Apocalipsis 17:15 - Bible in Tzeltal de Oxchuc y Tenejapa

¹⁵ Te ch'ul abate la yalbon xan: —Te maretic la awil ta bay nacal te jmulawil antse, ja' seña bayal ta jchajp lum soc bayal ta jtul ants-winiquetic te yanyantic sc'opic soc te chajbalchajp nación ayique.

Nuevo Testamento Tzeltal de Amatenango

¹⁵ Te ángele jich a yalbon euk: —Te jaꞌetik la awile te jaꞌ nakal a te jmulawil antse, jaꞌ seña jtejklumetik, genteetik, y yanetik skꞌop y yanetik nasionetik.

Bible in Tzeltal Bachajón

¹⁵ Soc hich la yalbon xan te ch'ul a'bat: Te ha'etic la awil te banti hucul te j'antsinel-ants, ha pueblohetic, bayel ants-winiquetic, nacionetic soc c'opiletic.

Apocalipsis 17:15 Referans Kwoze

Apocalipsis 17:1

Tal sc'oponon jtul ta sjuctululic te ch'ul abatetic te yich'ojic te juqueb copaetique. Jich la yalbon: —La' li'to, ya cac'bat awil te castigo ya yich' te mero jmulawil ants te nacal ta sba te maretique.

Jeremías 51:55

Ja' me te Cajwaltic, yac ta sjinel te Babilonia, soc ya xch'aybey ta jc'axel sc'op te yajwale. Te controetic yu'un, jich sc'opic te bit'il yip mar, ya me xlumtayot yu'unic.

Jeremías 51:13

Ja'at Babilonia, te ayat ta bay muc'ul ja'etic, soc bayal smuc'ul ac'ulejal, c'otix te alajibale, te slajibal te bit'il ayat ta q'uinale.

Apocalipsis 11:9

Te lumetic te yanyantic sts'umbalique soc te yanyantic sc'opique soc te yanyantic nacionetique, olil xchaneb c'aal ya me yilbeyic sbaq'uetalic te tixilic ta comonsitil. Ma xyac'beyic te ya yich' muquel te sbaq'uetalique.

Apocalipsis 10:11

Jich la yalbon xan: —Puersa me ya awaiy xan j'alwanej yan buelta te bit'il ay sc'oplal yu'un Dios bayal ta pam lumetic soc bayal ta jchajp nacionetic, te yanyantic sc'opique soc te yanyantic muc' ajwaliletic yu'unique —la yuton.

Jeremías 51:42

Mar c'oem te la smuc te Babilonia, la smuc soc te smuc'ul yipe.

Salmos 65:7

Ja'at ya acom te c'alal ya xjajch' niletel yip te ja'e, soc te c'alal ya xjajch' ch'inlajanel yajwal te lumetique.

Salmos 18:4

La sbech'on ta slazoil te lajele; xiwon yu'un te la slicon ta yip ja' c'oeme.

Jeremías 47:2

—Jo'on Ajwalilon ya cal: C'alal ta norte ya xmajc' tel q'uinal, jich bit'il ya xmal tel snojel ja'; te ya smuc te lum soc spisil bila ay tey a, te lumetic soc te mach'atic tey ae. Spisil te mach'atic yajwal te q'uinal, ya x'awunic; te ants-winiquetic tulan ya x'awunic yu'un xc'uxul.

Ezequiel 31:4

Coltayot ta muc'ubel yu'un te ja'al soc te ya'lel te lumq'uinale. Oquin bael muc'ja'etic ta sjoyobal te banti ch'ieme, te la yajts'es spisil te te'etic ta bayuc.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.