Apocalipsis 2:17 - Bible in Tzeltal de Oxchuc y Tenejapa

¹⁷ Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a ya xju' yu'un tsalawe, ya cac'bey swe' te maná-waj te nac'bile. Soc ya cac'bey jp'ij saquil ton te ts'ibubil tey a te yach'il sbiil te ma'yuc mach'a ya sna' jtuluque. Ja' nax ya sna' stuquel te mach'a ya yich'e —xi'.

Nuevo Testamento Tzeltal de Amatenango

¹⁷ “Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe ya me kakꞌtalanbe sweꞌ te mana waj te nakꞌal aye. Y ya me kakꞌtalanbe euk te jun sakil ton te teꞌ tsꞌibabil jun achꞌ biilil te maꞌyuk machꞌa ya snaꞌe, jaꞌ nax te machꞌa ya yichꞌe”, uta me —xchi.

Bible in Tzeltal Bachajón

¹⁷ Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be swe' te maná nac'bil, soc ya ca'be tut saquil ton te ts'ihbabil tey a te yach'il sbihil te mayuc mach'a ya sna', ha nax ya sna' stuquel te mach'a ya yich'e, xchi.

Apocalipsis 2:17 Referans Kwoze

Isaías 62:2

Ya me yilic te nacionetic te bit'il colemate; spisilic te muc' ajwaliletic ya me yilic te awutsilale. Jich yu'un ay me yach'il abiil, ja' nix ya yac'bat stuquel te Cajwaltique.

Isaías 65:15

Te mach'atic tsabilic cu'un, ya me stuuntesbeyex abiilic ta swenta sc'anel castigo soc ta sc'anel lajel ta stojol yantic a; ja'uc me to, te abatetic cu'un ya me jelbey sbiilic.

Apocalipsis 2:11

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a jayeb ya xju' yu'un tsalawe, ma ba ya xc'ax swocol yu'un te xchebal buelta lajele —xi'.

Apocalipsis 2:7

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te jayeb mach'a ya xju' yu'un tsalawe, ya me cac'bey slo' te sit te' swenta cuxinel sbajt'el q'uinal, te ay ta bay yolil te yawal-sts'unub te Diose —xi'.

Apocalipsis 14:3

Yacalic ta sc'ajintayel ach' c'ayoj ta stojol te muc'ul nactijibale soc ta stojol te chancojt' bitic cuxajtique soc ta stojol te mamaletique. Jtul ma'yuc mach'a ya xju' yu'un snopel te c'ayoje, ja' nax te waxaclajunwinic ta jbajc' (144,000) ta jtul te coltaybilic loq'uel ta yolil te ants-winiquetique.

Apocalipsis 3:22

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique —xi'.

Apocalipsis 3:6

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique —xi'.

Colosenses 3:3

Melel lajemex, soc muquen ay acuxlejalic yu'un Dios, ta swenta te Cristoe.

1 Corintios 2:14

Te ants-winic te ma ba yic'ojic te Espiritue, ma xc'ot ta yo'tanic te p'ijubtesel ta swenta te Espíritu yu'un te Diose, te melel jowil c'op nax c'oem ta yo'tanique. Soc ma xju' yu'unic sna'el stojol, yu'un ma ba ya yich'ic coltayel yu'un te Espiritue.

San Mateo 13:11

Te Jesús la yalbey yaiyic: —Te ja'exe Dios ya yac'beyex ana'ic stojol te bit'il ay ta ajwalinel te Dios te ay ta ch'ulchan te ma'yuc ta na'el ta neelal toe. Yan te yantique, ma x'ac'bot sna'ic stojol stuquelic.

Isaías 65:13

Jich yu'un te Cajwaltic ya yal: —Te abatetic cu'un ay me swe'elic, yan te ja'ex ya xwoclajex ta wi'nal; te abatetic cu'un ay me ja' ya yuch'ic, yan te ja'ex ya xwoclajex ta taquinti'il; te abatetic cu'un bin nax me yo'tanic, yan te ja'ex ya xjilex ta q'uexlal;

Proverbios 3:32

Melel ilaybilic yu'un Cajwaltic stuquelic te mach'atic amen yo'tanique; pero te mach'atic lec yo'tane, ya yac'bey smuc'ul yo'tan stuquelic.

Salmos 36:8

Jc'axel mero nojel xch'ujt'ic ya xjilic yu'un te c'ax bayal te we'elil ta anae; te ja'at ya awac'bey yuch'ic ja' ta muc'ja' te jelawen yutsile,

Salmos 25:14

Te Cajwaltic ja' me sjoy te mach'a ya yich' ta muq'ue, soc ya me yac'bey sna' stojol te trato yu'une.

San Juan 4:32

La yal te Jesuse: —Ay jwe'el jtuquel te ma x'ana'ic stojole —xi'.

Isaías 56:4

Melel te Cajwaltic, jich ya yal: —Te eunucoetic, teme ya yich'bonic ta muc' te bi c'aalil yu'un te cux-o'tanile, teme ya xch'uunic spasel te sc'anjel co'tane, soc teme jun yo'tan ay ta sna'el te trato cu'une,

Proverbios 14:10

Te o'tanil ya sna' te swocole, soc teme ay yutsil q'uinal ya yaiy, ma ba ya yalbey yantic te ma sna'bey sbae.

Éxodo 16:33

Te Moisés, jich la yalbey te Aarone: —Tsaca junuc oxom. Ac'a cha'p'isuc tey a te maná. Ac'a ta stojol te Cajwaltique, q'ueja me ta swenta te patil alnich'anetic awu'unique —xi'.

Isaías 56:5

ya me cac'bey te bila lec ta c'axem to xan yu'un a te nich'aniletique; ya me cac' te ma xch'ay sc'oplal sbajt'el q'uinal. Ya me yich' ts'ibuyel jilel sbiil ta sts'ajc'ul ta yutil templo; ya me cac' te stalel ya xjil sbajt'el q'uinal te sbiile, te jc'axel ma xyich' tup'ele.

Apocalipsis 19:16

Soc ay sbiil ts'ibubil ta bay te sc'u'e soc ta bay te ya'e: “Muc' Ajwalil yu'un te muc' ajwaliletique, Ajwalil yu'un te ajwaliletique”, xi' te sbiile.

San Marcos 7:16

[Te mach'a ay xchiquine, ac'a me yaiy stojol ta lec] —xi' te Jesuse.