjibal yu'un te Balaame, te la yac'bey snop Balac te bit'il la yac' yaluc te israeletic ta sti'el te milbil smajt'an loc'ombaetic te tey ochic ta spasel a te mulweje.

1 Reyes 16:31

Melel ma'yuc sc'oplal ta yo'tan te la spas te muliletic la spas te Jeroboam snich'an Nabat. C'axem to xan jich a te bi la spas te Acabe c'alal nujbin soc Jezabel yantsil-nich'an Et-baal, muc' ajwalil ta Sidón. Jich jajch' xch'uun soc jajch' yalbey wocol te Baal.

Hechos 15:29

Ja' in to: Ma me x'ati'ic ti'bal te yich'oj milel smajt'anin te loc'ombaetique, soc ma me x'ati'beyic sti'balul te bay ts'otbil nax snuc' yich'oj milele, soc ma me xatuuntesic te ch'ich'e, soc ma me xyalex ta mulil. Teme ya ach'uunic in mandal to, lec me ayex abi. Ja' nax abi, quermanotac”, xi' te scartaique.

2 Reyes 9:7

Ja'at me ya alajinbey te sts'umbal Acab, te awajwale. Jich me ya asutbey spacol a te xch'ich'el te j'alwanejetic cu'un soc ta spisil te abatetic cu'un te la smalbey Jezabel.

Hechos 15:20

Ja' nax ac'a jts'ibubeytic sjunic te ya calbeytic te ma me swe'elinic te we'elil te ma lecuc sc'oplal te ac'bil ta jmajt'anil ta stojol te loc'ombaetique, soc te ma me xyalic ta mulil, soc te ma sti'beyic sti'balul ta bay ts'otbil nax snuc' te yich'oj milele, soc te ma stuuntesic te ch'ich'e.

Apocalipsis 2:4

Ja'uc me to, ay nax junuc te bila amulinej ta jtojole: Ja' te bit'il ma jichuquix xc'uxul awo'tan te bit'il ayat ta neelale.

Éxodo 34:15

“Ma me xapasic trato soc te mach'atic nainemic ta bay te q'uinal, melel te c'alal ya spejc'an sbaic ta xch'uunel te diosetic yu'unic, soc te c'alal ya yac'beyic milbil smajt'anic, repente ya yiq'uex ta spasel, jich ya ati'beyic smajt'an te ya yac'beyique.

1 Corintios 10:28

Yan teme ay mach'a la yalbeyexe: “Ja' in ti'bal to, ja' milbil smajt'an te loc'ombaetic”, teme xie, ta scaj te la yalbat ta jamal, ma me xati', swenta yu'un ma me xjin yo'tan yu'un. [Melel spisil te bitic ay ta balumilale, ja' yu'un te Cajwaltique.]

1 Reyes 17:4

Tey me ya awuch' ja' ta beja', soc la jpasix ta mandal te jojetic, te ya yich'bat bael awe'ele —xi' te Cajwaltique.

1 Reyes 17:13

Albot yu'un te Elías: —Ma xiwat. Baan chajbana te bi la awalixe. Pero sbabial ya apasbon jpejch'uc ch'in waj a te harina ay awu'une, ya me awich'bon tel, patil ya me apas xan yan, yu'un ya awe', soc yu'un ya swe' te awale.

2 Reyes 9:22

C'alal te Joram la yil te Jehú, jich la sjojc'obey: —¿Swenta bal lamal q'uinal te talate, Jehú? —la yut. La sjac' te Jehú, jich la yal: —¿Bit'il ay lamal q'uinal te yac'oj puersa te ame' Jezabel ta swenta xch'uunel lotil diosetic soc te ay bila ya sna' spasel ta swenta te pucuje? —xi'.

Ezequiel 13:17

Te Cajwaltic la yalbon: —Yo'tic, winic, albeya sc'oplal te antsetic ta alumal, ja' te antsetic te ya xc'opojic ta jwenta ta sc'opic, te ma meleluque. Ja'ic nix ya xc'opojic ta stuquel-o'tanic.