Apocalipsis 16:6 - Bible in Tzeltal de Oxchuc y Tenejapa

⁶ Yu'un la smalbeyiquix xch'ich'el te mach'atic ch'ul lum awu'une soc te j'alwanejetic awu'une. Jich la awac'beyix yuch'ic ch'ich'. Jich ya sc'an pasbeyel yu'un te bit'il jich la spasique”, xi'.

Nuevo Testamento Tzeltal de Amatenango

⁶ Porke stukelik la smalbeyik xchꞌichꞌel te machꞌatik aylan awuꞌune, y sok te jꞌalwanejetike. Jich te ora to jaꞌat la awaꞌbe yuchꞌik te chꞌichꞌe, yuꞌun jich mismo ya skꞌan ya xkꞌot ta skuentaik —xchi.

Bible in Tzeltal Bachajón

⁶ como la smalbeyic sch'ich'el te mach'atic ch'uhltesbilic soc te jalwanejetic; ha nix hich ch'ich' la awa'be yuch'ic, como hich ya sc'an pasel ta stojolic, xchi.

Apocalipsis 16:6 Referans Kwoze

Isaías 49:26

Ya me jsuj te j'uts'inwanejetic awu'un te ya xjajch' sti'ic te sbaq'uetalique; soc ja' ya cac' te ya xyacubic soc te xch'ich'elique, jich me ta yo'tanic te bit'il trago. Jich me ya sna'ic spisil te ants-winiquetic ta balumilal te jo'on Ajwalilon te Jcoltaywanejon awu'une; te jo'one, ja' Yipon Jacob, jo'on J'ac'wanejon ta libre awu'un —xi' te Cajwaltique.

Apocalipsis 11:18

Ilinix yo'tanic te nacionetique. Ja'uc me to, c'otix yorail te awilimbae, soc c'otix yorail te ya awilbey yat'elic te mach'atic lajemique, soc te ya awac'bey stojol sc'abic te abatetic awu'un te yacalic ta yaiyel j'alwaneje, soc te jayeb te mach'atic ch'ul lum yu'un te Diose, soc spisil mach'atic yich'oj ta muc' te abiile, chican teme muc' biq'uite, soc c'otix yorail te ya awac' ta lajel te mach'atic ya sboltesic te balumilale”, xiic ta yalel.

Apocalipsis 18:24

Melel ta bay te muc'ul lume, chicnajix te tey malbil xch'ich'elic te j'alwanejetic yu'un te Diose soc te mach'atic ch'ul lum yu'un te Diose soc spisil yantic te lajemic ta milel ta balumilale.

Apocalipsis 13:15

Soc ac'bot ta swenta te ya yac' cuxinuc sloc'omba te sbabial chambalam te xi'bantic sbae, swenta yu'un jich me ya xc'opoj te loc'ombae soc swenta yu'un jich ya yac' ta milel spisil te mach'a ma sc'an slajin sbaic ta stojole.

2 Reyes 24:4

Soc ta scaj te la smalbey xch'ich'elic te mach'atic ma'yuc bi spasojic, te la snojes ta ch'ich' c'oem a te Jerusalén. Ja' yu'un ma ba la sc'anix la spasbey perdón te Cajwaltique.

Apocalipsis 19:2

Yu'un toj awo'tan ya awac' castigo ta swenta te bila smelelile, melel la awac'beyix castigo te mero jmulawil ants te la sboltes ta smulwej spamal te balumilale. Dios la yac'beyix stoj te la smilbey te abatetic yu'une”, xiic.

Apocalipsis 13:10

Te mach'a jich sc'oplal ya yich' chuquel, ya me yich' chuquel. Soc te mach'a jich sc'oplal ya yich' milel ta puñal, ya me yich' milel ta puñal. Ja' in to ja' smuc'ul co'tantic te ya sts'ijc' cu'untic ta swenta xch'uunjel co'tantic soc te mach'atic ch'ul lum yu'un te Diose.

Lamentaciones 4:13

Melel ta scaj spisil smul te j'alwanejetic yu'une, soc te bila amen la spasic te sacerdoteetic, te tey nix ta yolilal lum la smalbeyic xch'ich'el te mach'atic ma'yuc smule.

Apocalipsis 18:20

Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.

Hebreos 10:29

¿Ma bal c'axemuc to xan jich castigo ya yich' awaiy te mach'a ya spech'an ta teq'uel te Snich'an Diose, soc te ma'yuc swentail ta yo'tan te ch'ich' yu'un te trato te la yich' ch'ultesel yu'un ae, soc te ya scontroc'optay te Espíritu yu'un Dios te c'uxtaybil yu'une?

San Mateo 7:2

Melel te jich yipal ya alebey smul te yane, ja' nix jich yipal ya x'albotat amul uuc. Te bi yilel sp'isol ya awac'bey te yane, jich nix yilel sp'isol ya x'ac'botat uuc.

Jeremías 26:16

Jich yu'un te jtsobwanejetic soc te lum la yalbeyic te sacerdoteetic soc te j'alwanejetique: —Ma'yuc bi swentail te ya yil swocol ta lajel te winique. La sc'oponotic ta swenta Cajwaltic te Dios cu'untique —xiic.

Jeremías 26:11

Jich yu'un te sacerdoteetic soc te j'alwanejetic la yalbeyic te jtsobwanejetic soc spisil te lume: —Ja' in winic to ya me yil swocol ta lajel, melel yac ta scontroinel ta yalbeyel sc'oplal te lume. Ja'ex la awaiyic stojol soc achiquinic —xiic.

Jeremías 2:30

Tojol la cac'bey castigo te anich'nabic, melel ma ba p'ijubic yu'un te p'ijubtesele. Ja'ex nix te jichex te bit'il c'ajc'al león-chojetic, la amilbonic te j'alwanejetic cu'un te c'opoj ta atojolique.

San Lucas 12:48

Yan te abat te ma ba sna'oj te bila la sc'an yo'tan te yajwale, te la spas te bila ay castigo yu'une, jteb nax majel ya x'ac'bot ta swenta stuquel. Te mach'a bayal bila ya x'ac'bote, bayal me te bila ya xc'anbote; soc uuc te mach'a bayal bila ya x'ac'bot swentaine, c'ax jich ya xc'anbot sujt'el stuquel.

Éxodo 7:17

Jich yu'un tey me ya ana' yo'tic a te ja' mero Ajwalil stuquele: Te ya jmaj ta muc'ja' soc te jbastón jtsacoj ta jc'abe, ya me xc'atp'uj ta ch'ich' te ja'e.

Éxodo 21:24

Teme la st'usbey te sit, teme la swuybey te sbaquel ye, teme la sc'asbey te sc'ab, o teme la sc'asbey te yacane,

Ezequiel 32:6

Ya me cajch'es ta ach'ich'el te lume, ya me xc'ot c'alal ta witstiquil, ya me snojesbey xch'enal te muc'ja'etique.