Apocalipsis 2:14 - Bible in Tzeltal de Oxchuc y Tenejapa

¹⁴ Ja'uc me to, ay nax amul jtebuc ta jtojol. Ja' te bit'il awic'oj ta atojolic te mach'atic xch'uunejic te nopjibal yu'un te Balaame, te la yac'bey snop Balac te bit'il la yac' yaluc te israeletic ta sti'el te milbil smajt'an loc'ombaetic te tey ochic ta spasel a te mulweje.

Nuevo Testamento Tzeltal de Amatenango

¹⁴ “Pero ay tut amulinej kuꞌun. Te teꞌey awuꞌun jtul cheb te ma skꞌan sjilesik te tutiꞌ yakꞌ ta nopel te jBalaame, te la yaꞌbe snop te jBalac te tutꞌil a yakꞌ mulawuk te jꞌisraeletike, te la yaꞌbe sweꞌ te weꞌeliletik te milbil smajtanin lotil diosetike y sok te lijkik ta antsiwejele.

Bible in Tzeltal Bachajón

¹⁴ Pero ay bintic ma lecuc co'tan awu'un: ay mach'atic sch'uhunejic te bin la yac' ta nopel Balaam, te la ya'be snop te Balac bin ut'il ya yac' c'ohchinojibal ta stojol te israeletic, ha te ya swe'ic te bin a'bibil ta milbil mahtanil ta stojol lotil diosetic soc te ya ya'iyic antsiwej.

Apocalipsis 2:14 Referans Kwoze

2 Pedro 2:15

Jc'axel jowejemiquix ta beel, melel yijq'uitayejiquix te lequil bee. Ja' ejemplo yu'unic te j'alwanej Balaam te snich'an Beor te bic'taj yo'tan yu'un spasel ganar a te bila amen ta pasele.

Números 31:16

Melel ja'ic la xch'uunbeyic sc'op te Balaam. Jich la yac'bey scontroin Cajwaltic te israeletic, te ba yich'ic ta muc' te Baal-peor. Ja' swentail te Cajwaltic la yac'bey castigo ta swenta tulan chamel te lum yu'une.

Apocalipsis 2:20

Ja'uc me to, ay amul jtebuc ta jtojol, ja' te bit'il ma'yuc bi ya awalbey te ants te Jezabel sbiile, te j'alwanej yu'un Dios ta sc'ope, soc te ya yac'bey snopic te abatetic cu'un te ya spasic te mulweje soc te ya sti'ic te milbil smajt'an lotil diosetique.

Judas 1:11

¡Ac'a me yil sbaic stuquelic! Melel snopojbeyic yo'tan te Caine. Sganar nax sna'ojic, jich jowejemiquix jich bit'il te Balaame. Soc jich ya xlajic bit'il te Coré te ac'ot ta lajel yu'un te bit'il la scontroin te Moisese.

Hechos 15:29

Ja' in to: Ma me x'ati'ic ti'bal te yich'oj milel smajt'anin te loc'ombaetique, soc ma me x'ati'beyic sti'balul te bay ts'otbil nax snuc' yich'oj milele, soc ma me xatuuntesic te ch'ich'e, soc ma me xyalex ta mulil. Teme ya ach'uunic in mandal to, lec me ayex abi. Ja' nax abi, quermanotac”, xi' te scartaique.

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

Josué 24:9

Patil te Balac, te snich'an Zipor te ajwalil yu'un te moabetic, tal yac'beyex guerra. Te Balac la sticun ta leel te Balaam te snich'an Beor, swenta yu'un ya yac'bey sc'anbeyex tel castigo ta atojolic.

1 Pedro 2:8

Soc ja' sc'oplalic xan te bit'il ts'ibubil jilele: “Ja' te ton swenta c'ojch'injibal soc te ton ya syaleswane”, te xie. Melel ya syalesotic ta scaj te ma xyich'beyic ta muc' te sc'ope. Yu'un nanix namey jich albil sc'oplalic yu'un Dios a.

Hechos 21:25

Yan te mach'atic jyanlumetic te xch'uunejiquix te Cajwaltique, la calbeytiquix ta carta te bila jnopojtiquix te ma yejt'aluc ya xch'uunic te mandalile. Ja' nax ma me sti'ic ti'bal te yich'oj milel smajt'anin te loc'ombaetique, soc ma me stuuntesic te ch'ich'e, soc ma me sti'ic ti'bal ta bay ts'otbil nax snuc' te yich'oj milele, soc te ma me xyalic ta mulil —xiic.

Números 31:8

La smilic te Evi, Requem, Zur, Hur soc te Reba, ja' te jo'tul muc' ajwaliletic yu'un te madianetique, soc nix te Balaam te snich'an Beor.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

1 Corintios 7:2

Ja'uc me to, scaj te ay yalel ta mulile, jich yu'un juju-jtul ayuc me yinam te winique soc ayuc me smamlal te antse.

San Mateo 18:7

¡Ya me yil swocolic te mach'atic ayic ta balumilal ta scaj te ay yalesel ta mulile! Puersa ay mach'atic ya syaleswan ta mulil, ja'uc me to, ya me yil swocol te mach'a jich ya spase.

Ezequiel 3:20

Soc teme repente ay winic te toj yo'tane, pero teme ay la yijq'uitay te toj-o'tanile, teme ja' jajch' spas te bila amen ta pasele, teme la cac' ta swenta lajel yu'une, teme ma ba la awalbeye, ya me xlaj yu'un te smule. Ma me ba ya quich'bey ta wenta te bila lec la spase, puersa me ya xlaj yu'un te smule, pero ja'at me ya quich'at ta c'op yu'un te ya xlaje.

Números 24:14

Lec ay, ya sujt'onix bael ta jlumal; ja'uc me to, ya to calbat xan jilel te bila ya spas bael ta yan c'aal te lum Israel ta stojol te alumale —xi'.

Romanos 14:21

Ja' lec ma x'ati' ti'bal soc ma xawuch' vino soc ma xapas te bila ya xchebaj yo'tan awermano yu'une, te ya xyalesot yu'une, soc te ya xpejc'aj yip yo'tan yu'une.

Romanos 14:13

Jich yu'un, ma me jech jlebey jba jmultic. Ja' lec ac'a jletic te bila ma xpejc'aj yo'tan yu'un te quermanotique soc te ma xyalesot ta mulil yu'une.

Ezequiel 44:12

Ja'ic la yac' sbaic ta abatinel ta stojol te israeletique, ja' te c'alal tojteswanic ta xch'uunel te loc'ombaetic la scuyic ta Dios, jich la yac'bey sta smulic ta jtojol. Ja' yu'un, ya me stoj te smulique. Jo'on Ajwalilon te jich caloje.

Jeremías 6:21

Jich yu'un te Cajwaltic jich ya yal: —Te lume ya cac'bey sc'ojch'in yacan, soc ya cac' xyalic. Tatiletic soc nich'aniletic, spat-xujq'uic soc te mach'a jun yo'tanic sbaic soque, pajal me ya xlajic —xi' te Cajwaltique.

Apocalipsis 2:4

Ja'uc me to, ay nax junuc te bila amulinej ta jtojole: Ja' te bit'il ma jichuquix xc'uxul awo'tan te bit'il ayat ta neelale.

1 Corintios 1:23

Yan te jo'otique, ja' ya jcholtic ta bayuc te bit'il ac'ot ta milel ta cruz te Cristoe. Te judioetique, ja' nax ya xc'ojch'in sbaic yu'un a. In te jyanlumetique, jowil c'op nax ya xc'ot ta yo'tanic stuquel.

Romanos 11:9

Soc jich la yal uuc te Davide: “Ac'a c'atp'ujuc ta spejts'ulic soc syacjibalic te sq'uinique, ac'a sta swocolic a, soc ac'a staic castigo tey a.

Romanos 9:32

¿Bi yu'un? Melel ma ja'uc yantayejic te xch'uunjel yo'tanique, melel scuyojic te lec ya xc'otic ta swenta spasel te bila ya yal te mandalile. Ja' swentail te la sc'ojch'in sbaic a te ton swenta c'ojch'injibale.

Isaías 57:14

Jich yu'un ya me yal te Cajwaltique: —Ya me apamanic jun lequil be. Loq'uesa te bitic smacoje, swenta yu'un ya xc'ax a te lum cu'une —xi' me.