Apocalipsis 18:21 - Bible in Tzeltal de Oxchuc y Tenejapa

²¹ Soc ay jtul ch'ul abat la quil te ay bayal yipe. La sq'uech muc'ul ton te pajal soc te muc'ul cha'. La xch'oj ochel ta mar. Jich la yal: “Jich me ya awich' ch'ojel coel, muc'ul lum Babilonia. Soc jc'axel me ya xch'ayat ta q'uinal.

Nuevo Testamento Tzeltal de Amatenango

²¹ Jich te jtul ángel te bayal yipe la xjach jpꞌej ton te jachik tutꞌil jpꞌej mam chaꞌtone, y la xchꞌoj ochel ta mar. Sok la yal: —Jich me ya yichꞌ tulan jimel te Babilonia te mam mukꞌul jtejklume, y ni jaymel ya xtaot xan ta ilel.

Bible in Tzeltal Bachajón

²¹ Ay ch'ul a'bat te bayel yip, la sq'uech muc'ul ton te sjel ta muc'ul cha', la sch'oj ochel ta mar, hich la yal: Hich me ya yich' ch'ojel cohel te Babilonia, te muc'ul pueblo, ma ba ya xwehtix ta lehel.

Apocalipsis 18:21 Referans Kwoze

Ezequiel 26:21

Ya me jc'atp'unat ta bila xiweltic sba, jc'axel me ya xch'ayat ta q'uinal. Ya me awich' leel, pero ma me ayuquix bi ora ya xchicnajat ta jc'axel. Jo'on Ajwalilon te jich caloje —xi' te Cajwaltique.

Apocalipsis 5:2

Soc la quil jtul ch'ul abat te bayal yipe. Tulan yac ta yalel ta aw ta sjojc'oyel yaiy: “¿Mach'a me ya xju' yu'un sjamel te balbil june? ¿Mach'a ya xju' yu'un sjamel te selloetic macbil ae?”, xi' ta aw.

Apocalipsis 20:11

La quil ay mero muc'ul saquil nactijibal te ay mach'a nacal tey a. Loc' bael ta anel ta stojol te ch'ulchan balumilale, ma ba wejt' xan yawilic ta banti ya x'ainique.

Apocalipsis 18:22

Xujt' ma xchicnaj xan ta aiyel stojol ta bay calleetic te sc'op arpae soc amay soc oq'ues ta atojol. Soc ma xchicnaj xan tey a te mach'atic ya sna'ic at'ele, soc ma x'aiyot xan stojol sc'op te molinoe.

Apocalipsis 16:20

Spisil ch'ayic bael ta ilel te ch'in q'uinaletic te joytaybilic ta mare soc te witstiquile.

Apocalipsis 12:8

ja'uc me to, ma ju' yu'unic te tsalawe. Jich ma la staiquix te banti ya x'ainic ta bay te ch'ulchane.

Daniel 11:19

Te muc' ajwalil ya me xbajt'ix ta anjibaletic yu'un ta slum-sq'uinal. Pero ay me bila chujc'ul ya xc'o sta, ja' me ya x'ac'bot swocol ta xcuxlejal yu'un. Jich ma'yuquix bi ora ya xchicnaj xan ta alel sc'oplal.

Job 20:8

Jich me ya xch'ay bael ta q'uinal te bit'il waichil, ja' me pajal soc te ay bila ya yil ta sit ta ajc'ubale, ma'yuc mach'a ya xtaot ta leel yu'un.

Apocalipsis 18:10

Q'uejel to me ya stejc'an sbaic ta yilel ta scaj xiwel yu'un te castigo yac ta yich'ele. Jich ya yalic yu'un: “Obol nax aba, ja'at muc'ul lum Babilonia, te bayal awipe. Yu'un ora nax c'ot castigo ta atojol”, xiic ta smelel yo'tanic.

Apocalipsis 10:1

Soc la quil coj tel ta ch'ulchan yan ch'ul abat te bayal yipe. Potsol tel ta tocal soc ay arco iris joyol ta sjol. Te sit yelawe xlememet nax xojobil jich bit'il te c'aale. Te yacane jich yilel te bit'il muc'ul oy te tsajxojan nax sc'aale.

Salmos 37:36

pero patil laj bael; la jle, ma ba la jta ta leel.

Nehemías 9:11

Ta scomonsitic la awac'bey sjam sba te mare, jich c'axic bael ta beel ta taquin lum. Yan te jnutsawetic yu'unique, la awac' couquic ta ye'tal ja', jichuc ton ta sc'ubulil ja' stuquelic.

Éxodo 15:5

Jich bit'il ton coic bael c'alal ta yet'al mar.