Apocalipsis 18:9 - Bible in Tzeltal de Oxchuc y Tenejapa

⁹ Te muc' ajwaliletic ta balumilal te la yaiyic mulwej soque soc te la sjoinic ta slajinel sc'ulejalic ta spasel te bila smulanej te sbaq'uetalique, ya me x'oq'uic soc ya me smel yo'tanic yu'un te c'alal ya yilic te yac ta moel xch'ailel ta c'ajq'uele.

Nuevo Testamento Tzeltal de Amatenango

⁹ Te reyetik ta balmilal la yantsinanikix, sok la sjoyinlanikix ta spasel te tut te ya skꞌupin stiꞌbalulike. Ya me xꞌokꞌik y ya me yichꞌ yajtal yoꞌtanik yuꞌun te kꞌalal ya yilik te xchꞌailel te xchikꞌelike.

Bible in Tzeltal Bachajón

⁹ Te ajwaliletic ta bahlumilal te la yantsinic soc te pajal ay bin la smulanic soc, ya me smel yo'tanic soc ya me yoq'uetayic te c'alal ya yilic xtomet ta loq'uel sch'ahilel sc'ahc'al te ya yich' chiq'uele.

Apocalipsis 18:9 Referans Kwoze

Apocalipsis 19:3

La yalic xan: “¡Ay yutsilal! Sbajt'el q'uinal yac ta moel xch'ailel te muc'ul lume”, xiic ta aw.

Apocalipsis 18:3

Yu'un yuch'ojbeyic svino spisil ta jchajp te nacionetique, ja' bi, sboltesej sbaic soc ta swenta te smulweje. Te muc' ajwaliletic ta balumilale yaiyojiquix mulwej soc. Te jp'olmaletic ta balumilale staojiquix bayal sc'ulejalic ta swenta spisil te bila mulanbil yu'un sbaq'uetal te muc'ul lume”, xi' ta aw.

Apocalipsis 18:18

Te bit'il la yilic te yac ta moel xch'ailel ta c'ajq'uel te muc'ul lume, awunic yu'un. Jich la yalic ta aw: “Ma'yuc yan lum jich te bit'il in muc'ul lum to”, xiic yu'un.

Apocalipsis 17:2

Te muc' ajwaliletic ta balumilale, yaiyojiquix mulwej soc. Soc spisil te mach'atic cuxajtic ta balumilale, yacubenic yu'un te svinoe, ja' bi, sboltesej sbaic soc ta swenta te smulweje —la yuton.

Apocalipsis 18:20

Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.

Apocalipsis 14:11

Te xch'ailel te swocolique, xtomomet nax ya xmo sbajt'el q'uinal. C'aal ajc'ubal ma'yuc banti ya yich'ic lewa yu'un castigo spisil mach'atic te ya slajin sbaic ta stojol te muc'ul chambalam te xi'bantic sba soc ta stojol te sloc'ombae soc te yich'ojbeyic smarca ta stibaique o ta sc'abique”, xi' ta aw la caiy.

Apocalipsis 18:7

Te jich yipal la stoy sba soc te jich yipal la slajin sc'ulejal ta spasel te bila smulanej te sbaq'uetale, jich nix yipal ac'a c'axuc swocol ta uts'inel soc ta oq'uel. Melel jich ya yal ta yo'tan te muc'ul lume: ‘Jo'on muc' antsil-ajwalilon. Ma'yuc bi ora te ya xjilon ta me'ba antse. Ma xquil jwocol ta oq'uel jtuquel’, te xi' ta yo'tane.

Jeremías 50:46

C'alal ya xjin te Babilonia, muc' nax me sc'op ya xc'ot. Te lumq'uinal ya me xnijc'; te yawique ya to me yaiyic stojol te yantic nacionetique —xi' te Cajwaltique.

Génesis 19:28

La yil te lum Sodoma soc te lum Gomorra soc te stenlej xatal q'uinale. Xtomomet nax xch'ailel la yil jich bit'il xch'ailel yawil c'ajc'.

Jeremías 50:40

Jich ya xjil te bit'il Sodoma soc Gomorra soc te lumetic te nopol ayic soque, te c'alal ya yich' jinele. Ma'yuc mach'a ya xba ainuc tey a, ni ma'yuc mach'a ya xc'ax. Jo'on Ajwalilon, jich ya cal.

Isaías 13:19

Te Babilonia, te t'ujbil perla yu'un te nacionetique, xch'alilic c'oem soc toyol q'uinal ya yaiyic yu'un te caldeoetique, jich me ya xc'ot te bit'il lum Sodoma soc te lum Gomorra te c'alal la jine.

Deuteronomio 29:23

Ya me yilic ta spisil te lumq'uinale, ja' nax ya xchicnaj azufre, ats'am soc c'ajq'uem lum. Ma me ayuc bila ya xju' ta ts'unel tey a, soc ma'yuc bila ya yac' sit tey a, ni junuc wamal ya xch'i tey a, jich te bit'il ta Sodoma, Gomorra, Adma soc Zeboim, te la slajin te Cajwaltic ta swenta sc'ajc'al yo'tan soc yilimba.

Daniel 4:14

jich yac ta yalel ta tulan: ‘Ts'etaic te te'e, set'beyaic te sc'abc'abe; tulbeyaic te yabenale, soc pucbeyaic te site. Ac'a anuquic bael te chambalametic te yac ta antayel yaxinal yu'une, soc nix te mutetic ayic ta sc'abc'abe.

Isaías 30:33

Ayix bayal c'aal chajbanbil ta swenta Asiria soc ta swenta te muc' ajwalil yu'un, te yawil woclajel, te muc' sjamalul soc najt' coel. Ay tsumbil c'ajc' tey a, te yac ta tilel soc c'axem to xan bayal si'il. Ya me stiles c'ajc' a te ic' ya xloc' ta ye te Cajwaltique, jich me ya xtal te azufre te bit'il snojel ja'.

Salmos 58:10

Te mach'a jun yo'tan ta stojol Dios, bin nax me yo'tan ya yil te ya sujt' spacol te bi ya spasbote; ya me smul yacan ta xch'ich'el te mach'atic amen yo'tanique.

Jeremías 51:8

Ja'uc me to, ora nax a yal te Babilonia, wuyultic nax a c'ot. ¡Ochanic ta yoq'uetayel! Ich'beyaic tel xpoxil yu'un te yejch'ene, ya quiltic teme ya xcole —xi' te Cajwaltique.

Ezequiel 27:35

Ta spisil te yajwal lumq'uinaletic ayic ta ti'ti'mar ochem xiwel ta yo'tanic ta awenta; te muc' ajwaliletic yacalic ta buen xiwel awu'un, chican ta ilel ta sitic te xiwenique.

1 Timoteo 5:11

Ja'uc me to, ma me xanajc'anbey ta lista sbiil te mach'a me'ba ants te ma to me'eluque. Melel teme ja' ya xbajt' ta yo'tan te bila ya sc'an te sbaq'uetale, soc teme ya to smulan te ya xnujbine, ja' ya yijq'uitay ta yo'tan a te Cristoe.

Apocalipsis 2:22

Jich yu'un te jo'one ya me cac' chawajuc ta swayib te antse, soc ya me cac' c'axuc bayal swocolic te mach'atic ya spasic mulwej soc, teme ma ba ya yijq'uitayic spasel te bila ya spas te antse.