Apocalipsis 19:7 - Bible in Tzeltal de Oxchuc y Tenejapa

⁷ Ac'a me bujts'najuc co'tantic yu'un soc yacuc me ta tse'ej te co'tantique, soc ac'a calbeytic yutsilal te Diose, melel c'otix yorail te nujbinel yu'un te Alalchije. Xchajbanejix sba te yiname.

Nuevo Testamento Tzeltal de Amatenango

⁷ Junuk koꞌtantik sok ayuk me sbujts koꞌtantik te ya kalbetik te slekilale. Porke la staix yorail te nujpunel yuꞌun te Chꞌin Karnerae. Te machꞌa ya xnujpun soke chapalix.

Bible in Tzeltal Bachajón

⁷ Bayeluc me yutsil co'tantic, tse'eluc me co'tanic soc ac'a calbetic yutsil sc'oblal, como c'ohtix yorahil te ya xnuhpun te Jcolel Tuminchij, soc la schahpanix sba te mach'a ya xnuhpun soque.

Apocalipsis 19:7 Referans Kwoze

Apocalipsis 21:9

Tal jtul ta sjuctulul te ch'ul abatetic te yich'oj te juqueb copaetic te nojel tey a te juccum slajibal castigoetique. Jich la yalbon: —La' me, ya cac'bat awil te ach'ix te ya xnujbin soc te Alalchije —la yuton.

Apocalipsis 21:2

Jo'on Juanon la quil te ch'ul muc'ul lum te ja' te yach'il Jerusalén. La quil yac ta coel tel ta ch'ulchan te loc' tel ta stojol te Diose. Buen chapal jich te bit'il ya xch'al sba soc sc'u'-spac' te ach'ix ya xnujbine.

2 Corintios 11:2

Bayal sc'oplal ta co'tan te manchuc ya xyanaj awo'tanic, jich te bit'il ay yo'tan ta atojolic uuc te Diose. Melel la cac' smacatix c'oem te jtul amamlale. Jich bayal sc'oplal ta co'tan te ma'yuc amul te ya cac'at ta sc'ab te Cristoe.

San Mateo 22:2

—Te bit'il ya xc'ot ta ajwalinel te Dios te ay ta ch'ulchane, jich c'oem te bit'il ay jtul muc' ajwalil la spas q'uin yu'un te ya xnujbin te snich'ane.

Apocalipsis 19:9

Soc la yalbon te ch'ul abate: —Ts'ibuya ta jun in to: Bin nax me yutsilic te mach'atic ic'bilic ta we'el yu'un te q'uin swenta nujbinel yu'un te Alalchije —la yuton. Soc jich la yalbon xan: —Ja' in to, ja' smelelil sc'op te Diose —xi'.

Efesios 5:32

Ja' in to, mero bayal sc'oplal te ma ba na'ot stojol ta neelale. Ja' sc'oplal Cristo soc te jch'uunjeletique.

San Juan 3:29

Jich bit'il te nujbinele. Te mach'a ya xnujbin soc te ach'ixe, ja'ix te smamlale. Yan te mach'a sjoy nax sba soque, ja' nax ya xbujts'naj yo'tan yu'un te ya yaiybey te sc'ope. Jich c'oemon ta stojol te Jesuse. Bayal ya xbujts'naj co'tan ta swenta.

Isaías 62:5

Melel jich bit'il jtul querem te ya xnujbin soc te ach'ixe, ja' ni me jich te Diose, ya me yic' yinaminat c'oem. Ya me xcha'yutstesat ta pasel; jich me bin nax awo'tan soc, jich bit'il bin nax yo'tan soc yinam te winique.

Efesios 5:23

Melel ja' sjolinejic te smamlalique; jich bit'il te Cristoe, ja' jolol yu'un te jch'uunjeletique, te ja' sbaq'uetal, soc ja' Jcoltaywanej yu'unic.

Isaías 66:10

Binuc nax me awo'tanic soc Jerusalén, nojuc me yutsil awo'tanic yu'un, ta apisilic ja'ex te c'ux ya awaiyique; jun nax me ya awac' abaic yu'un te yutsil awo'tanic ta apisilic, ja'ex te ay oq'uemex yu'une.

San Lucas 12:36

Jichuquex me te bit'il abatetic te chapalic ta smaliyel te ya sujt' tel te yajwalic te baem ta yilel nujbinel te ora ya sjambeyic te c'alal ya xjul stij te ti'naile.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Isaías 52:1

Wic'a asit, ja'at Sión, wic'a asit, chajbana aba soc awip; ja'at ch'ul lum, Jerusalén, lapa ac'u' te mero c'ax jelawen yutsile. Melel te ants-winiquetic te ma pocbiluc yo'tanic, te ma'yuquic ta stojol te Diose, ma ba ya xcha'ochic xan bael ta awolil.

Cantares 3:11

Antsetic ta Sión, loc'anic tel ta yilel te muc' ajwalil Salomón. Yich'oj ta sjol scorona, ja' te pasbot yu'un sme' te ya xtuun yu'un te c'alal ya xnujbine, te ja' jun c'aal bayal yutsil ya yaiy te jayeb c'aal ya xcuxine.

Filipenses 3:3

Yan te jo'otique quich'ojtic te mero circuncisione. Melel ta swenta nax te Espíritu te yacotic ta abatinel yu'un te Diose. Jich bayal sbujts' co'tantic ta swenta te Cristo Jesuse; ma ba ja' ya smuc'ulin co'tantic te bila ya yich' pasel ta jbaq'uetaltique.

Salmos 9:14

Ja' yu'un ta bay yochibal sts'ajc'ul Jerusalén, tey me ya calbey spisil lum te atuquel ayat ta alel wocole, te melel bin nax co'tan yu'un te la acoltayonixe.

1 Samuel 2:1

Te Ana la sc'opon Dios, jich la yalbey: —Cajwal, mero bin nax co'tan ta atojol, melel ja'at ya awac'bon xan yip co'tan. Ya xju'ix ya xc'opojon ta stojol te controetic cu'une, melel ja'at la acoltayonix. Mero bin nax co'tan yu'un.

Proverbios 29:2

Te c'alal ya yich' yat'el te mach'atic toj yo'tanic, bin nax yo'tanic te lum yu'une; yan te c'alal ya spas mandal te mach'atic amen yo'tanic, ya xwoclaj te lume.

Salmos 107:42

Te winiquetic lec yo'tanic, bin nax me yo'tanic yu'un te c'alal ya yilique; yan te mach'atic amen yo'tanic, ya me smac yeic yu'un stuquel.

Salmos 48:11

Ac'a bujts'najuc yo'tan te wits Sión. Ac'a wiluc yu'un yutsil q'uinal yaiyic te lumetic yu'un Judá ta swenta te bit'il toj ya xchajbanwanate.

Deuteronomio 32:43

¡Nacionetic, bin nax me awo'tanic soc te lum yu'un te Diose! Ja' me ya sujt'esbey spacol te bit'il lajic te abatetic yu'une, ya sujt'esbey spacol ta stojol te scontrotaque. Ya me spasbey perdón te lum yu'un ta spamal te sq'uinale”, xi' sc'ayoj te Moisese.

Isaías 66:14

Te c'alal ya awilic, bin nax me awo'tanic yu'un; te abaq'uetal jich ya x'ach'ub te bit'il spul ac. Te Cajwaltic ya yac'bey sna'beyic sba yu'el te abatetic yu'une; soc ya yac' ta na'el yilimba ta stojol te scontrotaque.

San Mateo 1:20

Te c'alal jich snopojix a te jich c'an spase, ta swaich chicnaj la yil jtul ch'ul abat yu'un te Cajwaltique. Jich albot yu'un: —José, te sts'umbalat Davide, ma x'axi' te ya awic' awinamin te Mariae, melel te bit'il ay yale, ja' ta swenta te Ch'ul Espiritue.

Apocalipsis 11:13

Ora nax a tal tulan nijq'uel. Jin xejt' ta slajunxejt'el te muc'ul lume, soc jucmil (7,000) ta jtul ants-winiquetic laj yu'un te tulan nijq'uele. Jich te ants-winiquetic te cuxulic jilele, och xiwel ta yo'tanic yu'un. Caj yalbeyic yutsilal te Dios te ay ta ch'ulchane.