Apocalipsis 18:1 - Bible in Tzeltal de Oxchuc y Tenejapa

¹ Patil la quil yan ch'ul abat te yac ta coel tel ta ch'ulchane. Chican te tulan yat'el yich'oje. Sacub q'uinal ta balumilal yu'un te yutsil xojobile.

Nuevo Testamento Tzeltal de Amatenango

¹ Ta patil to la kil jtul xan ángel te yipal tal ta koel ta chꞌulchane. Tulan yichꞌoj yaꞌtel, y te balmilal sakub kꞌinal yuꞌun te xojobile.

Bible in Tzeltal Bachajón

¹ Patil la jquil co tal ta ch'ulchan yan ch'ul a'bat te tulan ya'tel yich'oj, soc sacub q'uinal ta bahlumilal yu'un te sts'anabule.

Apocalipsis 18:1 Referans Kwoze

Ezequiel 43:2

La quil te yac ta talel ta stojol sloq'uib c'aal te xojobil yutsilal Dios yu'un Israel. Ay bila buen tulan chicnaj sc'op, pajal soc sc'op buen muc'ja' yaiyel, te lume noj ta saquil q'uinal.

San Lucas 17:24

Yu'un te bi ora ya xtal te Nich'anile, jich me ya xchicnaj tel te bit'il ya xlem tel tsantsewal ta bay juju-jmejch' te ch'ulchane.

Apocalipsis 21:23

Ma xtuun xojobil c'aal soc xojobil u tey a. Melel ja' sacuben q'uinal yu'un te yutsil xojobil te Diose soc te xojobil te Alalchije.

Apocalipsis 17:1

Tal sc'oponon jtul ta sjuctululic te ch'ul abatetic te yich'ojic te juqueb copaetique. Jich la yalbon: —La' li'to, ya cac'bat awil te castigo ya yich' te mero jmulawil ants te nacal ta sba te maretique.

Apocalipsis 10:1

Soc la quil coj tel ta ch'ulchan yan ch'ul abat te bayal yipe. Potsol tel ta tocal soc ay arco iris joyol ta sjol. Te sit yelawe xlememet nax xojobil jich bit'il te c'aale. Te yacane jich yilel te bit'il muc'ul oy te tsajxojan nax sc'aale.

2 Tesalonicenses 2:8

Teme ya yich' loq'uesele, ya me xchicnaj te mach'a mero jmulawil winique. Te Cajwaltic Jesuse ta sjab nax ye ya smil. Tic' ya sjinbey yu'el a te bit'il ya xchicnaj tel soc yip yu'el te Cajwaltique.

Apocalipsis 17:7

Jich la yalbon te ch'ul abate: —¿Bi yu'un te cham nax la awaiy yu'une? Ya calbat awaiy te ants te muquen ay sc'oplale soc te muc'ul chambalam te xi'bantic sba te cajal tel a te ay jucp'ij sjol soc lajunch'ix xulub.