Apocalipsis 16:9 - Bible in Tzeltal de Oxchuc y Tenejapa

⁹ Ja'uc me to, ma ba la sujt'es yo'tanic yu'un te smulique, soc ma la yalbeyic yutsil sc'oplal te Diose. Ja' nax caj stoybac'optayic a te Dios te ya xju' yu'un yaq'uel te tulan castigoe.

Nuevo Testamento Tzeltal de Amatenango

⁹ Y spisilik ayik jilel ta wokol yuꞌun te ben kꞌux te skꞌajkꞌale. Pero ni maꞌ sujtes yoꞌtanik ta stojol Dios, ni maꞌ yalbeyik te slekil skꞌoplale. Sino ke la yalik te tutik la stoyba-kꞌoptayik ta skontrainel te Diose te ya xjuꞌ yuꞌun yakꞌel te tulan wokoletik to.

Bible in Tzeltal Bachajón

⁹ Hich chic'otic yu'un te tulan sc'ahc'al, hahch sbohlc'optaybeyic sbihil te Dios te scuentahinej te wocoletic ini, ma ba la suhtes yo'tanic yu'un soc ma ba la yalbeyic yutsil sc'oblal.

Apocalipsis 16:9 Referans Kwoze

Apocalipsis 16:21

Soc ch'ay coel ta ch'ulchan niwac bat te ay cha'winic (40) kilo yalal te juju-jp'ije. Te ants-winiquetique la stoybac'optayic Dios yu'un te muc'ul bate, te melel c'ax tulan te castigoe.

Apocalipsis 11:13

Ora nax a tal tulan nijq'uel. Jin xejt' ta slajunxejt'el te muc'ul lume, soc jucmil (7,000) ta jtul ants-winiquetic laj yu'un te tulan nijq'uele. Jich te ants-winiquetic te cuxulic jilele, och xiwel ta yo'tanic yu'un. Caj yalbeyic yutsilal te Dios te ay ta ch'ulchane.

Apocalipsis 2:21

La jmaliyix bayal c'aal te yacuc sujt'es yo'tanique, ja'uc me to, xujt' ma sc'an sujt'es yo'tanic. Ma la yijq'uitayic spasel te mulile.

San Lucas 13:5

¡Ban c'an jichuc! Melel teme ma xasujt'es awo'tanic yu'un te amulique, jich me ya xlajex ta apisilic uuc —xi' te Jesuse.

San Lucas 13:3

¡Ban c'an jichuc! Melel teme ma xasujt'es awo'tanic yu'un te amulique, jich me ya xlajex ta apisilic uuc.

Jeremías 5:3

Cajwal, te bila ya alebey te ants-winiquetic, ja' te jun yo'tanic ta atojole. Te castigo la awac'bey, ma ba c'ux la yaiyic; la awac'bey tulan swocolic, pero ma teyuc la snopic a. Tulan ta jyalel te yo'tanique, c'ax to jich te bit'il ton; ma la sc'an sujt'ic bael ta bay lequil be.

Apocalipsis 14:7

Tulan jich yac ta yalel ta c'op: “Xi'aic me te Diose. Albeyaic yutsil sc'oplal, yu'un c'otix yorail te ich'el ta c'ope. Lajina me abaic ta stojol te Mach'a la spas ch'ulchan soc te balumilale soc te mare soc te sloc'ja'etique”, xi' la caiy.

Apocalipsis 9:20

Ja'uc me to, te jayeb xan mach'atic ma ba lajic yu'un te miljibaletique, ma la sujt'es yo'tanic yu'un te bila spasoj ta sc'abique. Ma la yijq'uitayic ta ch'uunel te pucujetic soc loc'ombaetic te pasbilic ta oro soc ta plata soc ta bronce soc ta ton soc ta te', te ma xyilic q'uinal soc te ma xyaiyic stojol c'op soc te ma xju' ya xbeenique.

2 Corintios 12:21

Soc ya jxi' te ya awac'onic ta q'uexlal ta stojol Dios te c'alal ya xcha'tal quilexe, soc te repente ya coq'uetay jba yu'un te tsobolex te ataoj amulic ta neelal to te ma ba sujt'em awo'tanic yu'un te amulwejique, soc te chican nax mach'a la ac'opon abaic soque, soc spisil te bila q'uexlaltic nax sba te la apasique.

Ezequiel 24:13

“Jerusalén, ya jc'an ya jlecubtesat, ya jc'an ya jch'aybat te abolile, ja' te muliletic mero awac'oj awo'tan ta spasele, pero ma xlecubat. Ja' to ya xlecubat a teme la jt'omesbat bael ta atojol te quilimbae.

Isaías 8:21

Te ants-winiquetic chican nax bay ya xbajt'ic ta juju-jmech', tenbilic me ta woclajel soc ta wi'nal; ta scaj te wi'nale, ya me yac' sc'ajc'al yo'tanic. Ya me yalbey bol sc'oplal te muc' ajwalil yu'unic soc te yajcananique. Ya me stoy moel yelawic ta toyol,

Isaías 1:5

Te ja'exe ya awat'elinic spasel te toybail, ta abaq'uetal ma'yuquix bay jochol te ya awich' xan castigo. Ta swolol ajol ejch'enajem, jc'axel ch'ayem te awip ta jyalele.

2 Crónicas 28:22

Te bit'il la sta uts'inel te Acaz; ja'uc me to, cha'toy xan ta bolobel yo'tan ta stojol te Cajwaltique. Awaiy bit'il ay yo'tan te muc' ajwalil Acaz.

2 Reyes 6:33

C'alal jich yacal ta yalbel a te mamaletique, te muc' ajwalil c'ot ta stojol Eliseo. Jich la yal: —Te bit'il ja' nix Cajwaltic te la sticunbotic wocole, ¿bila yan ya jmaliy xan ta stojol jiche? —xi'.

Josué 7:19

Jich yu'un te Josué la yalbey te Acán: —Jnich'an, ac'a ta ilel yutsilal te Cajwaltic te Dios cu'untic te israelotique, ac'a ta ich'el ta muc'. Albon caiy te bila apasoje, ma me x'amuc ta awo'tan —la yut.

Jeremías 13:6

Bayal c'aal ta patil te Cajwaltic la yalbon: —Baan ta muc'ja' Éufrates, ich'a tel te xchujq'uil ach'ujt' la calbat te la anaq'ue —xi'.