Apocalipsis 18:7 - Bible in Tzeltal de Oxchuc y Tenejapa

⁷ Te jich yipal la stoy sba soc te jich yipal la slajin sc'ulejal ta spasel te bila smulanej te sbaq'uetale, jich nix yipal ac'a c'axuc swocol ta uts'inel soc ta oq'uel. Melel jich ya yal ta yo'tan te muc'ul lume: ‘Jo'on muc' antsil-ajwalilon. Ma'yuc bi ora te ya xjilon ta me'ba antse. Ma xquil jwocol ta oq'uel jtuquel’, te xi' ta yo'tane.

Nuevo Testamento Tzeltal de Amatenango

⁷ Aꞌ yichꞌ tulan wokol y yoꞌolil sba jich tutꞌil te la stoy sbae y te tutiꞌ skꞌupin stiꞌbalule. Yuꞌun la yal ta yoꞌtan: “Liꞌ ayon to, nakalon jich tutꞌil me mukꞌul rey. Ma biuda antsukon, ni makꞌ me kil wokol”, xchi.

Bible in Tzeltal Bachajón

⁷ Te hich yipal te la stoy sba soc te la sta te bintic la smulan, hich nix yipal a'beyahic sc'uxul soc smel-o'tan, como hich ya yal ta yo'tan: ¡Ho'on hich huculon te bin ut'il ajwalil-ants, ma ba me'ba' antson, soc mayuc bin ora ya coq'uetay jba! xchi.

Apocalipsis 18:7 Referans Kwoze

Sofonías 2:15

Ja' te lum te nojel toybail ta yo'tan te la yich' sbaic ta muq'ue, te la yal te yajwal te ma'yuc mach'a ya xpajot yu'un ta spamal balumilal. Ta ora to tan a jilix, soc c'atp'ujix ta xch'en jti'awal chambalametic. Jayebuc mach'a ya xc'axic tey a ya xuxubajic yu'un, soc ya spasbeyic seña ta slabanel.

Lamentaciones 1:1

Mero stuquel xanix jilem te lum te nojel yu'un ants-winiquetic ta sbabial. Pajalix yilel soc me'ba ants, te c'ax muc' ta neelal yu'un te yantic lumetique. Sujbilix ta spasel tulanil at'el te antsil ajwalil te cajal yutsilal ta sbabial.

Jeremías 13:18

La yalbon te Cajwaltic: —Albeya te muc' ajwalil soc sme': “Coanic ta amuc'ul nactijibic, naclanic ta lum, melel ch'ayemix coel ta ajol te acorona te xch'alojate”, uta me.

Salmos 45:9

Ta yolil antsetic awu'un, ay yantsil-nich'an muc' ajwaliletic tey a; te antsil-ajwalil nacal ta awa'el yu'un te amuc'ul nactijibe, xch'aloj sba ta buen t'ujbil oro.

Salmos 10:6

soc ya yal ta yo'tan te ma'yuc mach'a ya xcomot yu'une, te ma'yuc bi ora ay swocol yu'un ta sc'ope.

Abdías 1:3

Ja' la slo'layat te atoybaile. Te ja'at tey nainemat ta japal tontiquil soc nainemat ta toyol witstiquil, jich c'oem ta awo'tan te ma'yuc mach'a ya sjinat ta ac'ope.

1 Timoteo 5:11

Ja'uc me to, ma me xanajc'anbey ta lista sbiil te mach'a me'ba ants te ma to me'eluque. Melel teme ja' ya xbajt' ta yo'tan te bila ya sc'an te sbaq'uetale, soc teme ya to smulan te ya xnujbine, ja' ya yijq'uitay ta yo'tan a te Cristoe.

Apocalipsis 18:3

Yu'un yuch'ojbeyic svino spisil ta jchajp te nacionetique, ja' bi, sboltesej sbaic soc ta swenta te smulweje. Te muc' ajwaliletic ta balumilale yaiyojiquix mulwej soc. Te jp'olmaletic ta balumilale staojiquix bayal sc'ulejalic ta swenta spisil te bila mulanbil yu'un sbaq'uetal te muc'ul lume”, xi' ta aw.

Apocalipsis 18:9

Te muc' ajwaliletic ta balumilal te la yaiyic mulwej soque soc te la sjoinic ta slajinel sc'ulejalic ta spasel te bila smulanej te sbaq'uetalique, ya me x'oq'uic soc ya me smel yo'tanic yu'un te c'alal ya yilic te yac ta moel xch'ailel ta c'ajq'uele.

Ester 6:10

Te muc' ajwalil jich la yalbey te Amán: —Suja me aba jiche, ich'a te najt'il c'u'il soc te caballo, jich te bit'il la awalixe. Mero jich me xba apasbey ta stojol te judio Mardoqueo, ja' te nacal ta yochibal jpalacio. Ts'acal me xawac' c'otuc ta pasel ta stojol spisil te bitic la awalixe —xi' sc'oplal.

Ezequiel 23:34

Ya me alajin yuch'el spisil, patil ya me awuy jilel, ya me awejch'entes uuc te achu'e. Jo'on Ajwalilon te jich caloje.