Apocalipsis 16:2 - Bible in Tzeltal de Oxchuc y Tenejapa

² Te sbabial ch'ul abate ba smal ta lumq'uinal te copa yich'oje. Chicnaj c'a'el-chamel te bayal stuile, c'ot ta swentaic te ants-winiquetic te yich'ojbeyic smarca te muc'ul chambalam te xi'bantic sbae soc te la slajin sbaic ta stojol te sloc'ombae.

Nuevo Testamento Tzeltal de Amatenango

² Te primero ángele bajt y ba smal te sbaso ta sba te balmilale. Y ta spisil te gente te yichꞌojbe te smarka te chanbalam te xiꞌbentik sbae y te la yichꞌbeyik ta mukꞌ te slokꞌole, chiknaj yejchenik te kꞌax ma lekuk y lom kꞌux.

Bible in Tzeltal Bachajón

² Hich baht te primer ch'ul a'bat, la smal ta lumq'uinal te sbahl te copa yu'un, chicnaj chacaletic te chopol soc c'ux ta stojol te mach'atic yich'ojic te marca yu'un te chambahlam te xiweltic sba soc te la sch'uhuntayic te sloc'ombahile.

Apocalipsis 16:2 Referans Kwoze

Apocalipsis 8:7

Te sbabial ch'ul abate la yoq'uesin te oq'uese. Chicnaj bat soc c'ajc' capal soc ch'ich' te la yich' malel coel ta bay te lum q'uinale. Laj ta c'ajq'uel jxejt' ta yox-xejt'el te te'etic ta lum q'uinale, soc laj ta c'ajq'uel spisil uuc te yax aquiltique.

Apocalipsis 16:11

Ja'uc me to, ma la sujt'es yo'tanic yu'un te bila amen la spasique. Ja' nax la stoybac'optayic a te Dios te ay ta ch'ulchane, ta scaj te toyol xc'uxul la yaiyic te sc'a'el-chamelique.

Deuteronomio 28:27

“Te Cajwaltic ya me yac'bat awocol ta swenta c'a'el chin, jich te bit'il la spasbey te egipcioetique. Ya me yac' te ay me bila ya yac' wolajuc ta abaq'uetal, sal soc spintoil, ma me xju' ya apoxtay aba.

Hechos 12:23

Ta ora nax tal jtul ch'ul abat yu'un te Cajwaltique, la yejch'entes te Herodese, scaj te ma ja'uc la yac' ta ich'el ta muc' te Diose. Jich laj ta ti'el yu'un yalja. Jc'axel laj yu'un.

Isaías 3:17

Jich yu'un ya me jt'axanbey jilel sjolic yu'un chamel ta swenta castigo, soc ya me jt'ananbey jilel sbaq'uetalic ta swenta q'uexlal —xi'.

2 Crónicas 21:18

Ma ja'uc nax ta spisil, te Cajwaltic la yac'bey castigo ta chamel ta xch'ujt' te ma'yuc ta poxtayele.

2 Crónicas 21:15

Soc te ja'at ya me xtal bayal chamel ta atojol. Ya me x'och chamel ta ach'ujt', ma xquejch'aj, ja' to teme loc' te abiquile’, xi' me te Dios ta atojole”, xi' te Elías ta scarta.

1 Samuel 5:9

Pero te c'alal la yich'ic c'axel, te Cajwaltic la yac' xan jajch'icuc ta buen xiwel. Spisil yajwal lum la yac' jajch'uc sijt'ubelic ta spisil, muc'-biq'uitetic.

1 Samuel 5:6

Patil te Cajwaltic la yac'bey buen tulan castigo soc bayal xiwel yu'un te yajwal Asdod soc ta spamal te sq'uinalique, ac'botic sijt'ubel wolajtic ta sbaq'uetalic.

Deuteronomio 7:15

Te Cajwaltic ma me xyac' noptsajuc spisil chameletic ta atojolic, soc ma xyac' tel ta atojolic te bitic mero xiweltic sba te ya x'uts'inwane, te jich bit'il ana'ojic ta lec te la yac' c'otuc ta stojolic te egipcioetique. Yan ta spisil te acontroique, ya me yac'bey swocolic stuquelic.

Isaías 3:24

Te sbujts' perfume ya xc'atp'uj ta stuil; te xchujq'uil ch'ujt'ic, lazo ya xc'ot sjelol; te buen tesbil sjolique, t'axal ya xjil; te c'ax t'ujbil sc'u'ique, ch'ixal pac' ya xc'ot sjelol; te bit'il jelawen yutsil ta ilel te antsetique, ya me yich' marca ta c'ajc'al tan.

Salmos 78:26

Te ic' te tal ta stojol sloq'uib c'aal soc te ic' te tal ta stojol sur, beenic ta yolil ch'ulchan; ta swenta yu'el Dios beenic tel.

Apocalipsis 14:16

Jich och ta c'ajoj soc te os ta balumilal te mach'a nacal la quil ta sba te tocale. La yaiy c'ajoj ta balumilal.

Deuteronomio 28:35

Te Cajwaltic ya me yac' c'axuc awocol ta swenta c'a'el ta sjol awacan, soc sbaq'uetal awa', soc ta scojt'ol abaq'uetal. Ma me xlecubat ta poxtayel.

Apocalipsis 13:12

Te bila ya spase, ja' ya spas ta swenta te bit'il ay yat'el yich'oj te sbabial muc'ul chambalam te xi'bantic sbae. Ja' ya x'at'ej ta stojol soc jich la yac'bey slajin sbaic spisil mach'atic ainemic ta balumilal ta stojol te muc'ul chambalam te xi'bantic sba te colemix yejch'ene.

Apocalipsis 14:9

Tsac'linot yu'un yan ch'ul abat te ja' yoxebalix a. Jich la yal ta aw: “Te mach'atic ya slajin sbaic ta stojol te muc'ul chambalam te xi'bantic sbae soc ta stojol te sloc'ombae soc te ya yich'beyic smarca ta stibaique o ta sc'abique,

Apocalipsis 16:1

La caiy stojol te ay mach'a tulan c'opoj loq'uel tel ta bay yutil templo te jich la yalbey te juctul ch'ul abatetique: “Baanic, malaic ta balumilal te juqueb copaetic te nojel ta yilimba te Diose”, utotic.