Apocalipsis 16:7 - Bible in Tzeltal de Oxchuc y Tenejapa

⁷ Soc la caiy stojol te ay mach'a c'opoj tey a ta bay xchic'jibal milbil smajt'an te Diose, te jich la yale: “Melel nix a Cajwal, te Diosat te Spisil ya xju' awu'une, toj awo'tan la awaq'uix castigo ta swenta te bila smelelile”, xi' ta yalel.

Nuevo Testamento Tzeltal de Amatenango

⁷ Jich a kaꞌiy xan te ba altar te jich a yale: —Jich, Kajwal, te Diosat te spisil ya xjuꞌ awuꞌune, jaꞌat la awakꞌix kastigo ta stojil sok batsꞌi jich —xchi.

Bible in Tzeltal Bachajón

⁷ Soc la jca'iy ay mach'a c'opoj talel tey ta scajtajib ta chiq'uel mahtanil, hich la yal: Melel, Cajwaltic Dios te spisil ya xhu' awu'un, smelelil soc stojil te chahpanel awu'une, xchi.

Apocalipsis 16:7 Referans Kwoze

Apocalipsis 19:2

Yu'un toj awo'tan ya awac' castigo ta swenta te bila smelelile, melel la awac'beyix castigo te mero jmulawil ants te la sboltes ta smulwej spamal te balumilale. Dios la yac'beyix stoj te la smilbey te abatetic yu'une”, xiic.

Apocalipsis 6:9

Te c'alal la sjam te yo'ebal sello te Alalchije, la quil te ay xch'ulelic ta bay yanil te xchic'jibal milbil smajt'an Dios te jayeb mach'atic la yich'ic milel ta scaj te sc'op Dios soc te jun yo'tan la yalic ta testigo te bila xch'uunejique.

Isaías 6:6

Ora wil tel jtul serafín, tal ta jtojol. Slot'oj ta tenaza ac'al te tsajubene, tey la stsac tel ta sba te scajtijib smajt'an te Diose.

Apocalipsis 14:18

Soc ay yan ch'ul abat te loc' tel ta bay te xchic'jibal milbil smajt'an te Diose te ay yat'el ta swentainel te c'ajq'ue. Tulan la yawtay te ch'ul abat te yich'oj ta sc'ab te os te ay yee. Jich la yalbey: “Ochan ta at'el soc te os awich'oj te ay yee. Tsobeya sit ta chojolchoj te ts'usub te ay ta balumilale, yu'un tac'ajemix te site”, la yut.

Apocalipsis 14:10

ya me x'ac'bot yuch'ic te vino, ja' te yilimba Dios te xujt' ma'yuc scape, te nojel yu'un a te vasoe. Ya me x'ac'bot c'axuc bayal swocolic ta c'ajc' te yac ta tilel ta azufre ta sitic te ch'ul abatetic yu'un te Diose soc ta sit te Alalchije.

Apocalipsis 13:10

Te mach'a jich sc'oplal ya yich' chuquel, ya me yich' chuquel. Soc te mach'a jich sc'oplal ya yich' milel ta puñal, ya me yich' milel ta puñal. Ja' in to ja' smuc'ul co'tantic te ya sts'ijc' cu'untic ta swenta xch'uunjel co'tantic soc te mach'atic ch'ul lum yu'un te Diose.

Ezequiel 10:7

Ta ye'tal te xiq'uic te querubínetique ay bila chicanic ta ilel, jich yilel te bit'il sc'ab winique. Te jtule la yac' bael sc'ab ta stojol te c'ajc' ay ta olile. La stsac jtebuc c'ajc', la yac'bey ta sc'ab te winic sc'u'inej lino-paq'ue. Te winique la stsac te c'ajq'ue, c'alal la stsac, bajt' ta ora.

Ezequiel 10:2

Te Cajwaltic la sc'opon te winic sc'u'inej lino-paq'ue, jich la yalbey: —Ochan ta yolil te ruedaetic yu'un carretaetic ta ye'tal te querubínetique. Jopa jojpuc ac'al te ay sc'aal te ay ta yolilic te querubínetique. Lilinbeya coel ta sba te lume —la yut. La quil bit'il och te winique.

Apocalipsis 1:8

“Jo'on Alfaon, jo'on Omegaon; ayon ta xjajch'ibal soc ta slajibal”, xi' te Cajwaltic te Spisil ya xju' yu'une. Ja' te mach'a stalel aye, soc te ay ta namey tele, soc te mach'a jtalelixe.