Apocalipsis 19:1 - Bible in Tzeltal de Oxchuc y Tenejapa

¹ Patil la caiy stojol te ay tsobol ants-winiquetic te tulan yacalic ta c'op ta bay te ch'ulchane, te jich la yalique: “¡Ay yutsilal! Stuquel nax ay colel ta swenta te Dios cu'untique. Ay bayal yu'el soc jelawen yutsilal.

Nuevo Testamento Tzeltal de Amatenango

¹ Ta patil la kaꞌiy yipalik ta tulan kꞌop te bayalik ta chꞌulchan, te jich la yalik: —¡Ay ta albeyel ta ichꞌel ta mukꞌ te Kajwaltike! Te kolele jaꞌ yuꞌun te Dios kuꞌuntike. Ay slekilal sok ay spoder.

Bible in Tzeltal Bachajón

¹ Patil la jca'iybe tulan sc'op tsobol mach'atic ayic ta ch'ulchan te hich yacalic ta yalel ta aw: ¡Aleluya! Te colel, yutsilal soc te yu'el, ha yu'un te Diose,

Apocalipsis 19:1 Referans Kwoze

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

1 Crónicas 29:11

Cajwal, awu'un atuquel te ich'el ta muc', te awu'el, te xojobil awutsilal; atuquel ya xmandalajat soc atuquel ay awat'el. Melel spisil bitic ay ta ch'ulchan soc te bitic ay ta balumilal, ja'at awu'un. Atuquel ay awat'el ta mandalteswanej, cajalat yu'un spisil, Cajwal.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

Apocalipsis 19:6

Soc la caiy stojol yan c'op te pajal yaiyel soc sc'op tsobol ants-winiquetic soc sc'op bayal snojel ja'etic soc sc'op tulan chawuc. Jich la yal: “¡Ay yutsilal! Melel jajch'ix ta mandal te Cajwaltique, te ja' Dios cu'untic te Spisil ya xju' yu'une.

Apocalipsis 12:10

Soc la caiy stojol te ay mach'a tulan yac ta c'op ta ch'ulchan te jich la yale: “Talix yorail te colele. Te Cajwaltic Diose ay yu'el soc ja' ay ta ajwalinel stuquele, soc yac'ojbeyix yat'el te Cristo yu'une. Yu'un la yich'ix ch'ojel loq'uel ta fuera te mach'a la sleulaybey smul te quermanotactic, te c'aal ajc'ubal la sleulaybey smulic ta stojol te Dios cu'untique.

Salmos 148:1

¡Bin nax yutsil te Cajwaltique! Albeyaic yutsilal Cajwaltic c'alal ta ch'ulchan. Albeyaic yutsilal c'alal ta toyol.

Jonás 2:9

yan te jo'one bin nax co'tan ya calbat yutsil ac'oplal soc ya cac'bat milbil amajt'an. Jich me ya xc'ot ta pasel a te bila caloj ta atojole. Ja'at nax atuquel Cajwal, te ya xju' ya xcoltaywanate —xi' te Jonase.

Salmos 150:1

¡Bin nax yutsil te Cajwaltique! Albeyaic yutsilal Dios ta templo; albeyaic yutsilal ta ye'tal te muc'ul yaxal ch'ulchan yu'une.

Salmos 146:1

¡Bin nax yutsil te Cajwaltique! Ya me calbey yutsilal sc'oplal Cajwal ta spisil co'tan.

Salmos 115:18

yan te jo'otic ya me calbeytic yutsilal te Cajwaltique ta ora to soc ta sbajt'el q'uinal. ¡Bin nax yutsil te Cajwaltique!

Salmos 106:1

¡Bin nax yutsil te Cajwaltique! Albeyaic wocol te Cajwaltic, melel lec yo'tan stuquel; te xc'uxul yo'tane sbajt'el q'uinal ay.

Salmos 3:8

Te ja'at, Cajwal, ya xcoltaywanat; jich yu'un ac'beya bendición te lum awu'une.

Salmos 149:1

¡Bin nax yutsil te Cajwaltique! C'ajintayaic ta yach'il c'ayoj te Cajwaltique; albeyaic yutsilal ta bay stsoboj sbaic te mach'atic jun yo'tanique.

Salmos 111:1

¡Bin nax yutsil te Cajwaltique! Ya calbey yutsil sc'oplal Cajwal ta spisil co'tan ta bay stsoboj sbaic te winiquetic te lec yo'tanic, soc ta bay stsoboj sbaic spisil te lume.

Salmos 62:11

Ma junuc nax buelta caiyoj te jich yaloj te Diose: te yu'el soc te c'uxul-o'tanile ja' yu'un stuquel. Soc ja' ya yac'bey stojol sc'abic, chican te bila spasojic ta juju-jtul.

Salmos 104:35

Ac'a tup'uc ta jc'axel ta balumilal te jmulawiletique; ac'a ch'ayuc ta jc'axel te mach'a amenique. Ya calbey yutsil sc'oplal Cajwaltic ta spisil co'tan. Bin nax yutsil te Cajwaltique.

Jeremías 51:48

Te ch'ulchan balumilale, spisil te bitic aye, bin nax me yo'tanic yu'un te c'alal ya x'och ta c'abal Babilonia, te c'alal ya xtal ta norte te jinawanejetic yu'une. Jo'on Ajwalilon, jich ya cal.