Apocalipsis 18:13 - Bible in Tzeltal de Oxchuc y Tenejapa

¹³ canela, poxil te ay sbujts' yiq'ue, pom, mirra, perfumeetic, vino, aceite, lequil harina, trigo, wacaxetic, chijetic, caballoetic, carretaetic, mosoetic, soc yantic ants-winiquetic.

Nuevo Testamento Tzeltal de Amatenango

¹³ sok kanela sok yan poxil weꞌelil te ben bujtsꞌan yikꞌe, sok pom, sok mirra y perfumeetik, sok bino, sok aseite, sok ben fino harina y triwu, sok chanbalametik yuꞌun ijkatsil, karneraetik, kawuetik sok karretaetik, y asta sok mosoetik, sok yan xan genteetik.

Bible in Tzeltal Bachajón

¹³ canela, pimienta clavo, pom, mirra, perfume, vino, aceite, trigo soc lequil juch'bil trigo; wacaxetic, tuminchijetic, cawuhetic soc carretahetic; soc ants-winiquetic te ya yich'ic chonel yu'un mosohinel.

Apocalipsis 18:13 Referans Kwoze

Ezequiel 27:13

Soc nix te Grecia, Tubal soc Mesec tal yaiy manbajel chonbajel ta atojol. La yaq'uic mosoetic soc te bila pasbil ta bronce.

Amós 2:6

Jich ya yal xan te Cajwaltique: —Te mach'a ayic ta Israel bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel la xchonic bael te mach'atic ma'yuc smulique; te mach'a me'baetic, jun nax par zapato la sjelic bael a.

2 Pedro 2:3

Scaj sbic'tal yo'tanic yu'un taq'uin te ya slo'layex ta swenta slotil-c'opic te ya yaq'uic ta nopele. Ja'uc me to, namey chapal sc'oplalic te ya yich'ic castigo yu'un. Ma xju' ya scoltay sbaic te ya xbajt'ic ta lajel.

Nehemías 5:8

Jich la calbey: —Te jo'otic, te bay c'alal ju'em cu'untic la cac'tiquix ta libre yu'un sbetic te jlumaltic judioetic, te chonbilic ta stojol yantic lumetic te ma ba xch'uunejic te cuxul Diose. ¿Yo'tic ja'ex bal ya awaq'uic ta mozoinel xan, swenta yu'un ya jcha'cac' xan ta libre jiche? —la cut. Lamajic bael yu'un, melel ma wejt' te bila la yalic yu'un te jc'ope.

Isaías 50:1

Te Cajwaltic ya yal: —Ma me xacuyic te jo'on la jticun sujt'el te Israele, te jich c'oem te bit'il ame' te ja'exe, jich bit'il jtul winic ya sticun sujt'el te yiname; o la jchonex bael ta mosoil scaj te ay mach'a ay jbet yu'une. Baex ta chonel ta scaj te la ale amulique; Israel te ame'ic te ja'exe, ijq'uitayot jilel ta scaj te toyol la awac' abaique.

Deuteronomio 24:7

“Teme ay jtul israel te yac ta yelc'anel bael jtul slumal te ya xtaote, teme yu'un ya yac' ochel ta yabat, o teme yu'un ya xchone, ac'a me yich' ticunel ta milel te mach'a jich ya spase, swenta yu'un jich me ya xlaj te bila amen ya xchicnaj ta awolilique.

Éxodo 21:16

“Ja' nix jich teme ay mach'a ya yelc'an loq'uel jtuluc te ya xchone, o teme sjoinej ya xtaote, ya me xchajbanbot sc'oplal ta lajel.

1 Timoteo 1:10

soc mach'atic ya xyalic ta mulile, soc te mach'atic sjoy sbaic nax ta winiquil te ya yuts'inbey sba sbaq'uetalique, soc te mach'atic ya sleic ants-winiquetic te ya yelc'anic baele, soc te jpas-lotetique, soc te mach'atic ya yac' sbaic ta yalel lotil testigo-c'op, soc xan te mach'atic ya scontroinic te lequil p'ijubtesele.

Amós 8:6

swenta yu'un ya jmantic a te me'baetic; te mach'atic ma'yuc bi ay yu'unique ya jeltic ta jun nax par zapatos. Ja' me ya jchonbeytic te sts'ubil trigoe —xaex ta yalel.

Amós 6:6

Ta muc'ul copaetic ya awuch'ic a te vino, ya atuuntesic mero lequil perfumeetic. Ja' ma'yuc sc'oplal ta awo'tan te quechel ta jinel te lume.

Cantares 5:5

Jich jajch'on ta sjamel te na yu'un te mach'a bayal jmulaneje. Ta jc'ab soc yalatac jc'ab xt'ulajan coel mirra ta sba sjamjibal ti'nail. C'alal la caiy c'opoj, ya xlajonix la caiy yu'un. La jambey na te mach'a bayal ya jmulane, pero ma ba tey ayix a. La jle, pero ma'yuc banti chican, la cawtay, pero ma ba la sjac'bon.

Proverbios 7:17

La cac'beyix perfume, ja' te buen smeset yiq'ue: mirra, áloe soc canela.

2 Crónicas 9:9

Te antsil-ajwalil la yac'bey te muc' ajwalil Salomón oxmil soc waxacwinic yoxbajc' (3,960) kilo oro, soc c'axem to xan bayal perfumeetic soc bayal t'ujbil tonetic. Ma'yuc jich yipal perfumeetic c'ot ta lum Israel a te jich yipal la yac' te antsil-ajwalil yu'un Sabá, te la yac'bey te muc' ajwalil Salomón.

1 Reyes 10:25

Ta jujun ja'wil ya yich'beyic bael smajt'anin biluquetic te pasbilic ta plata soc ta oro, c'u'iletic, at'ejibaletic yu'un guerra, bitic bujts'an yic', caballoetic soc mulaetic.

1 Reyes 10:15

Ma ba ajtaybil te jayeb pataniletic te tojbot yu'un te jchonbajeletic soc te jmanbajeletic, soc ta spisilic te muc' ajwaliletic yu'un Arabia, soc te jwentainwanejetic ta slumale.

1 Reyes 10:10

Jich ora la yac'bey oxmil soc waxacwinic yoxbajc' (3,960) kilo oro, soc bayal perfumeetic soc t'ujbil tonetic. Ma'yuc yan jich bayal perfume c'ot ta Israel a te bit'il c'o sq'uebanbey te muc' ajwalil Salomón te antsil-ajwalile.

Deuteronomio 28:68

Manchuc me la yalbat te Cajwaltic te ma'yuc bi ora ya sujt'atix xan bael ta sbelal Egipto, pero ya me yac'at xan bael ta barcoetic tey a. Ya me achon aba ta stojol acontro, pero ma me ayuc mach'a ya sc'an ya smanat —xi' te Moisese.

Cantares 1:3

Buen t'ujbil sbujts' te perfumeetic awu'une; malem perfume c'oem te abiile. Ja' yu'un ya smulanat te antsetique.

1 Crónicas 5:21

Jich la yich'beyic bael xchamsbalam te scontroique. Ay lajuneb yoxwinic ta jmil (50,000) ta jcojt' camelloetic, soc lajuneb yoxlajunwinic ta jmil (250,000) ta jcojt' chijetic, soc cha'mil (2,000) ta jcojt' burroetic. Ay la xchuquic bael jo'winic ta jmil (100,000) soldadoetic.

Cantares 3:6

¿Bila a te yac ta talel ya quiltic ta jochol taquin q'uinale, yac ta talel ta yolil ch'ail, ta yolil xch'ailel mirra soc xch'ailel pom, soc spisil ta jchajp te perfumeetique?

Apocalipsis 18:14

Jich me ya yalbeyic te muc'ul lume: “Ma'yuquix awu'un spisil te sit awal-ts'unubil te mulanbil awu'un. Lajix yutsil spisil te ac'ulejal soc te bila bayal yutsilal te ay awu'une. Jc'axel me ma'yuc bi ya ataix”, xi' sc'oplal.

Apocalipsis 18:15

Te mach'atic la yat'elinic xchonel in to soc te la sta sc'ulejalic ta swenta te muc'ul lume, q'uejel to me ya stejc'an sbaic ta yilel ta scaj xiwel yu'un te castigo yac ta yich'ele. Ya me x'oq'uic soc ya me smel yo'tanic yu'un,