Apocalipsis 18:15 - Bible in Tzeltal de Oxchuc y Tenejapa

¹⁵ Te mach'atic la yat'elinic xchonel in to soc te la sta sc'ulejalic ta swenta te muc'ul lume, q'uejel to me ya stejc'an sbaic ta yilel ta scaj xiwel yu'un te castigo yac ta yich'ele. Ya me x'oq'uic soc ya me smel yo'tanic yu'un,

Nuevo Testamento Tzeltal de Amatenango

¹⁵ Te machꞌatik ya xchonbaj sok te tutik to, y te kꞌulejibik ta skuenta te mukꞌul jtejklume, jakal to me ya yilik yuꞌun xiꞌel te kastigo ya yichꞌe. Ya me xꞌokꞌik y ya me yakꞌ yajtal yoꞌtanik.

Bible in Tzeltal Bachajón

¹⁵ Te jchombajeletic te ya schonic ini, te c'uhlejubenic yu'un, namal ya stehc'an sbahic yu'un xi'beyel te swocole; ya smel yo'tanic soc ya yoq'uetayic,

Apocalipsis 18:15 Referans Kwoze

Apocalipsis 18:3

Yu'un yuch'ojbeyic svino spisil ta jchajp te nacionetique, ja' bi, sboltesej sbaic soc ta swenta te smulweje. Te muc' ajwaliletic ta balumilale yaiyojiquix mulwej soc. Te jp'olmaletic ta balumilale staojiquix bayal sc'ulejalic ta swenta spisil te bila mulanbil yu'un sbaq'uetal te muc'ul lume”, xi' ta aw.

Ezequiel 27:31

Ya me sloq'ues stsotsil sjolic ta awenta, ya me slapic ch'ixal pac', c'ux obol me sbaic ta oq'uel ta awenta.

Hechos 16:19

Te yajwalic te ach'ixe, la yilic te ma xju'ix yu'un te ya spasic ganar ta swentae. Jich la stsaquic te Pablo soc te Silase, soc la yiq'uic bael ta yolil lum ta stojol te mach'atic yich'oj tulan yat'elic yu'un te lume.

San Marcos 11:17

Jich la yal ta p'ijubteswanej te Jesuse: —Jich ts'ibubil jilel ta Sjun te Diose: “Te jnae snail sc'oponel Dios sbiil yu'un spisil te nacionetique”, te xie. Ja'uc me to, te ja'exe la ac'atp'uniquix ta xch'en j'eleq'uetic —xi' te Jesuse.

Zacarías 11:5

Te mach'atic ya smanique, ma muliluc ta yo'tanic te ya smilique. Jich te mach'atic ya xchonic bael, jich me ya yalic: “Wocol la yal te Cajwaltic, jc'ulejonix”, xiic yu'un. Ni ja'uc te jcananetic yu'unic ya xna'bot yo'bolil sbaic yu'un te chijetique.

Apocalipsis 18:12

Ja' sp'olmalic te oro, plata, t'ujbil lequil tonetic, perlaetic, lequil lino-pac', seda-pac', tsaj'aman pac', te tsajal pac', soc spisil ta jchajp te'etic te ay sbujts' yiq'ue, soc te bila pasbil ta sbaquel ye te elefantee, t'ujbil te'etic, bronce, hierro, marmol-ton,

Apocalipsis 18:13

canela, poxil te ay sbujts' yiq'ue, pom, mirra, perfumeetic, vino, aceite, lequil harina, trigo, wacaxetic, chijetic, caballoetic, carretaetic, mosoetic, soc yantic ants-winiquetic.

Apocalipsis 18:14

Jich me ya yalbeyic te muc'ul lume: “Ma'yuquix awu'un spisil te sit awal-ts'unubil te mulanbil awu'un. Lajix yutsil spisil te ac'ulejal soc te bila bayal yutsilal te ay awu'une. Jc'axel me ma'yuc bi ya ataix”, xi' sc'oplal.

Apocalipsis 18:19

Soc la sjopic ts'ubilum, la sbusq'uin ta sjolic ta oq'uel yu'un te muc'ul lume. Bayal la smel yo'tanic soc la yoq'uetayic. Jich la yalic xan ta aw: “Mero obol sba te muc'ul lume. Ta swenta te sc'ulejale la sta sc'ulejalic spisil a te mach'atic ay sbarcoic ta mare. Ja'uc me to, ora nax laj ta spisil te lume”, xiic.