Apocalipsis 17:8 - Bible in Tzeltal de Oxchuc y Tenejapa

⁸ Te muc'ul chambalam te xi'bantic sba te la awile, ja' seña te mach'a ay ta neelale te ma ba chican ta ora to soc te ya to xmo loq'uel tel ta bay te xaabe. Patil ya me xbajt' ta lajel ta jc'axel. Te mach'atic cuxajtic ta balumilal te ma nacaluc sbiilic ta lista swenta cuxinel c'alal to ta xjajch'ibal te balumilale, cham nax me ya yaiyic te c'alal ya yilic te muc'ul chambalam te xi'bantic sba te ay ta neelal te ma ba chican ta ora to soc te ya to xchicnaj xane.

Nuevo Testamento Tzeltal de Amatenango

⁸ Te chanbalam te lom yan la awile, jaꞌ te kuxul ta nail toe, pero ma chikanukix. Pero ya xba lokꞌuk tal ta chꞌen antes te ya xba yichꞌ lajinel ta spisile. Te genteetik ta balmilale te ma nakaluk sbiilik te ba slibroal yuꞌun te kuxlejal desde pas te balmilale, lom cham me ya yaꞌiyik te kꞌalal ya yilik te chanbalam te lom yane, te kuxul ta nail toe, y ma chikanukix, pero ya me chiknaj xan.

Bible in Tzeltal Bachajón

⁸ Te chambahlam te xiweltic sba la awile, ay ta namey, ma ba ay ta ora ini, ya to xloc' tal ta xahab soc ya xbaht ta ch'ayel. Te mach'atic nahinemic ta bahlumilal te ma ba ts'ihbabil sbihilic ta libro scuenta cuxlejal ta shahchel to tal bahlumilal, xcham yo'tanic yu'un te c'alal ya yilic te chambahlam te xiweltic sba te ay ta namey, ma ba ay ta ora ini, soc te ya to xchicnaje.

Apocalipsis 17:8 Referans Kwoze

Apocalipsis 17:11

Te muc'ul chambalam te xi'bantic sba te ay ta neelal te ma ba chican ta ora to, ja' swaxaquebal muc' ajwalil stuquel, ja'uc me to, ja' nix jtul ta sjuctululic te muc' ajwaliletique. Patil ya me xbajt' ta lajel ta jc'axel.

Apocalipsis 11:7

Ja'uc me to, c'alal ju'ix yu'unic a te yat'elic ta testigoe, ya me xloc' tel ta xaab te muc'ul chambalam te xi'bantic sbae. Ya me spasic guerra soc ya me stsalotic yu'un, soc jc'axel ya xmilotic yu'un.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

Apocalipsis 3:5

Te mach'atic ya xju' yu'unic tsalawe, ya me x'ac'bot slapic saquil sc'u'-spaq'uic, soc ma ba ya jtup'bey sbiilic ta bay te libro swenta cuxinele. Soc ya me calbey ta jamal sbiilic ta stojol te Jtate soc ta stojol uuc te ch'ul abatetic yu'une.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

Apocalipsis 20:12

Soc la quil spisilic te animaetic te muc' biq'uit tec'ajtic tey a ta stojol te Diose. Te libroetique la yich' jamel, soc ay yan libro te la yich' jamel te ja' te lista yu'un cuxinele. Dios la yalbey yat'elic juju-jtul te animaetique chican te bi yilel te bila spasojique. Ja' chican te bila ts'ibubil ta bay te libroetique.

Tito 1:2

yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

Efesios 1:4

Namey tsabilotic yu'un Dios ta swenta Cristo te c'alal ma to chicanuc a te balumilale, swenta yu'un ya xch'ultesotic soc ma'yuc bila ts'ilajemotic yu'un a te ya jtejc'an jbatic ta stojole.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

Daniel 7:11

“Te jo'one yacon nax ta yilel. Tey baem co'tan a te bitic puro swenta toybail yacal yalel te ch'in xulubile. Te c'alal yacon ta yilel a, la yich' milel te muc'ul chambalam, la yich' sesenel scojt'ol, la yich' busanel ochel ta c'ajc'.

Apocalipsis 20:15

Soc la yich' ch'ojel ochel ta bay muc' pamal c'ajc' spisilic te mach'atic ma ba ts'ibubil sbiilic ta bay lista yu'un te cuxinele.

Apocalipsis 20:10

Te pucuj te lo'layotic yu'une, la yich' ch'ojel ochel ta muc' pamal c'ajc' te yac ta tilel soc azufre, ta banti yich'ojix ch'ojel te muc'ul chambalam te xi'bantic sbae soc te lotil j'alwanej yu'une. Tey me ya xc'ax swocolic a ta c'aal ajc'ubal ta sbajt'el q'uinal.

Hechos 15:18

Jich la yal te Cajwaltique, te yac'ojix ta na'el stojol spisil in to ta namey q'uinal”, te xie.

Daniel 11:45

Ya me xba spas scampamento ta yolilic te mar soc te ch'ul wits yu'un te T'ujbil Lumq'uinal te xi' sbiile. Pero tey ni me ya staix yorail ya xlajix jilel a, ma me ayuc mach'a ya xcoltayotix yu'un.

Daniel 7:26

Pero ya me snajc'an sbaic ta chajbanwanej te jchajbanwanejetic, jc'axel me ya xloq'uesbot yat'el, soc ya me xlajinot ta jc'axel.

Daniel 7:7

“Te xchanebal muc'ul chambalam la quile, mero ilaybil sba soc xiweltic sba, soc mero bayal yip ta jyalel. Ay buen muq'uic sbaquel ye, taq'uin te yee. Spisil la sbic' soc la sjin, soc la spech' ta teq'uel te sobraile. Te chambalam, ma pajaluc soc te yantic la quil ta jwaiche, melel ay lajunch'ix xulub ta sjol.

1 Pedro 1:20

Chapalix yu'un Dios a te c'alal ma to pasbiluc a te ch'ulchan balumilale. Ja'uc me to, slajibal to ora chicnaj tel, swenta yu'un jich me ya awich'ic coltayel yu'un ta apisilic.

Salmos 69:28

Tup'beya sbiilic ta slibroil cuxlejal; ma me xawaq'uic ta slistaul te mach'atic toj yo'tanique.

Daniel 7:3

Ora nax loc' tel ta mar chaneb mero muc'ul chambalametic, ma pajaluc yilelic.

San Lucas 8:31

Te pucujetic la yalbeyic wocol te Jesuse, te manchuc ya x'ac'otic bael ta xaab yu'une.

San Lucas 10:20

Ja'uc me to, ma me ja'uc nax ay sbujts' awo'tanic yu'un te bit'il ya xch'uunbeyex amandalic te pucujetique. Ja'uc me ay bayal sbujts' awo'tanic yu'un te bit'il ts'ibubilix abiilic ta bay te ch'ulchane —xi' te Jesuse.

Apocalipsis 17:2

Te muc' ajwaliletic ta balumilale, yaiyojiquix mulwej soc. Soc spisil te mach'atic cuxajtic ta balumilale, yacubenic yu'un te svinoe, ja' bi, sboltesej sbaic soc ta swenta te smulweje —la yuton.