Apocalipsis 19:18 - Bible in Tzeltal de Oxchuc y Tenejapa

¹⁸ Ya me ati'beyic sbaq'uetal te muc' ajwaliletique, soc sbaq'uetal te capitán-soldadoetique, soc sbaq'uetal te tulan winiquetique, soc sbaq'uetal te caballoetique, soc sbaq'uetal te mach'atic cajajtic tey a, soc sbaq'uetal spisil ta jchajp ants-winiquetic chican teme libre ayique o teme ayic ta mosoile, teme muc' biq'uite”, xi' ta aw.

Nuevo Testamento Tzeltal de Amatenango

¹⁸ Yuꞌun ya aweꞌik te stiꞌbalul reyetike, sok te stiꞌbalul statal soltaroetike, y sok te stiꞌbalul te tulan genteetike. Sok te stiꞌbalul kawuetike y sok te stiꞌbalul te machꞌatik moem aye, sok stiꞌbalul spisil genteetik, me libre aylan o aylan ta mosoil, chꞌin ta mukꞌ —xchi.

Bible in Tzeltal Bachajón

¹⁸ yu'un yac ati'beyic sbaq'uetal ajwaliletic, capitanetic soc mach'atic ay yipic, sbaq'uetal cawuhetic soc mach'atic cajajtic tey a, soc sbaq'uetal spisil ants-winiquetic, mosohetic soc mach'atic ayic ta libre, muc' biq'uit, xchi ta aw.

Apocalipsis 19:18 Referans Kwoze

Apocalipsis 6:15

Te muc' ajwaliletic te ayic ta balumilale soc te mach'atic muc' sc'oplalique soc te jc'ulejetique soc te capitán-soldadoetique soc te mach'atic ay yipique soc te abatetique soc te mach'atic ayic ta libre, la snac' sbaic ta nailch'en soc ta toyol witstiquil.

Jeremías 34:20

Jich yu'un, ya me cac' x'och ta sc'abic te scontroic te ya yac' lajel. Te sbaq'uetalic te lajem ya me swe'elinic te jti'awal mutetic soc te yantic jti'awal chambalametique.

Jeremías 19:7

Tey ta bay lum to ya jinbey ta jc'axel te bila xchapoj te Judá soc te Jerusalén. Ya me cac' tsalotuc yu'un te scontrotac soc te ya xmilotic yu'une. Te sbaq'uetalic ya me xti'ot yu'un te xulemetic soc te jti'awal chambalametique.

Jeremías 16:4

Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.

Jeremías 7:33

Te sbaq'uetalic te ants-winiquetic te lajemique ya me xtuun yu'un sti'el te xulemetic soc te chambalametic te ya xti'awanique, soc ma'yuc mach'a ya xju' yu'un xiwtesel bael.

1 Samuel 17:46

Yo'tic ya me yac'at ta jc'ab te Cajwale. Yo'tic nix ya jmilat, ya jc'ocbat loq'uel ajol. Te sbaq'uetal soldado-filisteoetic ya me cac'bey sti' mutetic te ya xwilic ta toyol soc te chambalametic ta lumq'uinale. Jich me ya xna'ot ta swolol balumilal te ay Dios ta Israel.

1 Samuel 17:44

soc jich la yalbey: —La', ya cac'bey sti'bat abaq'uetal te mutetic ya xwilic ta toyol soc chambalametic ta lumq'uinal —xi'.

Deuteronomio 28:26

Te mutetic soc te jti'awal ja'mal chambalametic ya me sti'bat te abaq'uetal te lajeme, ma me ayuc mach'a ya xtijot yu'un.

Apocalipsis 13:16

Soc la yal te puersa me ya x'ac'bot yich'ic marca ta swa'el sc'abic o teme ta stibaic spisil ants-winiquetic manchuc teme muc' biq'uite, teme jc'uleje o teme ma'yuc bi ay yu'unique, teme ayic ta libre o teme ayic ta mosoile.

San Lucas 17:37

Te c'alal la yaiyic stojole, la sjojc'obeyic: —Cajwal, ¿banti ya xc'ot ta pasel? —xiic. La yal te Jesuse: —Ja' pajal soc te banti chawal sbaq'uetal te bila lajeme, melel tey ya stsob sbaic tel uuc te xulemetique —xi' te Jesuse.

San Mateo 24:28

Te banti chawal sbaq'uetal te bila lajeme, tey ya stsob sbaic tel a te xulemetique.

Ezequiel 29:5

Ya me jch'ojat c'axel ta jochol taquin q'uinal, ya me jch'ojat c'axel soc spisil te xchayul te muc'ja' awu'une. Ya me xt'uxajat ta yolq'uinal, ma'yuc mach'a ya smucat. Ya me cac' sti'at jti'awal chambalametic, ya me cac' sti'at mutetic te ya xwilic ta toyole.

Ezequiel 39:17

Te Cajwaltic jich la yalbon: —Albeya spisil mutetic soc jti'awal ja'mal chambalametic, ac'a stsob tel sbaic ta bayuc ta sjoyobal, ac'a talicuc ta witstiquil yu'un Israel, ac'a taluc sti'ic te mach'atic ya jmilbey smajt'aninic tey a. Ya me xju' ya sti'ic baq'uet, soc ya me xju' ya yuch'ic ch'ich' tey a.

Apocalipsis 11:18

Ilinix yo'tanic te nacionetique. Ja'uc me to, c'otix yorail te awilimbae, soc c'otix yorail te ya awilbey yat'elic te mach'atic lajemique, soc te ya awac'bey stojol sc'abic te abatetic awu'un te yacalic ta yaiyel j'alwaneje, soc te jayeb te mach'atic ch'ul lum yu'un te Diose, soc spisil mach'atic yich'oj ta muc' te abiile, chican teme muc' biq'uite, soc c'otix yorail te ya awac' ta lajel te mach'atic ya sboltesic te balumilale”, xiic ta yalel.

Apocalipsis 17:16

Te lajunch'ix xulub la awil te ay ta sjol te muc'ul chambalam te xi'bantic sbae, ya me slab-o'tantayic te jmulawil antse. Me'ba me ya yijq'uitayic soc t'anal ya xjil yu'unic. Ya sti'beyic sbaq'uetal soc ya xchiq'uic ta c'ajc'.

Apocalipsis 19:5

Soc la caiy stojol te ay mach'a c'opoj tey a ta bay te muc'ul nactijibale. Jich la yal: “Ja'ex ta apisilic te muc' biq'uitex te abatex yu'un te Diose te awich'ojic ta muq'ue, albeyaic jelawen yutsil sc'oplal te Dios cu'untique”, xi'.