Apocalipsis 16:19 - Bible in Tzeltal de Oxchuc y Tenejapa

¹⁹ Oxchajp loc' a te muc'ul lume, soc wuy coel ta spisil te muc'ul lumetic te ayic ta jujun nacione. Te muc'ul lum Babilonia sbiile, ma ba ch'ay ta yo'tan Dios te puersa la yac'bey yuch' te vino ja' te tulan yilimba te Diose.

Nuevo Testamento Tzeltal de Amatenango

¹⁹ Te mam mukꞌul jtejklume oxjajt a lokꞌ a y te mukꞌul jtejklumetik ta balmilale la jim koel. Y te Diose la snaꞌ te mam mukꞌul jtejklum Babiloniae, yuꞌun ya yaꞌbe yuchꞌ te bino yuꞌun te sbaso te nojel ta kastigo yuꞌun te Diose.

Bible in Tzeltal Bachajón

¹⁹ Oxeht' loc' a te muc'ul pueblo soc hemts'uj cohel te muc'ul pueblohetic yu'un te nacionetic. Dios la sna' te muc'ul Babilonia, la ya'be yuch' te vino yu'un yilimba te ay ta copahe.

Apocalipsis 16:19 Referans Kwoze

Apocalipsis 18:5

Yu'un c'otix c'alal ta ch'ulchan te smulique. Te Diose yiloj spisil te bila amen la spase.

Apocalipsis 18:10

Q'uejel to me ya stejc'an sbaic ta yilel ta scaj xiwel yu'un te castigo yac ta yich'ele. Jich ya yalic yu'un: “Obol nax aba, ja'at muc'ul lum Babilonia, te bayal awipe. Yu'un ora nax c'ot castigo ta atojol”, xiic ta smelel yo'tanic.

Apocalipsis 17:18

Te ants la awile, ja' seña te muc'ul lum te ya xmandalaj ta stojol spisil te ajwaliletic ta balumilale —la yuton.

Apocalipsis 18:21

Soc ay jtul ch'ul abat la quil te ay bayal yipe. La sq'uech muc'ul ton te pajal soc te muc'ul cha'. La xch'oj ochel ta mar. Jich la yal: “Jich me ya awich' ch'ojel coel, muc'ul lum Babilonia. Soc jc'axel me ya xch'ayat ta q'uinal.

Apocalipsis 18:2

Tulan awun ta c'op la caiy. Jich la yal: “Jinemix. Jinemix te muc'ul lum Babiloniae. Nainbilix yu'un te pucujetique. Ja' yawiliquix spisil ta jchajp te pucujetic te ilaybile. Xluchtijib c'otix spisil ta jchajp mutetic te ilaybile.

Apocalipsis 17:5

Ay sbiil te muquen ay sc'oplal te ts'ibubil ta stibae: “Muc'ul lum Babilonia, sme' spisil jmulawil antsetic soc spisil te bila ya yilay ta balumilal te Diose”, xi' te sbiile.

Daniel 4:30

jich la yal: —¡Ila awilic bi yilel smuc'ul te Babilonia! Jo'on ta swenta smuc'ul quip, te ju' cu'un spasel swenta yu'un ja' muc'ul lum yu'un ajwalil ta spisil te q'uinal bay c'alal jwentaineje, swenta yu'un jich me ya quijq'uitaybey sna'jibal a te yutsil smuc'ul jc'oplale —xi'.

Jeremías 25:26

soc ta spisil te muc' ajwaliletic ta norte, nopolic o c'ubul ayic juju-jchajp, ja' bi spisil mach'atic ya xmandalajic ta balumilal. Ta slajibal ya yuch' te muc' ajwalil yu'un Babilonia.

Apocalipsis 11:8

Tixil me ya xjil sbaq'uetalic ta calle ta bay muc'ul lum te banti la yich' jijp'anel ta cruz te Cajwaltique, te muc'ul lum Sodoma sbiil soc Egipto sbiil ta alel sc'oplal.

Isaías 49:26

Ya me jsuj te j'uts'inwanejetic awu'un te ya xjajch' sti'ic te sbaq'uetalique; soc ja' ya cac' te ya xyacubic soc te xch'ich'elique, jich me ta yo'tanic te bit'il trago. Jich me ya sna'ic spisil te ants-winiquetic ta balumilal te jo'on Ajwalilon te Jcoltaywanejon awu'une; te jo'one, ja' Yipon Jacob, jo'on J'ac'wanejon ta libre awu'un —xi' te Cajwaltique.

Apocalipsis 17:1

Tal sc'oponon jtul ta sjuctululic te ch'ul abatetic te yich'ojic te juqueb copaetique. Jich la yalbon: —La' li'to, ya cac'bat awil te castigo ya yich' te mero jmulawil ants te nacal ta sba te maretique.