Apocalipsis 18:24 - Bible in Tzeltal de Oxchuc y Tenejapa

²⁴ Melel ta bay te muc'ul lume, chicnajix te tey malbil xch'ich'elic te j'alwanejetic yu'un te Diose soc te mach'atic ch'ul lum yu'un te Diose soc spisil yantic te lajemic ta milel ta balumilale.

Nuevo Testamento Tzeltal de Amatenango

²⁴ Yuꞌun te ba mukꞌul jtejklume la yichꞌ malel a te xchꞌichꞌel jꞌalwanejetike, sok te machꞌatik ayik yuꞌun te Diose, y sok ta spisil te machꞌatik lajemik ta milel ta balmilale.

Bible in Tzeltal Bachajón

²⁴ Tey ta Babilonia chicnaj te sch'ich'el jalwanejetic soc te mach'atic ch'uhltesbilic soc spisil te lajemic ta milel ta bahlumilal, xchi sc'oblal.

Apocalipsis 18:24 Referans Kwoze

Apocalipsis 17:6

La quil te antse yacuben yu'un xch'ich'el te mach'atic ch'ul lum yu'un te Diose soc te xch'ich'el te mach'atic la yich'ic milel yu'un te la yalic ta jamal te xch'uunejic te Jesuse. Te c'alal la quile, cham nax la caiy yu'un.

Apocalipsis 16:6

Yu'un la smalbeyiquix xch'ich'el te mach'atic ch'ul lum awu'une soc te j'alwanejetic awu'une. Jich la awac'beyix yuch'ic ch'ich'. Jich ya sc'an pasbeyel yu'un te bit'il jich la spasique”, xi'.

Jeremías 51:49

Ta melel, te Babilonia ya me xjin, ja' ta scaj te animaetic yu'un Israel soc ta scaj te animaetic ta spamal te balumilale —xi' te Cajwaltique.

Apocalipsis 19:2

Yu'un toj awo'tan ya awac' castigo ta swenta te bila smelelile, melel la awac'beyix castigo te mero jmulawil ants te la sboltes ta smulwej spamal te balumilale. Dios la yac'beyix stoj te la smilbey te abatetic yu'une”, xiic.

Hechos 7:52

¿Ay bal jtuluc j'alwanej yu'un Dios te ma la scontroinique? La smilic te mach'atic la yalbeyic sc'oplal te ya xtal te Mach'a toj yo'tane. Ja'uc me to, te c'alal tale, ja'ex la awaq'uic ta c'abal soc la amilic.

Apocalipsis 11:7

Ja'uc me to, c'alal ju'ix yu'unic a te yat'elic ta testigoe, ya me xloc' tel ta xaab te muc'ul chambalam te xi'bantic sbae. Ya me spasic guerra soc ya me stsalotic yu'un, soc jc'axel ya xmilotic yu'un.

San Mateo 23:35

Jich yu'un te ja'exe, ja' me ya xc'ot ta awentaic stojel te la yich' malel xch'ich'el spisil te mach'atic toj yo'tanic te lajemiquix tele, jich bit'il te Abel te la yich' malel xch'ich'el ta xjajch'ibal, ja' to c'alal ta Zacarías te snich'an Berequiase te la yich' malel xch'ich'el ta bay olilal ay yu'un te xchic'jibal smajt'an Dios soc te temploe.

San Mateo 23:27

¡Ya me awil awocolic jts'ibojometic, fariseoetic te cha'lam awo'tanique! Melel ja' pajalex soc te muquenal te buen sac bonbilic te spate, ja'uc me to, nojel ta baquel anima te yutile soc spisil te bitic ilaybile.

Daniel 7:21

Te jich la quil yac ta yaq'uel guerra te lum yu'un Dios asta la stsalbey te lum yu'une,

1 Tesalonicenses 2:15

Ja' nix te judioetic te la smilic te Cajwaltic Jesuse, jich te bit'il la smilic te j'alwanejetic yu'un te Diose, soc la snutsotiquix loq'uel uuc te jo'otique. Ma lecuc yo'tan Dios yu'unic, soc scontroinejic spisil te ants-winiquetique.

Ezequiel 22:27

Te ajwaliletic yu'un te lumq'uinal pajal soc ja'mal ts'i'etic te ya stuch' ta ti'el te sti'balique. Chapalic yu'un ya smalbeyic xch'ich'el yantic, chapalic yu'un ya smilic ants-winiquetic, yu'un jich ya sta sc'ulejalic a.

Ezequiel 22:12

Te alumale ay ya xchon sbaic yu'un ya smilic yantic. Ya sc'anbey sjol staq'uin te c'alal ya yac' ta majanele, ya slo'lay ta sc'ajc'al te spat-xujq'ue, ya xch'ayon ta yo'tanic. Jo'on Ajwalilon te jich caloje.

Ezequiel 22:9

Ay ya spasic lot swenta jich ya x'ac'ot ta lajel yu'un a te yantique. Ay ya xwe'ic-x'uch'ajic ta witsetic ta yich'el ta muc' te loc'ombaetique. Ay ya spasic te bitic mero ilaybil sbae.

Jeremías 2:34

Te ac'u' boloben ta spisil yu'un xch'ich'el te me'baetic te ma'yuc smulique, ma'yuc bay yac ta spasel mulil la ata.

Daniel 7:25

Ya me sbolc'optay te Dios mero toyole, soc ya sc'an slajinbey ta jc'axel te lum yu'une. Ya me sc'an ya sjeltay te mandaliletic yu'un Dios soc te q'uinetic yu'une; te lum yu'un Dios ya me x'och ta sc'ab oxeb ja'wil soc olil.