Apocalipsis 18:10 - Bible in Tzeltal de Oxchuc y Tenejapa

¹⁰ Q'uejel to me ya stejc'an sbaic ta yilel ta scaj xiwel yu'un te castigo yac ta yich'ele. Jich ya yalic yu'un: “Obol nax aba, ja'at muc'ul lum Babilonia, te bayal awipe. Yu'un ora nax c'ot castigo ta atojol”, xiic ta smelel yo'tanic.

Nuevo Testamento Tzeltal de Amatenango

¹⁰ Jakal to me ya yilik sok xiꞌel te swokolike, y ya me yalik: —¡Ay, oꞌol me aba, mukꞌul jtejkꞌum Babilonia, mukꞌul jtejklum te beno awipe! Porke jtsꞌin nax a tal te kastigo awuꞌune —xchiik me.

Bible in Tzeltal Bachajón

¹⁰ Namal to ya me stehc'an sbahic yu'un ya xi'beyic te swocole, soc hich me ya yalic: ¡Obol sba, obol sba te muc'ul Babilonia, te muc'ul pueblo te bayel yip! ¡Como ta junax ora c'oht te castigo ta atojol! xchihic.

Apocalipsis 18:10 Referans Kwoze

Apocalipsis 18:19

Soc la sjopic ts'ubilum, la sbusq'uin ta sjolic ta oq'uel yu'un te muc'ul lume. Bayal la smel yo'tanic soc la yoq'uetayic. Jich la yalic xan ta aw: “Mero obol sba te muc'ul lume. Ta swenta te sc'ulejale la sta sc'ulejalic spisil a te mach'atic ay sbarcoic ta mare. Ja'uc me to, ora nax laj ta spisil te lume”, xiic.

Apocalipsis 18:8

Ja' swentail te jun nax c'aal ya xtal castigo ta stojole. Ya xtal lajel, oq'uel soc wi'nal, soc ya me yich' chiq'uel ta c'ajc'. Melel ay bayal yip te Cajwaltic Dios te ya yac'bey castigoe”, xi' la caiy.

Apocalipsis 14:8

Tsac'linot yu'un yan ch'ul abat te jich la yale: “Jc'axel jinix te muc'ul lum Babilonia te la syacubtes spisil ta jchajp nacionetic a te vino yu'une, ja' bi ja' te la yac'bey snopic te smulweje”, xi' ta aw la caiy.

Amós 5:16

Jich ya yal te Cajwaltic Dios te Spisil ya xju' yu'une: —Ay me oq'uel ta yolil lum, ta spisil calleetic ay me awetic.Jich me ya yalic: “¡Ay! ¡Ay!”, xiic me ta oq'uel. Ya me x'ic'otic tel ta oq'uel te mach'atic ayic ta c'alc'altic, soc te mach'atic yat'elinejic oq'uel yu'un te mel-o'tane.

Joel 1:15

¡Ay! Ya xnoptsajix sc'aalelal te Cajwaltique. Mero xiweltic sba te c'aal in to; ya me yich'botic tel lajel, ja' lajel yu'un te Mach'a Spisil ya xju' yu'une.

Apocalipsis 17:12

“Te lajunch'ix xulub te la awile ja' seña lajuntul muc' ajwaliletic te ma to ayuc yat'elique. Ja'uc me to, ya me yich' yat'elic ta muc' ajwalil junuc ora soc te muc'ul chambalam te xi'bantic sbae.

Jeremías 30:7

Ya me xnoptsaj tel sc'aalelal te mero xiweltic nax sbae; ma me ayuc jich sc'aalelal ya xc'ot yan a. Ja' me sc'aalelal te ya yaiy mel-o'tan te lum yu'un Jacob; ja'uc me to, ya me jcoltay.

Isaías 21:9

Yacon ta yilel te yac ta beel tel jun carreta, nitbil tel ta cha'cojt' caballoetic”, xi'. Ay mach'a jich la yal: “Jinix, lajix te Babilonia. Spisil te loc'ombaetic, ja' te yajcananique, yalic coel ta lum, wuyultic nax c'otic”, xi'.

Números 16:34

C'alal chicnaj yawic, spisil te israeletic te ayic ta sjoyobal, loq'uic ta animal, soc jich la yalic bael: —¡Ma me sbic'otic bael te lumq'uinale! —xiic.

Isaías 47:9

Ajc' nax, ta jun nax c'aal ya me xc'ot xchebal te woclajel ta atojole: me'ba ants ya xjilat, soc ma'yuc awalatac, manchuc me bayal buelta ya apas ac'-chamel soc pic-c'abal.

Ezequiel 32:9

“Te c'alal ya yaiyic te yantic nacionetic, te ma ba la ana'bey sba, te la awich'ix lajinele, ya me cac' te ya smel yo'tan bayal ta jpam lumetic.

Apocalipsis 11:8

Tixil me ya xjil sbaq'uetalic ta calle ta bay muc'ul lum te banti la yich' jijp'anel ta cruz te Cajwaltique, te muc'ul lum Sodoma sbiil soc Egipto sbiil ta alel sc'oplal.

Apocalipsis 16:19

Oxchajp loc' a te muc'ul lume, soc wuy coel ta spisil te muc'ul lumetic te ayic ta jujun nacione. Te muc'ul lum Babilonia sbiile, ma ba ch'ay ta yo'tan Dios te puersa la yac'bey yuch' te vino ja' te tulan yilimba te Diose.

Apocalipsis 18:18

Te bit'il la yilic te yac ta moel xch'ailel ta c'ajq'uel te muc'ul lume, awunic yu'un. Jich la yalic ta aw: “Ma'yuc yan lum jich te bit'il in muc'ul lum to”, xiic yu'un.

Apocalipsis 18:21

Soc ay jtul ch'ul abat la quil te ay bayal yipe. La sq'uech muc'ul ton te pajal soc te muc'ul cha'. La xch'oj ochel ta mar. Jich la yal: “Jich me ya awich' ch'ojel coel, muc'ul lum Babilonia. Soc jc'axel me ya xch'ayat ta q'uinal.