Apocalipsis 18:22 - Bible in Tzeltal de Oxchuc y Tenejapa

²² Xujt' ma xchicnaj xan ta aiyel stojol ta bay calleetic te sc'op arpae soc amay soc oq'ues ta atojol. Soc ma xchicnaj xan tey a te mach'atic ya sna'ic at'ele, soc ma x'aiyot xan stojol sc'op te molinoe.

Nuevo Testamento Tzeltal de Amatenango

²² Ni jaymel ya xꞌaꞌiyot xan ta atojol ta kayailtik te kꞌin yuꞌun te arpaetike, sok te amayiletike, y sok te kornetaetike. Sok maꞌyukix jꞌaꞌteletik ta atojol te ya snaꞌik aꞌtele. Sok ma me chikanukix ta atojol te yokꞌel te mam chaꞌtone.

Bible in Tzeltal Bachajón

²² Te sc'ayoj mach'atic ya stijic arpa, te j'oq'uesinej amay soc corneta, ma ba ya x'a'iyotix ta awohlil. Mayuquix j'a'teletic ta awohlil, soc mayuquix sc'op molino ta awohlil.

Apocalipsis 18:22 Referans Kwoze

Ezequiel 26:13

Jich me ya cac'bey slajibal a te sc'op c'ayojetic awu'une; ma'yuquix bi ora ya xchicnajix sc'op te arpaetic awu'une.

Jeremías 25:10

Ya me jpas te ma ba ya cac' ta aiyel stojol c'ayojetic yu'un q'uin, soc sbujts-o'tanil, soc te c'ayojetic yu'un nujbinel, ni ma me xchicnaj sc'op te cha' yu'un juch'majel, ni ma ba xchicnajix xojobil te c'ajq'uetic tey a.

Jeremías 16:9

Melel jo'on Ajwalilon te Spisil ya xju' cu'un, te Dioson yu'un Israel, jamal ya cal: Ya cac'bey xlaj yo'tanic ta c'ayoj in lum to, ta spasel q'uin te bin nax yo'tanic yu'une, soc te c'ayojetic yu'un q'uin, soc sbujts-o'tanil soc te c'ayojetic yu'un jnujbinel. Ja' me ya xc'ot ta pasel te ayex ta q'uinal, soc ya me awilic.

Jeremías 7:34

Ya cac' ch'ayuc ta jc'axel te c'ayojetic yu'un q'uin soc sbujts-o'tanil, soc te c'ayojetic yu'un nujbinel, ta lumetic ta sq'uinal Judá soc ta calleetic ta Jerusalén. Spamal te lum ya xc'atp'uj jilel ta jochol taquin q'uinal —xi' te Cajwaltique.

Eclesiastés 12:4

Jich ora ya xmajc' te achiquine, soc ma xchicnaj ya awaiy te sc'op te molinoe. Ya me xiwtesat te sc'op te ja'mal mutetic.

Jeremías 33:11

c'ayojetic yu'un q'uin, soc sbujts-o'tanil, soc te c'ayojetic yu'un nujbinel, soc ya me xchicnaj ta alel: “Albeyaic wocol te Cajwaltic te Spisil ya xju' yu'une, melel te Cajwaltic lec yo'tan stuquel, te xc'uxul yo'tan stalel ay sbajt'el q'uinal”, xiic me. Yu'un ya me yich'ic tel majt'anil ta templo yu'un yalel wocol. Melel ya cac'bey xan yutsilal in lumq'uinal to, swenta yu'un jich ya xcha'c'ot xan te bit'il ay ta xjajch'ibale. Jo'on Ajwalilon, jich ya cal —xi'.

Isaías 23:12

Jich la yalbey te Sidón: —Ach'ix te uts'inbilatixe, ijq'uitaya jilel te bitic sbujts' q'uinal awaiy yu'une. Manchuc me ya awal te ya xc'axat bael c'alal ta Chipre, ma'yuc bay ya ata cux-o'tan tey a —xi'.

San Mateo 9:23

Te c'alal och Jesús ta sna te jwolwaneje, la yil te ay mach'atic chapalic soc yamayic ta spasel q'uin swenta te ya yich' muquele. Te ants-winiquetique tulan yacalic ta yoq'uetayel.

Job 3:7

Ayuc bit'il ma'yuc bi chicnaj a te ajc'ubale, te ma'yuc mach'a ya x'awun yu'un yutsil q'uinal yaiye.