Apocalipsis 19:2 - Bible in Tzeltal de Oxchuc y Tenejapa

² Yu'un toj awo'tan ya awac' castigo ta swenta te bila smelelile, melel la awac'beyix castigo te mero jmulawil ants te la sboltes ta smulwej spamal te balumilale. Dios la yac'beyix stoj te la smilbey te abatetic yu'une”, xiic.

Nuevo Testamento Tzeltal de Amatenango

² Porke stukel toj ya xchapawan y sok batsꞌi jich. Yuꞌun la yaꞌbeyix kastigo te mera jmulawil ants te la yixlan ta kremiwejel te balmilale. Aꞌbotix stoj te la smilbey te machꞌatik jꞌaꞌteletik yuꞌun te Diose —xchiik.

Bible in Tzeltal Bachajón

² como smelelil soc stojil te chahpanel yu'une. La ya'beyix castigo te muc'ul j'antsinel-ants te la sbohlobtes te bahlumilal ta scuenta te yajmule. La ya'beyix stoj te la smalbe sch'ich'el te a'batetic yu'une, xchihic.

Apocalipsis 19:2 Referans Kwoze

Deuteronomio 32:43

¡Nacionetic, bin nax me awo'tanic soc te lum yu'un te Diose! Ja' me ya sujt'esbey spacol te bit'il lajic te abatetic yu'une, ya sujt'esbey spacol ta stojol te scontrotaque. Ya me spasbey perdón te lum yu'un ta spamal te sq'uinale”, xi' sc'ayoj te Moisese.

Apocalipsis 6:10

Tulan yacalic ta aw, jich la yalic: “Cajwal, Ch'ul Diosat ta melel, ¿jayeb to xan c'aal sc'an te ya sta yorail te ya awaiy chajbanwanej te ya awac'bey stojic te bit'il la smalbotic jch'ich'eltic te mach'atic nainemic ta balumilale?”, xiic ta aw.

Apocalipsis 18:20

Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.

Deuteronomio 32:35

yu'un ya xtuun te c'alal ya jsujt'esbey spacole, te ya cac'bey te bila lebil yu'unique; ja' te c'alal ya xc'ot yorail te ya x'ochic ta c'abale. ¡Nopolix yorail te ya yich'ic lajinel, nopolix yorail te ya xlajique!’, xi' te Cajwaltique.

Apocalipsis 18:3

Yu'un yuch'ojbeyic svino spisil ta jchajp te nacionetique, ja' bi, sboltesej sbaic soc ta swenta te smulweje. Te muc' ajwaliletic ta balumilale yaiyojiquix mulwej soc. Te jp'olmaletic ta balumilale staojiquix bayal sc'ulejalic ta swenta spisil te bila mulanbil yu'un sbaq'uetal te muc'ul lume”, xi' ta aw.

Apocalipsis 15:3

Soc yacalic ta sc'ajintayel sc'ayoj Moisés te abat yu'un te Diose soc sc'ayoj te Alalchij te jich yacalic ta yalele: “Cajwaltic Dios te spisil ya xju' awu'un, c'ax muc' spisil te awat'ele soc jelawen yutsil spisil te bila ya apase. Ja'at Muc' Ajwalilat yu'un spisil ta jchajp te nacionetique. Toj awo'tan atuquel soc smelelil stuquel te be awu'une.

Salmos 19:9

Ay yutsil te mach'a yich'oj ta muc' te Cajwaltique, ya me xjalaj sbajt'el q'uinal stuquel. Te bitic chapal yu'un Cajwaltic mero smelelil stuquel, ta spisilic toj ay te bitic chapal yu'une,

Isaías 25:1

Cajwal, ja'at Diosat cu'un; ya jtoyesbat ac'oplal soc ya calbey yutsilal te abiile. Melel la apasix te bitic chapal awu'un te jchajbic nax ae, stalel ayic, ma xyanaj te bitic chajbanbil awu'un ta namey q'uinal tele.

Deuteronomio 32:4

Ja' Jcanantaywanej cu'untic, mero lec yat'el stuquel, mero toj spisil te bitic ya spase. Ja' Dios te jun yo'tan ta jtojoltic, ma'yuc lo'laywanej ta yo'tan; ¡mero stojil ya x'at'ej, mero lec stuquel!

2 Reyes 9:7

Ja'at me ya alajinbey te sts'umbal Acab, te awajwale. Jich me ya asutbey spacol a te xch'ich'el te j'alwanejetic cu'un soc ta spisil te abatetic cu'un te la smalbey Jezabel.

Daniel 7:26

Pero ya me snajc'an sbaic ta chajbanwanej te jchajbanwanejetic, jc'axel me ya xloq'uesbot yat'el, soc ya me xlajinot ta jc'axel.