Apocalipsis 19:20 - Bible in Tzeltal de Oxchuc y Tenejapa

²⁰ Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

Nuevo Testamento Tzeltal de Amatenango

²⁰ Te chanbalam te xiꞌbentik sbae la yichꞌ tsakel, jun nax sok te palso alwanejetik te la yakꞌik ta ilel seña milagroetik ta stojole. Ta skuenta te señailetik abi, te palso jꞌalwanejetik juꞌ yuꞌun sloꞌlayel te machꞌatik la skꞌan a yichꞌbeyik te smarka te chanbalam te xiꞌbentik sbae y te la yichꞌbeyik ta mukꞌ te slokꞌole. Jich te chanbalam te xiꞌbentik sbae y sok te palso alwanejetike kuxul a chꞌojtalanot ochel ta kꞌajkꞌ te yipal ta tilel sok asufree.

Bible in Tzeltal Bachajón

²⁰ La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

Apocalipsis 19:20 Referans Kwoze

Apocalipsis 20:10

Te pucuj te lo'layotic yu'une, la yich' ch'ojel ochel ta muc' pamal c'ajc' te yac ta tilel soc azufre, ta banti yich'ojix ch'ojel te muc'ul chambalam te xi'bantic sbae soc te lotil j'alwanej yu'une. Tey me ya xc'ax swocolic a ta c'aal ajc'ubal ta sbajt'el q'uinal.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Apocalipsis 14:10

ya me x'ac'bot yuch'ic te vino, ja' te yilimba Dios te xujt' ma'yuc scape, te nojel yu'un a te vasoe. Ya me x'ac'bot c'axuc bayal swocolic ta c'ajc' te yac ta tilel ta azufre ta sitic te ch'ul abatetic yu'un te Diose soc ta sit te Alalchije.

Isaías 30:33

Ayix bayal c'aal chajbanbil ta swenta Asiria soc ta swenta te muc' ajwalil yu'un, te yawil woclajel, te muc' sjamalul soc najt' coel. Ay tsumbil c'ajc' tey a, te yac ta tilel soc c'axem to xan bayal si'il. Ya me stiles c'ajc' a te ic' ya xloc' ta ye te Cajwaltique, jich me ya xtal te azufre te bit'il snojel ja'.

Apocalipsis 17:12

“Te lajunch'ix xulub te la awile ja' seña lajuntul muc' ajwaliletic te ma to ayuc yat'elique. Ja'uc me to, ya me yich' yat'elic ta muc' ajwalil junuc ora soc te muc'ul chambalam te xi'bantic sbae.

Deuteronomio 29:23

Ya me yilic ta spisil te lumq'uinale, ja' nax ya xchicnaj azufre, ats'am soc c'ajq'uem lum. Ma me ayuc bila ya xju' ta ts'unel tey a, soc ma'yuc bila ya yac' sit tey a, ni junuc wamal ya xch'i tey a, jich te bit'il ta Sodoma, Gomorra, Adma soc Zeboim, te la slajin te Cajwaltic ta swenta sc'ajc'al yo'tan soc yilimba.

Génesis 19:24

Te Cajwaltic la yac' tel azufre soc c'ajc' ta ch'ulchan jich bit'il ja'al ta stojol te lum Sodoma soc te lum Gomorra.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

Daniel 8:24

Mero bayal me yip ya xc'ot, pero ma nix mero yu'unuc te yipe; c'ax bayal ya xlajinwan, spisil me ya xju' yu'un te bi ya spase. Ya me slajin te winiquetic bayal yipique, soc ay me ya slajin te lum yu'un te Diose.

Isaías 34:9

Te beja'etic yu'un Edom ya xc'atp'ujic ta xuch'il cha'bec'; te stanil ya xc'atp'uj ta azufre; te slum-sq'uinale, jich ya xtil bit'il cha'bec'.

Salmos 11:6

Te Cajwaltic ya me yac'bey woclajel jichuc ja'al; ya me xtal c'ajc' soc azufre ta stojolic te mach'atic amen yo'tanique, soc ya xtal c'ajc'al ic' ta stojolic te jich ya xbacub spisil bitic ay. Jich ya sc'an ya x'ac'bot stojic yu'un te Cajwaltique.

Apocalipsis 19:19

Soc la quil te muc'ul chambalam te xi'bantic sbae soc te muc' ajwaliletic te ayic ta balumilale soc te soldadoetic yu'unique. Spisilic stsoboj sbaic ta yaiyel guerra soc te mach'a cajal ta saquil caballo soc ta spisilic uuc te soldadoetic yu'une.

Daniel 11:45

Ya me xba spas scampamento ta yolilic te mar soc te ch'ul wits yu'un te T'ujbil Lumq'uinal te xi' sbiile. Pero tey ni me ya staix yorail ya xlajix jilel a, ma me ayuc mach'a ya xcoltayotix yu'un.

Job 18:15

Ya yich' tsumel sc'aal te snae; te biluc yu'une ya yich' tsijts'anel ta asufre.

Daniel 8:26

“Te bila la awil la awaiye, te smalel c'aal soc sloq'uel tel c'aale, la awich' ac'beyel ana'bey sc'oplal, soc mero melel me. Pero muca me ta awo'tan. Ya me xc'ot ta pasel te c'alal c'axix bayal c'aal a —xi'.

San Mateo 7:15

“Tsajtaya me abaic yu'un te mach'atic lotil j'alwanejetique. Scuyoj sbaic ta chijetic yilel, ja'uc me to, pajalic soc jti'awal ja'mal ts'i'etic.

Apocalipsis 9:17

Jich yilel te caballoetic soc te soldadoetic te cajajtic a te ac'boton quile. Te soldadoetique ay smajq'uilic te tsaj yilel jich bit'il c'ajc', soc yax jich bit'il zafiro, soc c'an jich bit'il azufre. Yan te caballoetique jich sjolic te bit'il león-chojetique. Ta yeic yac ta loq'uel c'ajc' soc ch'ail soc azufre.

Josué 8:23

Ja' nax cuxul la yijq'uitayic te ajwalil yu'un lum Hai. La xchuquic, la yiq'uic bael ta stojol Josué.

Ezequiel 24:5

Tsaca ta ora jcojt'uc chij, ja' me ya atsac te mero leque. Ac'beya bayal si'il ta ye'tal, swenta yu'un jich me ya xbulan ta lec, asta ja' to teme tac'aj te sbaquele.