Apocalipsis 17:4 - Bible in Tzeltal de Oxchuc y Tenejapa

⁴ Te sc'u' slapoj te antse, tsaj soc tsaj'aman. Xch'aloj sba ta oro soc ta t'ujbil lequil tonetic soc ta perlaetic. Yich'oj ta sc'ab copa te pasbil ta oro te nojel tey a te bila ya yilay te Diose, capal soc sbolil te smulweje.

Nuevo Testamento Tzeltal de Amatenango

⁴ Te ants abi slapoj skꞌuꞌ-spakꞌ tsaj-tsajtik te sbonole, y lek xchapoj sba ta oro sok ta ben tsaꞌamik ton sok ta perlaetik. Yichꞌoj ta skꞌab te jun baso pasbil ta oro te nojel a te tutik pꞌajtalanbile y sok smul ta kremiwejele.

Bible in Tzeltal Bachajón

⁴ Te antse chi'in-yax soc tsaj te sc'u' slapoj, ch'albil ta oro, t'ujbil tonetic soc ta perlahetic, soc yich'oj ta sc'ab jun copa pasbil ta oro, nojel ta bintic ilobtic sba soc te yajmule.

Apocalipsis 17:4 Referans Kwoze

Apocalipsis 18:16

soc jich me ya yalic yu'un: “Mero obol sba te muc'ul lume, te slapoj lequil lino-pac' ta neelal, soc tsaj'aman pac' soc tsajal pac' soc xch'aloj sba ta oro soc ta t'ujbil lequil tonetic soc perlaetic.

Jeremías 51:7

Te Babilonia jich c'oem ta jc'ab bit'il vaso pasbil ta oro te la cac' yacubuc spisil ants-winiquetic a. Te nacionetic la yuch'ic te vino, soc ch'ayic ta q'uinal yu'un.

Apocalipsis 19:2

Yu'un toj awo'tan ya awac' castigo ta swenta te bila smelelile, melel la awac'beyix castigo te mero jmulawil ants te la sboltes ta smulwej spamal te balumilale. Dios la yac'beyix stoj te la smilbey te abatetic yu'une”, xiic.

Apocalipsis 18:12

Ja' sp'olmalic te oro, plata, t'ujbil lequil tonetic, perlaetic, lequil lino-pac', seda-pac', tsaj'aman pac', te tsajal pac', soc spisil ta jchajp te'etic te ay sbujts' yiq'ue, soc te bila pasbil ta sbaquel ye te elefantee, t'ujbil te'etic, bronce, hierro, marmol-ton,

Lamentaciones 1:9

Boloben te sc'u'e, ma la sna' te ay swocol ya xc'ot yu'une. Ma'yuc ta ch'uunel yaiyel te bit'il yalemixe; ma'yuc mach'a ya smuc'tesbey q'uinal yaiy. Ya yal: “Ilawilon, Cajwal, peq'uelonix, soc toyol yac'oj sba ta jtojol te jcontroe”, xi'.

Apocalipsis 14:8

Tsac'linot yu'un yan ch'ul abat te jich la yale: “Jc'axel jinix te muc'ul lum Babilonia te la syacubtes spisil ta jchajp nacionetic a te vino yu'une, ja' bi ja' te la yac'bey snopic te smulweje”, xi' ta aw la caiy.

Daniel 11:38

Pero ya xch'uun te dios yu'un te tulan ts'ajq'uetique, ya me yich' ta muc' te dios in to, te ma ba la xch'uun te antiguo sme'-state. Ya me yac'bey smajt'anin oro, plata, t'ujbil tonetic soc spisil biluquetic te toyol stojolique.

Ezequiel 24:13

“Jerusalén, ya jc'an ya jlecubtesat, ya jc'an ya jch'aybat te abolile, ja' te muliletic mero awac'oj awo'tan ta spasele, pero ma xlecubat. Ja' to ya xlecubat a teme la jt'omesbat bael ta atojol te quilimbae.

Ezequiel 24:11

Ac'a ochel ta c'ajc' ta ora te jochol cobre-oxome, asta ja' to teme mero tsajub yu'un c'ajc' te cobre, soc teme c'ajc' loq'uel te sbolile; asta ja' to teme ch'ay te stotole.

1 Reyes 14:24

Ja' nix jich te winiquetic ta spamal sq'uinalic la spasic mulil ta sbaq'uetalic ta swenta yich'el ta muc' te loc'ombaetic yu'unique. La spasic spisil ta jchajp muliletic te ilaybil sba, te yacalic ta spasel te nacionetic ma ba xch'uunejic te cuxul Diose, te jc'axel la xch'oj loq'uel ta stojol Israel te Cajwaltique.

Oseas 9:10

Ya yal te Cajwaltique: —C'alal la jta Israel, bin nax co'tan yu'un, jich bit'il mach'a ya sta ts'usub ta jochol taq'uin q'uinal. Te antiguo ame'-atatic jich c'otic ta jsit te bit'il sabal sit higuera. Ja'uc me to, c'alal c'otic ta bay Baal-Peor la yac' sbaic ta abatinel yu'un te lotil diosetique. La yac' sbaic ta ilayel cu'un, pajal la quilay soc te yajcanan te c'ux ta yo'tanique.

Esdras 9:11

la awal ta swenta te j'alwanejetic, ja' te abatetic awu'une. Ja'at neel la awalbotic te bit'il ay te q'uinal te banti ya x'ochotique, te ya awac' ta jwentatique, te boloben te q'uinal ta scaj sbolil te mach'atic ayic tey a, ta scaj te ilaybil sba scostumbreic yu'un te bit'il ma ba xch'uunejic te Diose, te ja' snojesejic ta pasel a te ixtajele.

Ezequiel 20:30

“Jich xawalbey te lum Israele: “Jich ya yal te Cajwaltique: ‘¿Bi yu'un ya ac'an ya aboltes abaic jich te bit'il antiguo ame'-atatique? ¿Bi yu'un ma junuc awo'tanic ta jtojol, bistuc te ya xbajt' awo'tanic ta xch'uunel te loc'ombaetic ilaybil sbae?

2 Reyes 21:2

Pero te yat'el ma ba lec ta sit Cajwaltic, yu'un ja' nix la spas te bitic amen nax sba la spasic te jaychajp nacionetic te ch'ojbotic loq'uel ta stojolic yu'un Cajwaltic te israeletique.

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Deuteronomio 29:17

ta banti la quiltic te lotil diosetic, soc te ilaybil sbaic loc'ombaetic te pasbil ta te', ton, plata soc ta oro, te ja' xch'uunejic te mach'atic tey ayic ae.

Isaías 66:3

Ja'uc me to, ay mach'atic ya smilbonic jcojt' wacax, soc ya smilic jtul winic; ya sbojbeyic snuc' jcojt' me' chij soc ya sts'otbeyic snuc' jcojt' ts'i'; ya yac'bonic trigo soc xan xch'ich'el chitam; ya xchic'bonic pom, soc ya xch'uunic loc'omba. Te mach'atic ya stsaic ta pasel te bila ilaybile, toyol yo'tan yu'un ta spisil.

Ezequiel 28:13

Ayat ta Edén a, ja' te nichimaltic yu'un te Diose, ch'albilat ta spisil ta jchajp buen t'ujbil tonetic: tsajal rubí, c'an yaxal crisólito, yaxal jade, c'anal topacio, tsajal cornalina, jaspe te yanyan yilele, ijc'al zafiro, yaxal granate soc yaxal esmeralda tonetic. Te ch'alilaletic awu'un soc te staq'uinal chiquiniletic awu'un oro pasbil a, ja' to la yich' chajbanel a te bi c'aalil la awich' pasele.

Apocalipsis 9:21

Soc ma la yijq'uitayic te milawe soc te ts'ilwaneje soc te mulweje soc te eleq'ue.

Apocalipsis 21:21

Ta slajchayjujt'ul te sti' sts'ajq'ue, lajchayeb perlaetic pasbil a. Te jujun sti' jun perla pasbil a. Te smuc'ul calleil te lume pasbil ta oro te xujt' ma'yuc scape te pajal soc espejo te ya xc'ax jsitic ta yilel q'uinal a.