Apocalipsis 18:17 - Bible in Tzeltal de Oxchuc y Tenejapa

¹⁷ Ja'uc me to, ora nax laj ta spisil te jich yipal sc'ulejale”, xiic. Soc spisil te yajwal barcoetique soc te jbeometic te ayic ta barcoe soc te j'at'eletic te swentainejic te bit'il ya xbeen te barcoe soc spisil j'at'eletic te ya x'at'ejic ta bay te mare, q'uejel to la stejc'an sbaic.

Nuevo Testamento Tzeltal de Amatenango

¹⁷ y ta jtsꞌin nax a laj te lom bayal skꞌulejale —xchi. Spisil te japuyej-barkoetike y te machꞌatik ya xbeenik ta tiꞌtiꞌ jaꞌe, sok te jꞌaꞌteletike ta barkoetik y spisil te machꞌatik ya sleik aꞌtel ta mare, jakal to me ya xjilik.

Bible in Tzeltal Bachajón

¹⁷ como ta junax ora laj hich yipal c'uhlejalil, xchihic. Spisil te mach'atic ya stijic barco soc te ya xbehenic ta barco, te mach'atic ya x'a'tejic ta barco, soc te mach'atic cuxajtic tey ta mar, namal ya stehc'an sbahic.

Apocalipsis 18:17 Referans Kwoze

Apocalipsis 17:16

Te lajunch'ix xulub la awil te ay ta sjol te muc'ul chambalam te xi'bantic sbae, ya me slab-o'tantayic te jmulawil antse. Me'ba me ya yijq'uitayic soc t'anal ya xjil yu'unic. Ya sti'beyic sbaq'uetal soc ya xchiq'uic ta c'ajc'.

Isaías 23:14

Ac'a ajc'anajuc awo'tanic, barcoetic yu'un Tarsis, melel te ts'ajc' te ipajemex ae, jinbilix.

Apocalipsis 18:19

Soc la sjopic ts'ubilum, la sbusq'uin ta sjolic ta oq'uel yu'un te muc'ul lume. Bayal la smel yo'tanic soc la yoq'uetayic. Jich la yalic xan ta aw: “Mero obol sba te muc'ul lume. Ta swenta te sc'ulejale la sta sc'ulejalic spisil a te mach'atic ay sbarcoic ta mare. Ja'uc me to, ora nax laj ta spisil te lume”, xiic.

Jonás 1:6

Pero bajt' ta ilel yu'un te mach'a swentainej te jtij-barcoe, jich albot: —¿Bistuc te jun awo'tan wayalate? Jajch'an ta ora, c'opona te Dios awu'une. Repente ya sna' yo'bolil jbajtic. Jich ma ba ya xlajotic —la yut.

Jeremías 51:8

Ja'uc me to, ora nax a yal te Babilonia, wuyultic nax a c'ot. ¡Ochanic ta yoq'uetayel! Ich'beyaic tel xpoxil yu'un te yejch'ene, ya quiltic teme ya xcole —xi' te Cajwaltique.

Lamentaciones 4:6

Te smul te jlumal Israele, ja' muc' xan yu'un a te smul Sodoma; ta ora nax laj ta jinel, manchuc me ma'yuc mach'a tal sjin.

Isaías 47:9

Ajc' nax, ta jun nax c'aal ya me xc'ot xchebal te woclajel ta atojole: me'ba ants ya xjilat, soc ma'yuc awalatac, manchuc me bayal buelta ya apas ac'-chamel soc pic-c'abal.

Hechos 27:11

Ja'uc me to, te centurión ma la xch'uun te bila albot yu'un te Pabloe. Ja' la xch'uunbey sc'opic te yajwal barco soc uuc te mach'a jwolwanej ta stijel te barcoe.

Apocalipsis 17:12

“Te lajunch'ix xulub te la awile ja' seña lajuntul muc' ajwaliletic te ma to ayuc yat'elique. Ja'uc me to, ya me yich' yat'elic ta muc' ajwalil junuc ora soc te muc'ul chambalam te xi'bantic sbae.