Apocalipsis 18:6 - Bible in Tzeltal de Oxchuc y Tenejapa

⁶ Jich ac'a yich' ac'bel spacol te bila la yac'beyix te yantique. Ac'a stoj cheb buelta te bila spasoje. Cheb buelta ac'a esmajuc yip swocol te ya yich'e jich te bit'il la yac'bey yich' swocol te yantique.

Nuevo Testamento Tzeltal de Amatenango

⁶ Jich mismo a yichꞌ ekꞌa te tutꞌil a spasbe te yanetike. A me stoj chebuk buelta te tut spasoje. Aꞌ bayalejuk chaꞌmel ta mas tulan te wokol ya yichꞌe jich tutꞌil la yaꞌbe swokol te yanetike.

Bible in Tzeltal Bachajón

⁶ Sutbeyahic spacol hich te bin ut'il spasbeyej yantic; cheb buelta a'beya stoj te bintic spasoje. Tey nix ta copa banti la schahpan ta uch'el, chahpanahic cheb buelta te bin ya yuch'e.

Apocalipsis 18:6 Referans Kwoze

Jeremías 50:29

Te Cajwaltic ya yal: —Ic'aic tel spisil te jt'imuywanejetique, swenta yu'un ya me yac'beyic guerra te Babilonia. Joyintayaic tel ta sjoyobal te lume, swenta yu'un ma me ayuc mach'a ya xcol loq'uel. Ac'beyaic stoj te bit'il ya sc'an te yat'ele; jich nix me ya apasbeyic te bit'il la spase. Melel la yal ixta c'op ta jtojol te Ajwalilon, te Ch'ul Dioson yu'un Israel.

Salmos 137:8

Ja'at Babilonia, jc'axel me ya awich' jinel; bin nax me yutsil te mach'a jich nix ya yac'bat atoj te bitic la apasbotique.

Jeremías 50:15

Toyesa awawic yu'un guerra ta bayuc nax ta juju-jejch'. Te Babilonia ya yac' sbaix ta c'abal. Jinix coel tel te balal ts'ajq'uetic soc te ts'ajc' ta sjoyobale. Ja' me spacol cu'un te ya awac'beyic stoj; jich me ya apasbeyic te bit'il nix la spase.

Apocalipsis 16:19

Oxchajp loc' a te muc'ul lume, soc wuy coel ta spisil te muc'ul lumetic te ayic ta jujun nacione. Te muc'ul lum Babilonia sbiile, ma ba ch'ay ta yo'tan Dios te puersa la yac'bey yuch' te vino ja' te tulan yilimba te Diose.

Apocalipsis 14:10

ya me x'ac'bot yuch'ic te vino, ja' te yilimba Dios te xujt' ma'yuc scape, te nojel yu'un a te vasoe. Ya me x'ac'bot c'axuc bayal swocolic ta c'ajc' te yac ta tilel ta azufre ta sitic te ch'ul abatetic yu'un te Diose soc ta sit te Alalchije.

Jeremías 51:24

“Ta mero atojolic soc ta asitic te ja'exe, ya cac'bey stoj Babilonia soc spisil te caldeoetic, yu'un jich ya sc'an te bit'il amen bila la spasbey te Sión. Jo'on Ajwalilon, jich ya cal.

Apocalipsis 17:4

Te sc'u' slapoj te antse, tsaj soc tsaj'aman. Xch'aloj sba ta oro soc ta t'ujbil lequil tonetic soc ta perlaetic. Yich'oj ta sc'ab copa te pasbil ta oro te nojel tey a te bila ya yilay te Diose, capal soc sbolil te smulweje.

Zacarías 9:12

Jchuqueletic, te ay ta awo'tanic te ya sujt'ex baele, cha'sujt'anic xan me bael ta awanjibic. Te ja'ex te bayal c'ax awocolic, ya calbeyex te cheb buelta bendición ya cac'beyex.

Jeremías 17:18

Ja'uc me q'uexawuc jilel te mach'atic ya yuts'inone, ma me jo'ucon; ja'uc me ya xch'ayic ta q'uinal yu'un xiwel, ma me jo'ucon. Ac'a taluc ta ora mel-o'tan ta stojolic; ac'beya swocolic ta spisil ora.

Jeremías 16:18

Sbabial ya cac'bey stojic cheb buelta te bila amen soc te smulique, melel la sboltesbonic sc'oplal te lumq'uinal ta scaj te yajcananic te ma cuxuluc soc te ilaybilique; soc ta spamal te lumq'uinal te la cac'bey yu'unin, la spasic te bitic ya quilaye —xi' te Cajwaltique.

2 Timoteo 4:14

Te Alejandro te jpas-calderae, la yac'bonix bayal jwocol. Ya me x'ac'bot stoj yu'un Cajwaltic te bila la spasbone.

Jeremías 51:49

Ta melel, te Babilonia ya me xjin, ja' ta scaj te animaetic yu'un Israel soc ta scaj te animaetic ta spamal te balumilale —xi' te Cajwaltique.

Apocalipsis 17:2

Te muc' ajwaliletic ta balumilale, yaiyojiquix mulwej soc. Soc spisil te mach'atic cuxajtic ta balumilale, yacubenic yu'un te svinoe, ja' bi, sboltesej sbaic soc ta swenta te smulweje —la yuton.

Apocalipsis 13:10

Te mach'a jich sc'oplal ya yich' chuquel, ya me yich' chuquel. Soc te mach'a jich sc'oplal ya yich' milel ta puñal, ya me yich' milel ta puñal. Ja' in to ja' smuc'ul co'tantic te ya sts'ijc' cu'untic ta swenta xch'uunjel co'tantic soc te mach'atic ch'ul lum yu'un te Diose.

Isaías 40:2

c'oponaic soc yutsil awo'tanic te mach'atic ac'bot yijq'uitayic te Jerusalén, soc albeya yaiyic: te mosoinel ta stojole, lajix sc'oplal, la stojix te faltaetic yu'une. La cac'beyix castigo ta jc'ab, ja' te buen tulan castigo la yich' yu'un spisil te smulique —xi'.

Isaías 61:7

Melel te lum cu'une c'axemix te swocole; tulan c'ot ta scaj te ma'yuc ta ich'el ta muc', soc te ay ta ixtac'optayele. Ja' swentail te ya yich' ta bay slumal bayal te c'ulejalile, bin nax me yo'tan ya yaiybey yutsilal sbajt'el q'uinal.

Salmos 28:4

Ac'beya stojic te bit'il nix ya sc'ane, jich nix te bit'il amen te yat'elique; ac'beya stojic te bit'il nix te stojole, jich nix te bila amen spasojique.

Apocalipsis 18:20

Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.

Lamentaciones 3:64

Cajwal, ac'beya castigo te bit'il ya sc'ane, ac'beya stoj te bit'il nix te yat'elique.