Apocalipsis 19:6 - Bible in Tzeltal de Oxchuc y Tenejapa

⁶ Soc la caiy stojol yan c'op te pajal yaiyel soc sc'op tsobol ants-winiquetic soc sc'op bayal snojel ja'etic soc sc'op tulan chawuc. Jich la yal: “¡Ay yutsilal! Melel jajch'ix ta mandal te Cajwaltique, te ja' Dios cu'untic te Spisil ya xju' yu'une.

Nuevo Testamento Tzeltal de Amatenango

⁶ Jich a kaꞌiy xan te jachik yaꞌiyel tutꞌil skꞌop bayal gente, jachik tutꞌil skꞌop nojel-jaꞌ y sok te lom tulan xpumete. Ya yalik: —Ay ta albeyel ta ichꞌel ta mukꞌ te Kajwaltike, porke lijkix ta pasaw ta mantal te Kajwaltike, te Dios kuꞌuntik te spisil ya xjuꞌ yuꞌune.

Bible in Tzeltal Bachajón

⁶ Soc la jca'iy hich te bin ut'il sc'op tsobol ants-winiquetic, hich te bin ut'il sc'op bayel ha'etic soc hich te bin ut'il tulan st'ohmel chahwuquetic, te hich yac yalbelic ta aw: ¡Aleluya! ¡Como hahchix ta cuentahinwanej te Cajwaltic Dios te spisil ya xhu' yu'une!

Apocalipsis 19:6 Referans Kwoze

Salmos 97:1

Ja' muc' ajwalil stuquel te Cajwaltique; binuc nax me awo'tanic, ja'ex te lumq'uinalexe, binuc nax me awo'tanic te ch'in q'uinalex te joytaybilex ta mar te ma p'isbiluc awajtalule.

Apocalipsis 14:2

Soc la caiy stojol ay bila c'opoj ta bay ch'ulchan te pajal sc'op soc te snojel ja'etique soc sc'op te tulan chawuque. Jich sc'op la caiy te bit'il ay tsobol mach'atic yac ta stijel te yarpaique.

Apocalipsis 19:1

Patil la caiy stojol te ay tsobol ants-winiquetic te tulan yacalic ta c'op ta bay te ch'ulchane, te jich la yalique: “¡Ay yutsilal! Stuquel nax ay colel ta swenta te Dios cu'untique. Ay bayal yu'el soc jelawen yutsilal.

Salmos 99:1

Te Cajwaltic ja' muc' ajwalil stuquel; ya xnijc' te lumetic yu'une; Nacal ta smuc'ul nactijib ta sba te querubinetique. Ya xnijc' te lumetic soc spamal balumilal.

Salmos 93:1

Te Cajwaltic ja' muc' ajwalil. Te Cajwaltic sc'u'inej yutsilal soc joytaybil ta yu'el. Ja' la yac'bey yiptajib te balumilal swenta yu'un ma stij sba.

Apocalipsis 6:1

La quil te Alalchij te c'alal la sjam jun ta sjuquebal te selloetique. Soc la caiy stojol te c'opoj jcojt' te bitic cuxajtique. Jich c'opoj la caiy te bit'il sc'op chawuque: “La' me, ila awil”, xi' la caiy.

Apocalipsis 1:15

Te yacane pajal soc bronce te xlememet nax te lecubtesbilix ta c'ajq'ue. C'ax tulan te sc'ope, jich bit'il ya xc'opoj bayal te snojel ja'etique.

Ezequiel 1:24

Soc la caiybey sc'op te xiq'uic te c'alal ya xjajch'ic baele: pajal soc sc'op muc'ja' te c'alal nojele. Pajal soc te bit'il ya xc'opoj te Dios te Spisil ya xju' yu'une, soc ja' pajal soc te sc'op sbeel te bayal soldadoetique. Te c'alal ya stejc'an sbaic te bila cuxajtique, ya scojt'es te xiq'uique.

Apocalipsis 21:22

Ma'yuc templo la quil tey a ta bay te muc'ul lume. Melel te Cajwaltic Dios te Spisil ya xju' yu'une soc te Alalchije, ja' templo yu'un te lume.

Apocalipsis 12:10

Soc la caiy stojol te ay mach'a tulan yac ta c'op ta ch'ulchan te jich la yale: “Talix yorail te colele. Te Cajwaltic Diose ay yu'el soc ja' ay ta ajwalinel stuquele, soc yac'ojbeyix yat'el te Cristo yu'une. Yu'un la yich'ix ch'ojel loq'uel ta fuera te mach'a la sleulaybey smul te quermanotactic, te c'aal ajc'ubal la sleulaybey smulic ta stojol te Dios cu'untique.

Apocalipsis 8:5

Te ch'ul abate la stsac xan te xchic'jibal pome. La snojes ta yac'alel c'ajc' te ay ta scajtijib majt'anile. La sbusq'uin coel ta balumilal te yac'alele. Tey chicnaj chawuc a soc ay bila yac ta bul sc'op soc tsantsewal soc tulan nijq'uel.

Apocalipsis 4:5

Ta bay te muc'ul nactijibale, loc' tel tsantsewal tey a, soc ay bila bayal yac ta bul sc'op tey a, soc ay chawuc. Soc ay juqueb c'ajq'uetic tuchajtic ta tilel ta stojol te muc'ul nactijibale, ja'ic te juqueb Espirituetic yu'un te Diose.

Ezequiel 43:2

La quil te yac ta talel ta stojol sloq'uib c'aal te xojobil yutsilal Dios yu'un Israel. Ay bila buen tulan chicnaj sc'op, pajal soc sc'op buen muc'ja' yaiyel, te lume noj ta saquil q'uinal.

Isaías 52:7

Bin nax yutsil te mach'a ya xjul ta witstiquil, te mach'a ya yich' tel te lequil c'ope, te mach'a ya yalbey sc'oplal te lamal q'uinale, te mach'a ya yalbey sc'oplal te ainel ta libre. Jich ya yalbey te Sión: —Te Dios awu'une muc' Ajwalil stuquel —xi' me ta aw.

Salmos 97:12

Binuc nax me awo'tanic ta swenta te Cajwaltic, ja'ex te lec awat'elic, albeyaic me lec sc'oplal te xch'ul-biile.

Salmos 77:18

Chicnaj sc'op chawuquetic awu'un ta sutu-ic'; te tsantsewaletic sacub balumilal yu'un; jich uuc te lumq'uinal yuq'uilayot yu'un nijq'uel.

Job 40:9

¿Yu'un bal mero tulanat, jich bal atulanil te bit'il jo'one? ¿Jich bal ac'op ya xc'opojat te bit'il sc'op te chawuque? ¿Pajal bal soc te bit'il ya xc'opojon te jo'one?

Jeremías 51:48

Te ch'ulchan balumilale, spisil te bitic aye, bin nax me yo'tanic yu'un te c'alal ya x'och ta c'abal Babilonia, te c'alal ya xtal ta norte te jinawanejetic yu'une. Jo'on Ajwalilon, jich ya cal.

Salmos 47:7

¡C'ajintayaic tsabil c'opetic yu'un te Diose, melel ja' Muc' Ajwalil ta spamal balumilal stuquel!

Salmos 47:2

Melel te Cajwaltique, ja' te Mach'a mero Toyole, ay ta xi'el stuquel; ja' mero Muc' Ajwalil ta spamal balumilal.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

Apocalipsis 1:8

“Jo'on Alfaon, jo'on Omegaon; ayon ta xjajch'ibal soc ta slajibal”, xi' te Cajwaltic te Spisil ya xju' yu'une. Ja' te mach'a stalel aye, soc te ay ta namey tele, soc te mach'a jtalelixe.

Apocalipsis 19:4

Te chaneb xcha'winic (24) ta jtul mamaletic soc te chancojt' bitic cuxajtique la slajin sbaic ta stojol Dios te nacal ta smuc'ul nactijibe. Jich la yalic: “Jichuc ac'a c'otuc ta pasel. ¡Ay yutsilal!”, xiic.