Apocalipsis 17:1 - Bible in Tzeltal de Oxchuc y Tenejapa

¹ Tal sc'oponon jtul ta sjuctululic te ch'ul abatetic te yich'ojic te juqueb copaetique. Jich la yalbon: —La' li'to, ya cac'bat awil te castigo ya yich' te mero jmulawil ants te nacal ta sba te maretique.

Nuevo Testamento Tzeltal de Amatenango

¹ Tal skꞌoponon jtul te ta sjukebal te angeletik te yichꞌojik te jukeb basoetike, y la yalbon: —Laꞌ, ya kꞌabeyat awil te kastigo ya yichꞌ te mera jmulawil ants te teꞌ nakal ba sba te jaꞌe.

Bible in Tzeltal Bachajón

¹ Tal jtuhl te huqueb ch'ul a'batetic te yich'ojic te huqueb copahetic, hich la yalbon: La', ya ca'bat awil te castigo ya x'a'bot te j'antsinel-ants hucul ta sba ha'etic.

Apocalipsis 17:1 Referans Kwoze

Apocalipsis 19:2

Yu'un toj awo'tan ya awac' castigo ta swenta te bila smelelile, melel la awac'beyix castigo te mero jmulawil ants te la sboltes ta smulwej spamal te balumilale. Dios la yac'beyix stoj te la smilbey te abatetic yu'une”, xiic.

Jeremías 51:13

Ja'at Babilonia, te ayat ta bay muc'ul ja'etic, soc bayal smuc'ul ac'ulejal, c'otix te alajibale, te slajibal te bit'il ayat ta q'uinale.

Apocalipsis 16:19

Oxchajp loc' a te muc'ul lume, soc wuy coel ta spisil te muc'ul lumetic te ayic ta jujun nacione. Te muc'ul lum Babilonia sbiile, ma ba ch'ay ta yo'tan Dios te puersa la yac'bey yuch' te vino ja' te tulan yilimba te Diose.

Apocalipsis 21:9

Tal jtul ta sjuctulul te ch'ul abatetic te yich'oj te juqueb copaetic te nojel tey a te juccum slajibal castigoetique. Jich la yalbon: —La' me, ya cac'bat awil te ach'ix te ya xnujbin soc te Alalchije —la yuton.

Jeremías 2:20

“Mero bayalix tel c'aal te la atoy aba ta jtojole, ma la ac'an ach'uunbonic jmandal. La awal: “Ma jc'an abatinel”, xaat. Ja' nax la awat'elin spasel mulwej ta bay toyol witsetic soc ta spisil yet'al pimil sc'ab te'etic.

Isaías 1:21

Ja'at lum te jun nax awo'tan ta neelale, ¿bit'il ay a te pajal c'oat soc te jmulawil antse? Ta neelal, toj at'ejic ta spisilic te ants-winiquetique, toj nax ainic ta jujun c'aal; yan ta ora to, ma'yuc bi ay ta awo'tanic, ja' xanix te milawe.

Apocalipsis 15:1

Ta ch'ulchan la quil yan muc'ul seña te yan sba ta ilele. Ja' bi, ay juctul ch'ul abatetic te yich'ojic te juqueb castigoetic te ya yac' ta patil, te ja' ya slajinbeyic yip yilimba a te Diose.

Isaías 57:3

Te Cajwaltic ya yal: —Noptsajanic tel, ja'ex te snich'nabex te jpic-c'abal, te ayinemex yu'un jtul mulawil winic soc mulawil ants.

Apocalipsis 21:15

Te ch'ul abat te yacon ta c'op soque, stsacoj ta sc'ab te bila pajal soc jalal yilel te pasbil ta oro te ya sp'is a te muc'ul lume soc te juju-jujt' sti' soc te sts'ajc'ule.

Apocalipsis 4:1

Patil ay yan bila la quil. Ja' la quil te ay ti'nail jamal ta bay te ch'ulchane. Te sbabial c'op te la caiy stojole, jich sc'op te bit'il oq'uese. Jich la yalbon: —Moan tel li'to, yu'un ya cac'bat awil te bila ya xc'ot ta pasel ta puersa ta patilal baele —la yuton.

San Lucas 24:32

Jich jajch' yalbey sbaic: —Ja' cati swentail te bayal sbujts' la caiytic ta co'tantic te c'alal yac tel ta aiyej ta be soc te la xcholbotic caiytic te Sc'op Diose —xiic.

San Lucas 9:30

Soc chicnaj cheb winiquetic tey a te yacalic ta c'op soc te Jesuse, ja' te Moisés soc te Eliase.

Ezequiel 31:4

Coltayot ta muc'ubel yu'un te ja'al soc te ya'lel te lumq'uinale. Oquin bael muc'ja'etic ta sjoyobal te banti ch'ieme, te la yajts'es spisil te te'etic ta bayuc.

Apocalipsis 1:1

Jich ay te bila la yac' ta na'el Dios ta swenta te Jesucristoe, swenta yu'un jich me ya yac'bey sna' te abatetic yu'une, ja' te bila ya xc'ot ta pasel ta ora naxe. Ta swenta te ch'ul abat yu'un te Jesucristoe, la yac'bey sna' stojol te Juan te ay ta abatinel yu'une.

Apocalipsis 18:1

Patil la quil yan ch'ul abat te yac ta coel tel ta ch'ulchane. Chican te tulan yat'el yich'oje. Sacub q'uinal ta balumilal yu'un te yutsil xojobile.

Apocalipsis 19:9

Soc la yalbon te ch'ul abate: —Ts'ibuya ta jun in to: Bin nax me yutsilic te mach'atic ic'bilic ta we'el yu'un te q'uin swenta nujbinel yu'un te Alalchije —la yuton. Soc jich la yalbon xan: —Ja' in to, ja' smelelil sc'op te Diose —xi'.