Apocalipsis 19:15 - Bible in Tzeltal de Oxchuc y Tenejapa

¹⁵ Ta ye yac ta loq'uel puñal te ay ye te ya yejch'entes a te nacionetique, soc tulan me ya xmandalaj soc sbastón-taq'uin ta stojolic. Ya me stec' ta pits'el loq'uel te ya'lel ts'usube, te ja' seña te mero tulan yilimba te Dios te Spisil ya xju' yu'une.

Nuevo Testamento Tzeltal de Amatenango

¹⁵ Ya xlokꞌ ta stiꞌ jun puñal te beno yee, yuꞌun ya yejchentes a te nasionetike. Ya spasawan ta mantal sok sbaston takꞌin ta stojolik. Ya me yaꞌbe yichꞌik kastigo, jachik tutꞌil ya spitsꞌot ta tekꞌel te yaꞌlel uvae. Y ya me yakꞌtalanbe yuchꞌik te bino yuꞌun te tulan wokole, jaꞌ te kastigo ya xtal ta stojol Dios te spisil ya xjuꞌ yuꞌune, yuꞌun ma xkujchix yuꞌun te tut ma lekuk ya spasike.

Bible in Tzeltal Bachajón

¹⁵ Ta ye yac ta loq'uel espada te ay ye te ya yehchentes a te nacionetic, soc tulan me ya scuentahinlan soc sbaston-taq'uin. Ya sp'e' te ya'lel ts'usub ta sp'e'ojibal te yilimba Dios te spisil ya xhu' yu'une.

Apocalipsis 19:15 Referans Kwoze

Apocalipsis 1:16

Ta swa'el sc'ab sloch'oj juqueb eq'uetic. Soc yac ta loq'uel puñal ta ye te xcha'jejch'el ay yee. Te sit yelawe xlememet nax xojobil jich bit'il c'aal te bayal yip ya xtile.

Apocalipsis 2:27

jich te bit'il yac'ojbon quich' cat'el te Jtate. Ya me xmandalajic soc sbastón-taq'uinic. Ya me swuyic c'oem te lumetique, jich bit'il ya yich' wuyel te oxome.

Salmos 2:9

Ta swenta te abastón pasbil ta hierro ya me alajinbey yat'elic a te lumetique; ts'ubiltic me ya xjilic ta wuyel awu'un jichuc pac'bil oxom”, xi' me te Diose.

2 Tesalonicenses 2:8

Teme ya yich' loq'uesele, ya me xchicnaj te mach'a mero jmulawil winique. Te Cajwaltic Jesuse ta sjab nax ye ya smil. Tic' ya sjinbey yu'el a te bit'il ya xchicnaj tel soc yip yu'el te Cajwaltique.

Isaías 11:4

Toj ya xchajban te mach'atic ma'yuc yipe, soc ya xc'opoj yu'un te bitic ay ta swenta te mach'atic me'baetic te ayic ta balumilale. Te sc'ope jich c'oem bit'il wajch' ta yac'beyel castigo te mach'a ora nax ya xc'ajc'ube; te ic' ya xjujch'iy loq'uel ta ye ya yac' lajuc a te mach'a amen yo'tane.

Apocalipsis 19:21

Te yantique lajic ta milel spisilic yu'un spuñal te yac ta loq'uel ta ye te mach'a cajal ta caballoe. Te mutetique, spisilic noj xch'ujt'ic yu'un sti'el sbaq'uetalic te mach'atic lajemique.

Apocalipsis 12:5

Ayin squerem-al te antse, te ja' tulan ya xmandalaj soc sbastón-taq'uin ta stojol spisil ta jchajp te nacionetique. Ic'ot moel yu'un Dios ta ch'ulchan ta ora nax te yale, ta bay te smuc'ul nactijib te Diose.

Apocalipsis 2:16

Jich yu'un sujt'esa me awo'tan. Yan teme ma xasujt'es awo'tane, ya me xtalon ta atojol ta ora nax. Ya me jcontroin soc te puñal te ya xloc' ta quee.

Apocalipsis 2:12

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Pérgamo: Te mach'a yich'oj puñal te xcha'jejch' ay yee, jich la yal:

Isaías 30:33

Ayix bayal c'aal chajbanbil ta swenta Asiria soc ta swenta te muc' ajwalil yu'un, te yawil woclajel, te muc' sjamalul soc najt' coel. Ay tsumbil c'ajc' tey a, te yac ta tilel soc c'axem to xan bayal si'il. Ya me stiles c'ajc' a te ic' ya xloc' ta ye te Cajwaltique, jich me ya xtal te azufre te bit'il snojel ja'.

Joel 3:13

Melel mero jc'axel amen yo'tanic. Set'aic jichuc yijuben trigo, la staix yorail te c'ajoje. Tenaic jichuc ts'usubetic, melel chapalix yu'un ya yich' pasel te vino c'oeme.

Malaquías 4:6

Ya me yac' xlecub yo'tan te tatil soc te snich'nabe. Teme ma xlecub yo'tanique, ya xtalon, ya cac'bey castigo te slumal, ya jlajin ta jc'axel ta spisil —xi' te Cajwaltique.

Apocalipsis 14:10

ya me x'ac'bot yuch'ic te vino, ja' te yilimba Dios te xujt' ma'yuc scape, te nojel yu'un a te vasoe. Ya me x'ac'bot c'axuc bayal swocolic ta c'ajc' te yac ta tilel ta azufre ta sitic te ch'ul abatetic yu'un te Diose soc ta sit te Alalchije.