Apocalipsis 17:12 - Bible in Tzeltal de Oxchuc y Tenejapa

¹² “Te lajunch'ix xulub te la awile ja' seña lajuntul muc' ajwaliletic te ma to ayuc yat'elique. Ja'uc me to, ya me yich' yat'elic ta muc' ajwalil junuc ora soc te muc'ul chambalam te xi'bantic sbae.

Nuevo Testamento Tzeltal de Amatenango

¹² “Te lajunchꞌix xulbal te la awile, jaꞌ te lajuntul reyetik te mato stam yaꞌtelike. Pero ya me yichꞌ yaꞌtelik junuk ora, jun nax sok te chanbalam te lom yan ta ilele.

Bible in Tzeltal Bachajón

¹² Te lajuneb xulubiletic te awiloj ha lajuntuhl ajwaliletic te ma to ba yich'oj ya'telic; pero ta junax ora pajal ya yich' ya'telic ta ajwalil soc te chambahlam te xiweltic sbahe.

Apocalipsis 17:12 Referans Kwoze

Apocalipsis 12:3

Soc chicnaj yan seña ta yolil ch'ulchan, ja' te muc'ul tsajal chan te xi'bantic sbae. Ay juqueb te sjole soc lajunch'ix xulub, soc ay scorona juju-jp'ij te sjole.

Apocalipsis 13:1

La stejc'an sba ta bay sji'al mar te muc'ul chane. La quil loc' tel ta mar muc'ul chambalam te xi'bantic sbae, ay juqueb sjol soc lajunch'ix xulub. Ta juju-jch'ix te xulube ay scorona, soc ta bay juju-jp'ij te sjole ts'ibubil sbiil swenta stoybac'optayel te Diose.

Daniel 7:24

Te lajunch'ix xulub seña lajuntul ajwaliletic te ya swentainic mandalteswanej, te ya x'ochic ta ajwalil tey a. Ta patil teme c'axique, ya me yich' yat'el yan ajwalil. Te ajwalil ma pajaluc yat'el soc ta spisil te yantic sbabial c'axique, ja' ya sloq'uesbey yat'elic ta ajwalil te oxtule.

Apocalipsis 17:16

Te lajunch'ix xulub la awil te ay ta sjol te muc'ul chambalam te xi'bantic sbae, ya me slab-o'tantayic te jmulawil antse. Me'ba me ya yijq'uitayic soc t'anal ya xjil yu'unic. Ya sti'beyic sbaq'uetal soc ya xchiq'uic ta c'ajc'.

Daniel 7:20

Soc ja' nix jich co'tanuc xcaiybey sc'oplal te lajunch'ix xulube, soc nix te yan xch'in xulub te ay bayal site, te ay ye banti ya yalbey sc'oplal te bitic puro swenta toybaile, te c'axem jich smuc'ul a te bit'il te yantic xulubiletique, soc te oxeb xulubiletic te la yich' bulel loq'uel swenta sjojch'obtesel yawile.

Apocalipsis 18:19

Soc la sjopic ts'ubilum, la sbusq'uin ta sjolic ta oq'uel yu'un te muc'ul lume. Bayal la smel yo'tanic soc la yoq'uetayic. Jich la yalic xan ta aw: “Mero obol sba te muc'ul lume. Ta swenta te sc'ulejale la sta sc'ulejalic spisil a te mach'atic ay sbarcoic ta mare. Ja'uc me to, ora nax laj ta spisil te lume”, xiic.

Apocalipsis 18:17

Ja'uc me to, ora nax laj ta spisil te jich yipal sc'ulejale”, xiic. Soc spisil te yajwal barcoetique soc te jbeometic te ayic ta barcoe soc te j'at'eletic te swentainejic te bit'il ya xbeen te barcoe soc spisil j'at'eletic te ya x'at'ejic ta bay te mare, q'uejel to la stejc'an sbaic.

Apocalipsis 18:10

Q'uejel to me ya stejc'an sbaic ta yilel ta scaj xiwel yu'un te castigo yac ta yich'ele. Jich ya yalic yu'un: “Obol nax aba, ja'at muc'ul lum Babilonia, te bayal awipe. Yu'un ora nax c'ot castigo ta atojol”, xiic ta smelel yo'tanic.

Apocalipsis 10:11

Jich la yalbon xan: —Puersa me ya awaiy xan j'alwanej yan buelta te bit'il ay sc'oplal yu'un Dios bayal ta pam lumetic soc bayal ta jchajp nacionetic, te yanyantic sc'opique soc te yanyantic muc' ajwaliletic yu'unique —la yuton.