Apocalipsis 16:21 - Bible in Tzeltal de Oxchuc y Tenejapa

²¹ Soc ch'ay coel ta ch'ulchan niwac bat te ay cha'winic (40) kilo yalal te juju-jp'ije. Te ants-winiquetique la stoybac'optayic Dios yu'un te muc'ul bate, te melel c'ax tulan te castigoe.

Nuevo Testamento Tzeltal de Amatenango

²¹ Y ta chꞌulchan chꞌay tal koel ta sba te gentee mukꞌul bat te kꞌaxem yalal ta kuarenta kiloe. Y te genteetike la yalik tutik la stoyba-kꞌoptay ta skontrainel te Dios yuꞌun te tulan wokol yuꞌun te bate, porke jun tulan kastigo a kꞌot.

Bible in Tzeltal Bachajón

²¹ Xtitet cohel tal ta ch'ulchan ta stojol ants-winiquetic niwac bat te jun talento yalal te jujune. Te ants-winiquetic la sbohlc'optayic Dios yu'un te wocol yu'un te bate, como c'ax tulan te wocole.

Apocalipsis 16:21 Referans Kwoze

Apocalipsis 11:19

Jich jam te templo yu'un Dios te ay ta ch'ulchane. Tey la quil a te xcaxail te trato te ay ta yutil te temploe. Soc chicnaj jajch'el tsantsewal soc ay bila yac ta bul ta c'op la caiy soc tal tulan chawuc, soc tulan nijq'uel, soc tal tulan bat.

Apocalipsis 16:9

Ja'uc me to, ma ba la sujt'es yo'tanic yu'un te smulique, soc ma la yalbeyic yutsil sc'oplal te Diose. Ja' nax caj stoybac'optayic a te Dios te ya xju' yu'un yaq'uel te tulan castigoe.

Apocalipsis 16:11

Ja'uc me to, ma la sujt'es yo'tanic yu'un te bila amen la spasique. Ja' nax la stoybac'optayic a te Dios te ay ta ch'ulchane, ta scaj te toyol xc'uxul la yaiyic te sc'a'el-chamelique.

Apocalipsis 8:7

Te sbabial ch'ul abate la yoq'uesin te oq'uese. Chicnaj bat soc c'ajc' capal soc ch'ich' te la yich' malel coel ta bay te lum q'uinale. Laj ta c'ajq'uel jxejt' ta yox-xejt'el te te'etic ta lum q'uinale, soc laj ta c'ajq'uel spisil uuc te yax aquiltique.

Josué 10:11

C'alal yacalic ta coel bael ta stojol Bet-horón te amorreoetic te ayic ta anel yu'un te israeletique, te Cajwaltic la yac' tel c'alal ta ch'ulchan muc'ul batetic, jich bit'il ton jul ta sjolic. Ja' c'axem to xan bayal lajic yu'un a te bit'il la smilic ta puñal te israeletique.

Ezequiel 13:13

Ja' yu'un jo'on Ajwalilon jich ya cal: Ta swenta quilimba ya cac' taluc buen tulan ic'. Ta swenta sc'ajc'al co'tan, ya cac' taluc buen tulan yic'al ja'al, soc ya xch'ay coel tel bat jichuc tonetic. Yu'un jich me ya xlaj spisil ta swenta sc'ajc'al co'tan.

Ezequiel 13:11

Albeya yaiyic te mach'atic ya sbonic ta sac te ts'ajq'ue, te ya xjin coel ta lum. Ya me xtal tulan yic'al ja'al, ya me xch'ay coel tel bat jichuc tonetic, soc ya me xtal buen tulan ic'.

Isaías 8:21

Te ants-winiquetic chican nax bay ya xbajt'ic ta juju-jmech', tenbilic me ta woclajel soc ta wi'nal; ta scaj te wi'nale, ya me yac' sc'ajc'al yo'tanic. Ya me yalbey bol sc'oplal te muc' ajwalil yu'unic soc te yajcananique. Ya me stoy moel yelawic ta toyol,

Isaías 30:30

Te Cajwaltic ya me yac' ta aiyel stojol sc'op te bayal yipe; ya me yac' ta ilel yu'el te ya x'at'ej soc yilimba te xiweltic sbae, soc c'ajc' te xpulpun nax ta tilel te ya xlajinwane, soc chawuc, ja'al soc bat.

Éxodo 9:18

Lec ay, te pajele jich bit'il ora to, ya me xch'ay coel tel muc'ul batetic te ma'yuc bay yac'oj ta spamal Egipto.

Éxodo 9:22

Te Cajwaltic, jich la yalbey te Moisés: —Toya moel ac'ab ta spamal Egipto, ya me xtal bat ta stojol ants-winiquetic soc chambalametic soc te yawal-sts'unubic ta sq'uinal te egipcioetique —xi'.

Job 38:22

“¿Ay bal awiloj te banti ay sq'uejibal cu'un te toibe soc te siquil bate,

Job 38:23

te yu'un ya jticun ta yorail woclajel, ta yorail te jajch'em c'op soc te c'alal jajch'em guerrae?